• درست عنده 151 شرحة جبار بيعيد لك الين تفهم قمة في الاخلاق يدقق على التصحيح يسوي مراجعة قبل كل اختبار
• دكتور حبيب ومتعاون لكن دقيق جدا بالتصحيح وخطه بالسبورة جدا سيء وشرحه متوسط التحضير مزاجي ايام يحضر اول المحاضرة وايام اخرها وبعض الايام يحضر المتأخر وبعض الايام يغيبه زي ماقلت حسب المزاج
• اقسم بمن احل القسم انه ارجل من درسني في هالكلية اختباراته عاديه بس تصحيحه اسطوري وشاتني شوت اخر الترم اهم شي احضر وخله يعرفك وابشر بالشوت
• الدكتور في التعامل يعاملك معامله رجال موب طالب ، شرحه ممتاز نوعا ما ، يده خفيفه في التصحيح، فيه ميزه جميله جدا انك لو دخلت الفاينل وقريدك B C D اي قريد جايبه انت وجبت في الفاينل ٣٨ او ٣٩ او ٤٠ يعطيك A++++++ (
• تونسي اخلاقه روعة ومحترم شرحه ممتاز لكن يبيلك تركز معه مرررة لانه يتكلم بسرعة وخطه فالسبورة يجيب الهم تصحيحه للاختبارات رائع يجبر كل اختبار لحاله يعني يعطيك اعلى درجة ممكن تاخذها بس اهم شي لاتحل بطريقة ماخذها من مذكرة ابو مهند الخصوصي لانه ينهبل اذا شافها ويعطيك صفر ويشرشحك (وهالصفة عموما متواجدة في غالبية دكاترة العلوم يكرهون الخصوصيين كره اليهود) اذا باقيلك درجة او ثنتين يدفك للقريد اللي بعده وينجح من 55 على كلامه التحضير مسكات مرة بداية الكلاس و مرة بالنهاية مشكلته بس ينشغل مايقدر يداوم ويجي بداله المنصف بوعزيز يخليك تكره المادة وتكره نفسك من شرحه النايم
• دكتور قمة بالتعامل، شرحه جدا كويس مقارنة بالدكاتره الثانين، بالدرجات برضوا كويس مره بالميدات يجبر الربع ، التحضير انت وحضك مره ببداية الكلاس مره نهايته. الزبده انه ممتاز تبي قيد سجل عنده
• انصح فيه وبشدة إنسان خلوق ويعطيك حقك وزيادة في التصحيح الربع يجبره نص والنص يجبرة درجة في كل امتحان وانسان فاهم جدا لكن مشكلته وربما ماتواجهكم مثل ماوجهتنا هو انشغاله.
• من افضل الدكتاره الي شرحون هذي المادة بدون كلام ، خلق و تفاهم رهيب ، يشدك في المحاضره بأسلوبه ، انصح به جداً ، يحضر بداية المحاضره وشديد فيها ودرجات الميدات كان تصحيحه زي العسل لبى قلبة
• هذا الدكتور جداً حبيب , يهتم بالحضور على سالفه الدف والقريدات "" على كلامه "", مايفرق بين الطلاب مثلاً ذا طالب كويس ويشارك وذا لا اهتمامه الكامل في الكشف فقط , يده خفيفه ويحاول يساعدك تاخذ عشان تاخذ الدرجة , شرحه سيء الصراحه اظن كل دكاتره 151 شرحهم سيء في الماده , تحضير عنده اخر المحاضره
• درست عنده 151 صراحة نشبة في التحضير ونظامي لابعد حد لكن طيب في المعاملة واللي يقول انه يدف ما شفت منه أي دف
• تجربتي أنا وشعبتي سيئة عنده .. الشرح سريع وصعب تتابع معه طول المحاضرة , وإذا جت الميدات الأصل أنه مايراجع , وتصحيح الميدات يأخذ أسبوعين على أقل تقدير , والفاينل أسبوع تقريبا , التصحيح دقيق جدا لازم تحل بطريقته هو .
• درست عنده ريض ١٥١ دكتور عادي مثل أي شرحه وسط خطه للي يركزون بالسبوره سيء تصحيحه يعطيك حقك وزياده شوي تحضيره دقيييييق وهذا شي مقلق صراحه وما جازلي والله يوفق الجميع لما يحبه ويرضاه.
• درست عنده ريض ١٥١ الدفعة الي قبلنا يقولون انه يشوت ومدري وش لكن اغلب دفعتنا عطاهم حقهم
• درست عنده ريض 151 دكتور خلوق متساهل يساعد الطلاب يشرح لك ويعيد لك الى تفهم يده خفيفه في التصحيح يساعد الطلاب قدر المستطاع ويدف قريد في الفاينل والماده متوسطة الصعوبه تحتاج مراجعه اول بأول