• دكتور كويس بس مزاجي مستحيل تفهمه مادته سهله و احياناً يصعبها بس عموماً افضل خيار لطلاب الاحصاء بما انها اختياريه عندنا و سهله
• ممتاز جدا اللي يهتم وباقي له كم درجة ع القريد يدف , يوصل المعلومة بالشكل المطلوب واكثر دكتور ممتاز جدا جدا
• التحضير عنده سواليف تقريبا من الاسبوع السادس وهو مكنسل كلاس الخميس ويوم الاثنين" كلاس التمارين " مايحضر معروف الشرح اسطوريي ولا يُعلى عليه متمكن جداً جداً من الماده بس لاتغيب ولا يوم عشان ماتروح عليك لان يوم واحد غياب بتلخبطك مره بالمنهج ولا فيه ذاك المراجع للماده الدف عنده مستحيل يدفك الا اذا كنت مرهه مركز معه وشاد حيلك وبالعربي حابك فخلك قدام عنده ومبتسم ولا تسوي عبيط عنده لانه اخر همه بالحياة انت عادي يفصل عليك ولا يشوفك شي فخل محترم نفسك ومركز وبيجيك قريد زي السلام عليكم
• يدرس بحث ١٠٠ و طريقة شرحه نص و نص ، و التجهيز للاختبار كلها من المذكرة حقته و ما فيه بونص ابددددددا
• بحث ١٠٠ ، طبعا الماده مالها كتاب او مرجع يعني تعتمد على مذكرة الدكتور نفسه ، مذكرة الدكتور فيها اخطاء كثيره لكن ركز مره في الشرح عشان تفهم وحاول تصور السبوره اصلا هو قبل يمسح يقول يلا صرورا للي يبغى يصور ، وقت المحاضرة قصييييير جدا يشرح نص ساعه بس و٥ دقايق يحضر ويطلعك قبل تخلص المحاضرة ب ٥ دقايق ولا عمره زاد الوقت ، الغى لنا كلاسين يعني صرنا نداوم ٣ ايام بس طول الترم ، يحضر اخر الكلاس لكنه حرييييص في التحضير جدا جدا ، بالنسبه للدرجات مايزودك ولا ربع درجه ، المداات والفانيل نسسسسخ للصصصصقق من الاختبارات السابقه اللهم تغيير ارقام فقططط يعني لو ماتفهم شيء ابد وقبل الاختبار ذاكرت الاختبارات السابقه اضمن لك فل مااااارك
• دكتور عسل واخلاق عاليه وتعامل مع الطالب وبالنسبة للتحضير يكون بأخر المحاضره واذا كان عندك سبب للغياب يسامحك فيه , شرح ممتاز جدا ولا تشيل هم الشرح ماتطلع الا وانت فاهم , بالنسبة للمذكره تكون مكتوبه بخط اليد ولاكن لا انصح الاعتماد عليها لكثرة الاغلاط والاعتماد على السبوره افضل