• اخذت عنده ١٠٦ هو المنسق بالنسبة للشرح يشرح بسررعه لازم تعتمد على نفسك بشكل كبير جدا بالنسبة للدرجات مايدف بس اذا باقي لك درجة درجتين يوديك للقريد الي بعده يده بالتصحيح حلوه وخفيفه بس مو لذيك الدرجة يعني التحضير نهاية المحاضرة وماياخذ تحضير المعيد الا اذا كان مجموعك ٥٥ وتبي يوديك للنجاح لازم تكون مجتهد وتحضر عند المعيد غيره مب مهمه واخر نقطة اذا كان يعرفك بيدفك حوالي قريد
• تصحيحه بططططططل و يدف على خفيف في الميد و اذا جبت درجة كويسة بالفاينل بيعطيك على الاقل قريد
• هو المنسق كشرح ما استوعب منه شي داخل ولكن يده خفيفه بالتصحيح و يدف بالميد و التحضير نهاية المحاضره و احيانا بدايتها
• الشرح حلو بس لازم تكون فاهم وتراجع المادة وشرحه يميل للسرعة وهو اول واحد يخلص المنهج التعامل مرة عسل وخلوق الدرجات جداً يتسامح بالتصحيح ويدف اذا باقي لك عالقريد الجاي والتحضير كان يحضر نهاية المحاضرة
• شرح سيء حبيب جدا بالتحضير تدخل اخر ١٠ دقايق يحضرك التصحيح سيء لازم تراجع وراه كان منقصني ٥ درجات عشان ماحليت حل نموذجي وما يدف
• درست عنده ريض 106 وهو المنسق .. شايب حبيببب جدا ومتعاون مع الطلاب وشرحه جميل صراحه بس عيبه انه سريع جدا يخلص المنهج بدري مره .. تساعد معنا جدددا في ازمة كورونا عن بعد ودفنا في درجات اعمال السنة
• دكتور ما أتوقع بتحصل أطيب منه تحس يبي مصلحه الطلاب كأنكم عياله وبالنسبه للشرح سريع نوعا ما وبتحصل انكم سابقين الخطة بشي كبير أما الدرجات ما أتوقع أنه يدف أبد ألا إذا كنت قريب من القريد لكن فعلا الشيء البطل هو تصحيحه يعني فعلا أشياء يمشي فيها خصوصا للميد الثاني والفاينل وبالنسبه لي مواد الريض التصحيح فيها اهم من الدف التحضير يحضر على اخر المحاضره
• اسطوري كشرح للاساسيات ،، مايتعمق كثير. اذا اساسك كويس بتمشي معه ، مايدف لكن اذا شاف جزء من حلك صحيح يمشي لك .. اتمنى ادرس عنده ثانية
• منسق 106 ، دكتور يخش يبيك تفهم الفكرة الاساسية و التركات ما يخش فيها ، بتفهم على الاكثر 50 بالمية بس ، ميزته انه مهمش المعيد و لا ياخذ تحضير التمارين ، تصحيحه خرافي و يده خفيفه و يتقبل حلول مختلفه ، باختصار دكتور ما يتكرر بكلية العلوم
• يقدر الطلاب اللي يجيبون درجات عالية ف الاختبارات ممكن ما يحرم الطالب اذا درجاته كويسة كشرح ماكنت افهم معه انصح في خصوصي اسمه ابو عمر اسطورة ف الريض
• اللي لك لك واللي عليك عليك بالتحضير والرصد والشرح باختصار دكتور وسط ٥٠/١٠٠
• ريض١٠٦ ، شرحه عادي لكن سريع مرة ، التحضير يقولون شديد فيه لكن ما قد تأخرت عنده ، الدف عنده شبه مستحيل ، وهو المنسق
• دكتور لا بأس به يشرح على السريع ما يتعمق كثير بالشرح ياخذ ساعة بس من المحاضرة ويطلعنا وهذا اللي كان مصبرنا عليه بالنسبة للدرجات يعطيك حقك ما يزودك والتصحيح عادي مو متساهل كثير كان يقول اللي مو عاجبه التصحيح ويشوف نفسه انظلم يراجعني لكن لا تحاول تاخذ درجات مو لك ، الدكتور اخلاقه حلوة ما عليه
• من احسن دكاترت ١٠٦ اذا ماكان الافضل الرجال ما يدف كثير لكن عنده ميزة ممكن ترفعك قريدين الطريقة هي انه اذا بغا يصحح اذا شم ريحة الاجابة يعطيك درجة محترمة على السؤال يعني لو تكتب بس الاجابة بدون الحل ممكن تجيك نص الدرجة انسان خلوق و متعاون لكن اكرر الرجال ما يدف لكن تصحيحه يطيرك فوق مع القريدات