• يحضر نهاية المحاضرة، ما يهتم بالتأخير وما يهتم اذا انت مركز معه ولا نايم ولا على الجوال، ويعطيك بالنهاية قريد
• دكتور عسل بمعنى الكلمة اخلاق مافيه احسن من اخلاقه ، شرح واهتمام بالطالب مافيه احسن منه ، انا انصح به وبشدة صراحة الدكتور حتى تصحيحه جميل ما اشوف شيء ينقصه صراحة
• درست عندة 203 و 244 ،، دكتور عسل اخلاق و في التصحيح يحاول يعطيك حقك وزيادة ولا يدقق على التأخير اما الشرح موب ذاك الزود لكن لابئس به اذا تراجع اول بأول بتفهم معه
• يحضر نهاية المحاضرة وما يهتم اذا تأخرت او طلعت جوالك ويدفك للقريد الي بعده
• الدكتور اخلاقه جميله ويحضر اخر الكلاس لو جيت قبل ما يحضر بدقيقه عادي راح يحضرك ، بالتصحيح راح يخسف بك لكن يقال بالنهايه انه يعطي الكل قريد لكن عن نفسي ما شفت شي عطاني القريد اللي استحقيته
• ريض 203 شرحه كويس والتحضير نهاية الكلاس يدف درجتين الى ثلاث للقريد اللي بعده
• شرحه جيد ، الدكتور اخلاق في التعامل وأي سؤال يجاوبك عليه والتصحيح عنده ممتاز
• الدكتور درست معه عن بعد تعامله كويس والدرجات يدفك بالنهاية شوي والتحضير نهاية المحاضره بس المشكله الكبير جدا بالشرح كان يشرح من المذكره شفوي يقرا اللي مكتوب فيها ما كان يكتب ولا يشرح من عنده يقرا اللي بالمذكره فبحكم انه عن بعد ولا فيه كتابه والدكتور مب قاعد يشرح باسلوبه يشرح من المذكره كان الفهم شبه مستحيل الصراحه وما مشاني الا الخصوصي الصدق بس لو عندك حضوري امورك تمام ان شاء الله
• دكتور رهيب بس خلك دايم متفاعل معه فالكلاس و شارك و جاوب وابشر بالدف ان شاء الله الله يعطيه العافيه ماقصر معي
• انسان خلوووق جداً يمزح ويضحك حبيب جداً درجات يعطيك اكثر من حقك اذا يعرفك ابشر ب الخير نزلت عنده ١٠٧ و ٢٠٣ ولو يعيد بي الزمن جيت له طبعاً الشرح ما اركز انا معه داخل خصوصي لكن يقولون الشباب نص ونص
• تعامل وتحضير مارح تلقى احسن منه لكن بالنسبة للشرح مو الأفضل لكن مو سيء
• دكتور لو مايجي منه الا انه فكني من اقذر ماده بخطتي ٢٤٤ ريض ، متعاون جدا و حبيب ويستقبل الطلاب بمكتبه و حتى اذا متضايق تلقاه يضحك بوجهك و يحترمك عسل عسل عسل الله يسعده .
• انخدعت فيه عن نفسي مافهمت من شرحه و تصحيحه الميد الاول كان كويس لكن الميد الثاني زعل و شخصن و صار تصحيحه وصخ مره و نقصني كثير الصراحه اللي يشفع له تحضيره
• درسني ريض ١٠٧ ، شرح متوسط ، مايدف ولا درجة عطاني حقي .. ، مايهتم بالتحضير.
• باختصار : (((منفوخ))) ابلشنا طول الترم بأدفكم واساعدكم لحد يحذف في النهاية نص اللي دخلو النهائي حاملين المادة مع أن محد يدخل الفاينل في هالمادة الا واحد درجاته عالية نوعا ما التحضير يحضّر اخر المحاضرة ولو تدخل وهو يحضر حضّرك عادي
• محترم جدا وشرحه وسط، يحضر نهاية المحاضرة وما يهتم بالتأخير وما يهتم انت مركز معه ولا نايم ولا ع جوالك ، ويعطيك قريد
• درست عنده ريض ١٠٦العالم ترفع فيه بشكل مو طبيعي لكن الدكتور عادي جداً ما يميزه شي زيه زي اي دكتور ثاني اللهم اسلوبه افضل من غيره والتحضير نهاية المحاضرة عادي تدخل بوقت متأخر يحضرك والتصحيح عن نفسي نص ونص وغيري يقول تصحيحه سيء وبعضهم يقول تصحيح كويس انت وحظك وحاول تراجع ورقتك معه لانه يغلط احياناً. عموماً المادة تعتمد عليك ومراجعتك اليومية لانها كثيرة ودسمة من ناحية صعوبة ما اشوفها اصعب ريض يبيلها وقت بس.
• الشرح سيء لابعد درجة لكن الدكتور اخلاقه حلوه و تصحيحه جيد و يراعي الي يبدع بالفاينال
• الدكتور ممتاز وفاهم ريض ١٠٦ بس مشكلته في الشرح يختصر الحل يضن ان كل الطلاب عارفين وش يسوي و اذا سألته م يقصر يعلمك الي تبي و يده خفيفه ب التصحيح
• الدكتور نزلت عنده ١٠٦ على اساس يدف وقالنا بدف قريد للكل لكن انا ومعي ٥ كلنا مادفنا ولا قريد مدري عن باقي الكلاس شرحه حلو للي يحضر الدروس قبل بس اذا انت ما تحضر منتب فاهم وش يقول يحضر اخر شي ويمديك تحضر اكثر من واحد معك ما يركز ومب صحيح ما تمشي عليه حركات التشبيك عشان يدفك ولا يطيق المذكرات ولا يحب يشوفها ولا يجاوبك حتى لو سالته بسوال منها
• درسني ريض ١٠٦ ، أول شهر ماكنت أفهم منه ابدا وكنت اقول شرحه سيء ، لكن اخر شهرين صار يخصص بعض الحصص لحل تمارين فقط وصار شرحه افضل شوي بس مازال دون المطلوب ، اخلاقه عالية جدا والتحضير باخر الحصة وتصحيحه خفيف وفالاخير يقول اللي بيجيب فل او اقل بشوي بيدفه قريدين ، بشكل عام دكتور رائع من جميع النواحي عدا الشرح كان دون المطلوب بالنسبة لي
• ريض ١٠٦ الدكتور عسل بالكلاس لو تقعد تلعب ورا كا قالك شي ويحضر اخر الكلاس ولا يحرم ويدف قريد
• دكتور يمكن ميزته الوحيدة اخلاقه وتحضيره يكون نهاية المحاضرة بالنسبة للشرح عادي لكن يحل امثلة كثييير يعني تفيدك وتصحيحه مزاجي على كلام الطلاب واحد يقولي صححلي كويس وثاني يقول ينقصني على اشياء غريبة
• درست عنده ١٠٦ حبيب جدا بس ماكنت استفيد من شرحه لأني اعتمد على مذاكرتي في البيت ودايم اكون متأخر عن الكلاس لكنه في بقية الامور الثانية بطل! في التحضير يتساهل دايما وفي الأخير يدف قريد
• الدكتورمحترم وممتاز من حيث الأخلاق ويده خفيفه بالتصحيح. ما يدقق بالخطوات اهم شيء الجواب النهائي وطريقة حلك تكون منطقية. مشكلته شرحه كان يعقد الامور وهي بسيطة بس كان يعجبني انه كان يحل معنا الاكسرزايز بالمحاضرة (حلو انك تحله اذا جيت تذاكر للميجر). ما يركز مره بالتحضير(يحضر نهاية المحاضرة).