• أنا أخذت عنده كل مقررات الريض ودرجاتي عنه الأفضل واعتبره أنا أفضل دكتور للريض .. لانه انسان ما عنده لعب واستهبال بكلاسه يشرح ويكتب ويبيك تكتب معه .. ما يقصر مع اللي يشوفه شاد حيله معه لكن يا ما يصلح للي يتكاسل عنده ..
• ميزته لو درجاتك بالميد مااش وجبت درجة عالية في النهائي يدفك قريد الى قريدين , وتصحيحة حلو
• شديد في التعامل والتاخير ومن ناحية الشرح ماقدر احكم عليه لاني ماكنت اركز معه اذا شافك تحل واجبات ومستواك متحسن من بعد المد الاول يدفك
• باختصار الدكتور يشرح لك حاجه والي يجيبه فالاختبار حاجه شرحه ممتاز بس ليته يجيب نفس الي يشرحه يده من نار فالتصحيح الله يعينكم عليه بس
• الدكتور محترم وتعامله جيد مع الطلاب و اختباراته مهب صعبه ويتساهل معك اذا جبت العيد في واحد من المدين ياخذ اعلى درجة ويضربها ب 2. عموما الدكتور ممتاز وأخلاقه عالية لكن بالنسبة لي ما افهم منه زين بالشرح بس اتوقع لاني افهي بمحاضرته
• لا اخلاق ولا شرح ولا تحضير بس افضل واحد يصحح بالريض يده خفيفة جدا جدا خذت معه 106
• ما ينفع للي يغيب أو الغير مهتم باختصار .. يشرح على السبورة الذكية ، مشكلتي في محاضرته تطقني الهواجيس فما أركز معه و مدري عن شرحه يعطي واجبات اللي يحلّه يحطّ له علامة في الكشف مدري كيف يحسبها بالأخير .. إذا شاف الطلاب نايمين في نص المحاضرة وقف و أعطى سؤال ""مباغت"" يشوف من اللي منتبه و عليه بونص سواها كم مرة فأنت وحظّك و اللي يهوجس مثلي مماله شيء
• الايجابيات : -تصحيحه يمشي فيه -متقيد بالوقت مستحيل يزيد عن وقت المحاضرة -التحضير بالاخير السلبيات : - التعامل غير جيد ( يستعمل رقم كل طالب بدال اسمه للتحضير ) ويحضر بسرعة وكثير ما يغيب ناس مع انهم حاضرين ما عندي مشكلة مع التحضير بالرقم بس ليه السرعة المقصودة - لا يستقبل اسئلة اطلاقا ولو استقبل يقول انت قلي انت جاوب ( كان فيه طالب دائم يسال بالكلاس )