• الدكتور متعاون جدًا ، يخير الطلاب في طريقة الاسئلة ، يعطي تكليف بونص ، شرحه جدًا ممتاز ومتمكن من شرح المادة ، يهتم في وقت الحضور ، يشرح من سلايدات ويرسلها للطلاب
• شركات ، اوراق تجارية جميع الاختبارات خيارات موضوعية السلايدات الدكتور
• دكتور نفس بشكل مب طبيعي .. يضحك ويسولف معنا بالمحاضرة وبقروب الواتس فجاة يقلب علينا ويقول ترى الاختبار الجاي مقالي والمذاكرة من الكتاب عشان طالب واحد ارسله انه ما يعرف يشرح .. نقعد نراضية سنة عشان يقول خلاص منب حاط مقالي .. بداية الترم كان حاط ١٠ درجات تكاليف .. فجاة والله بيوم وليلة شالها قال ما اعجبني تفاعلكم عالتكليف الاول ( اللي قالنا بعظمة لسانه ان التكليف هذا مب مهم مب لازم تسوونه) .. طبعا خلا اختبارين الميد من ٦٠ وهذا مب من مصلحة الطالب وجاب فينا العيد .. وطبعا طول الترم نراضيه ونكلمه عشان لا يزعل .. طفشنا والله .. واحس والله اعلم انه مشخصنها مع طلاب الادارة .. عشان كذا قلب علينا
• ابو شرف افضل دكتور بكلية الحقوق ، اختباراته ماتطلع من محاضراته ، انا طالب كلية الادارة احسدكم على هذا الدكتور ، بس ملاحظة بسيطة الدكتور شوي شوي نفسية ويدور الزلة ، لا ينفس عليكم ووضعكم سليم ، ولا تغشون بالتكاليف لانه بيعطيكم كلكم صفر
• الدكتور ممتاز ومادته بتستمتع فيها وبتضمن انك تفهمها ومشكلته الوحيدة اذا احد من الطلاب شطح عليه يتحسس من الشعبة كلها لكنه حبيب
• دكتور شرحه وتعامله مره كويس مشكلته الوحيدة باختباراته كلها تركات وتواريخ
• الدكتور حبيب وخلوق ومحترم لكن ان جلستو على جوالاتكم وذي الخرابيط انتم اللي بتتحملون ، شرح جبار ، متعاون بوجهه نظري ، اختباراته نارر اذا منت فاهم بتضيع بالاختبار لازم تكوم مركز مع الدكتور صح لانه بيحط اختبار على نفس شرحه لانه يشرح من قلب ما شاء الله ، اذا طالب اداره ما انصحك صراحه لانه يعاملنا سواسيه والمقرر مهم لطلاب القانون فهو كان يشرح كان كل القاعه طلاب قانون ، شد حيلك احضر معه ركز معه بتقدر تجيب درجات حلوه معه اخر الترم عطانا تكليف ٥ درجات الله يجزاه خير
• دكتور متعاون يعطي تكليف و بونص و متمكن من المادة. يقلب على الشعبة اذا اكتشف تلاعب بالتحضير او شاف ناس مشغولين بالجوالات.
• شرحه كويس تعامل واخلاق جداً سيء اختباراته صعبه جداً تكاليفه صعبه بعد من اسوء الدكاتره الي درست عندهم
• الدكتور كان معروف عنه انه كويس ، لكن بحكم تجربتي قلب علينا ١٨٠ درجه ، تعامل جدًا سيء يعامل كأنك في المتوسطة اسلوب فيه حده ووقاحة ، الدرجات كان صارم فيها وما يسهل على الطلاب ابد وما يقبل اي اقتراح ويحس انك تهاجمه ويقعد يهاجمك ، ويتمنن عليك اني انا سويت وفعلت لكم وما شفنا الفعل اللي قاله ، اخلاقه في بداية الترم كانت كويسه لكنه قلب وفصل على الشعبه كامله ويعاملهم بشكل سيء جدًا .
• احد أفضل الدكاترة بالنسبة لي بالجامعة ،،،اختبارات الاول كان متوسط ،الثاني كان سهل، النهائي ايضًا سهل شرح واضح و مبتسم دايم
• درست عند الدكتور مبادئ قانون، والدكتور جدا محترم، خلوق، وتهمه مصلحة الطالب بشكل كبير، الشرح جدا ممتاز ويعطي أمثلة من الواقع، إذا سمحت لي الفرصة فسأدرس عنده من جديد بكل تأكيد - إن شاء الله-. والدرجات عنده سهلة لمن يحضر.