• انا درست عنده شرحه بطل بس الظاهر ما يدف، الطلاب ما يمدحونه مدري وش السبب بالضبط
• محترم ويشرح من سلايدات شرحه نوعا ما جيد كثير طلاب يشتكون من شرحه لكن اشوفه جيد وميزته يسوي مراجعه نهاية كل شابتر ويحل اسئلة سابقة يهتم بالتحضير ويعطيك حقك بالملي مستحيل يزودك درجة خصوصا والاسئلة خيارات .
• هو بالعادة يتاخر شوي دقايق لكن تجي بعد مايخلص التحضير ويبدا يشرح مستحيل يحضرك
• الدكتور عبدالله منسق الماده قبل سنه مدري للحين هو المنسق ولا لا ، نزلت عنده صيفي ، الدكتور اخلاق ومحترم وتحضيره نوعاً ما دقيق ، انا كنت منزل خصوصي ابو حمزه فما كنت اركز معه ولا هو كان يشرح ومدري اذا شرحه كويس او لا ، طبعاً في الدف ما قصر دخلت الفاينل بB+ وطلعت بA طبعاً وانا معيد فالفاينل السبب لاني رحت له وكلمته وقلت له اني محتاج الدرجات وحالتي حاله لاني مبتعث وما قصر طبعاً كان يعرف اسمي من البداية اشارك معه .
• رئيس القسم، شرحه سيء جداً وممل لأبعد درجة، الدرجات ماودي اظمله لكن الله اعلم اذا كان منقصني او لا، التعامل يعطيك وضعية الحبيب والي بيتساعد معك بالأخير يسحب عليك، اذا جاك مراقب الله يعينك، ميزته بالتحضير بالاخير ومايخالف لو تأخرت شوي، بالنسبة لي شخصياً لو جاني مره ثانيه حذفت المادة.
• شرحه بطل، اذا جيت متاخر يتضايق بس نهايه الكلاس يحضرك، بالدرجات مب مره، درست عنده ترم كورونا
• صراحة دكتور رائع خلوق وحبيب لابعد درجة الي يبغا علم وزيادة معرفيه اكثر من المنهج انصح فيه متفهم جداً الشي الوحيد الي لازم احد ينتبه ان الشرح حقه عبارة عن مفاتيح للفهم والباقي عليك بس في حال احد طلب شرح بالتفصيل ما يقصر
• درست عنده بالصيفي دكتور عسل بالتعامل وشرحه متوسط والحلو فيه اذا سألته يعيد لك الشرح لين تفهم من ناحية التحضير فهو دقيق وبالغالب يتاخر عن الكلاس 10 دقايق فا يمديك تلحّق.
• التحضير يحضر عادي لو متاخر شوي اساسا هو يتاخر الشرح سيء ماحل معنا اي نماذج نهائية فوق المحاضرتين عنده اجتماع ويكنسلها ويضغطنا باقي المحاضرات ومواعيده غير دقيقه ابدا ندمت اني دخلت عنده
• ممتاز جداً جداً من ناحية الشرح ، أخلاقه جداً عالية ويستقبلك بصدر رحب في مكتبه ، يحل اختبارات سابقه قبل الميدات والفاينال ويشرحها ، يستقبل أي سؤال من الطالب ويجاوبه مهما كان السؤال ، من ناحية التحضير شديد شوي لكن لو متأخر 8 دقايق وحولها يحضرك ، ما أدري عن الدف لكن على كلام الزملاء ما دفهم.
• اخلاق وشرحه كويس لكن مايدف ويحضر اول مايدخل , اذا بتنزل عنده لازم تشوف معيد العملي حقك اذا اسمه حسن وشايب ومصري انصحك تغير الدكتور لانك بتنظلم منه وتكره المادة