• الله يذكره بالخير خذت عنده ٢٠٣ و ٢٠٤ تصحيحه زين، وشرحه زين في ٢٠٤ هو الافضل في الشرح، لكن كانك بتحل بطريقة ابو عمر في جزئية المد الاول او الثاني، بيحط لك خطأ بالخط العريض، طريقة المنهج مع ان طريقة ابو عمر صحيحة ١٠٠٪، طريقة الحل الاصلية طويلة، تشتق معادلتين ثم تسوي عليهم عمليات بسيطة، يعني نص صفحة حل تقريبا، ابو عمر تكاملين وتنتهي المسألة، ونفس الحل
• دكتور اخلاقه ممتازة ، شرحه اسطوري ، يكتب على السبورة و يحب الي يكتب وراه ، التحضير يرمي الورقة على الطلاب يحضروا انفسهم ، تصحيحه بطل ، غلطت في بداية سؤال عليه 5 درجات و كان حلي كله غلط لان بدايتي غلط ، ما خصم علي الا درجة وحدة فقط ، انصح به و بقوة
• ممتاز جدا كشرح ، يهتم بالطلاب المهتمين ، متساعد جدا ، وجيد جدا بالتصحيح ، يكره الي ما ينتبه معه
• من افضل الدكاترة شرحا واخلاقا ولكنه ياخذ كل الوقت وايضا ممل للي ماينتبه معه
• الشرح على السبورة الخضراء وتكتب وراءه اذا أردت ويقول شرحي على السبورة كافٍ
• التحضير ورقة تمشي بين الطلاب ، عنده عرض جيد الي يجيب بالفاينال فل A+ لكن انا حليت صح وماعطاني اياه مدري ليش ، لكن عنده مشكلة كبيره انك ماتحل بطريقة ندا وابو عمر في اخر تشابتر من ٢٠٣ لازم طريقته مع ان طريقتهم صحيحه رياضياً ١٠٠٪ ، لكن بالمجمل يعتبر جيد
• الدكتور اخلاق وشرحه اسطوري فاذا نزلت عنده احرص انك تكتب معه بيعطيك خطوات لحل المسائل ويرتب المعلومات براسك، بالنسبة لتصحيحه الرجل حقاني جدا بس مع ذلك اذا نشبت وانت تحل سؤال اكتب اي شيء لانه فيه احتمال تزود منها، والصراحة اذا الواحد مركز مع شرحه ما يحتاج يدف بشيء
• درست عنده 204 ريض بالنسبه للشرح الدكتور شريح ويفصل لك وتفهم معاه اما الدرجات يده ثقيله وماعليك من الي يقولون يدف لانه مايدف ولا شي يعطيك بالملي وتصحيحه ياتفصل في السؤال وتحله كامل ولا يعطيك صفر يده ثقيله مررره يعني نظام تحل نص سؤال يعطيك نص الدرجه ماعنده ، اما تعامله اشوفه عادي يعني ماهو شديد ولاهو حبيب وبالنسبه للتحضير فالغالب مايحضر او مايهتم لكن ترا يعرف مين الي يغيب كثير ويحفظ اسمائهم ، دكتور ماهو خيار جيد اذا فيه افضل منه رح لعنده
• درست عنده ٢٠٣ و ٢٠٤ ، والله رجال ايش اقول وايش اخلي اللي عليك بس تركز معه وتنسى شي اسمه جوال ، حل نفس اللي يشرحه لك بالسبورة ، حل الامثلة اللي بيعطيك اياها ، مرات يستقعد على التحضير فجأة ، واذا شافك سرحان سفل فيك شوي ، محاضرته ما تحس بوقتها
• ما درست عنده بس سمعت من ربعي ان تصحيحه كويس ويذب ورقة التحضير وعطاهم واجب بونص ودفهم نهاية الترم
• شرحه كويس ولو انت بالك طويل ممكن تستغني عن الخصوصي معه، التحضير يوزع الكشف الكل يوقع احيانا يسوي تشييك وينادي واحيانا لا
• درست عنده ريض 204 الدكتور شرحه زين وموب مزعج بس مشكلته في اللغة شوي بحكم انه هندي وكذلك اتوقع انه في 204 غير عن باقي مواد الريض ، تصحيحه سيئ فيها مره
• ٢٠٤: تصحيحه ثقيل شوي، وكان يقول اشد بالميدات عشان اساعدكم بالفاينل بس للاسف ماشفنا شيء من اللي سمعنا
• أخذت معه 204 ريض المعادلات التفاضلية هذا الدكتور يبي يعطيك درجات بأي وسيلة يحب اللي يجلس قدام عنده ويفهم ويتابع معه ويستقبل أي سؤال بأريحية وبساطة ويكره ( الجوالات ) أثناء الشرح ويعطي تمارين مهمة جدا جداااااااااا. لو يعود بي الزمن 1000 مرة ما أخذتها الا عنده. في ورقة الاختبار بين له انك فاهم
• المادة كانت ٢٠٤ وكان شرحه مرة ممتاز لو تتبع معه وتكتب وراه بيكفيك عن المذكرات.. تصحيحه حلو بعد ويحاول يعطيك الدرجة بالقدر اللي يقدر عليه .. التحضير ورقة تمشي على الطلاب ..