• حقق ١١٣. الدكتور خلوق ومتفائل ومحاضرته خفيفة جداً. منهجه قصير ويحدد منه بالمحاضرة اللي قبل الاختبار ونادر ما تطلع الأسئلة عن التحديد. نظامه ميد واحد من ٣٠ و٢٠ درجة بحث سهل مرة و١٠ درجات مشاركة وحضور اتوقع انه ما يخصم منها. التحضير الكشف يدور وتحضرون نفسكم. انصح فيه وبقوة
• دكتور أقل ما يقال عنه أنه اسطوري تبيه شخص فهو متمكن وبقوه واختباراته جداً بسيطة بس يجيب أدلة (قرآن أو السنة) بس يبقى خيارك الاول ولا راح تندم بتطلع منه وانت فاهم المقرر بشكل كامل وبقريد عالي
• تبي شرح ؟ موجود ، اختبارات سهلة ودرجات ؟ كمان موجود ، تبي اعتذار ؟ يعتذر كمان. قولي وش عذرك م تنزل عنده؟
• الدكتور منير من افضل الدكاترة في الكلية ومتعاون مع الطالب اذا تبي محاضرة ممتعة + قريد مرتفع نزل عنده "الميد يمكن يكون فيه صعوبة شوي لكن الفاينل بتنصدم من سهولته" المهم نزل عنده وصدقني منت نازل عن "أ"في اسوء الاحوال
• يعجز اللسان عن وصف شخص مثل الدكتور منير القرني، قامة في الأخلاق والعلم. أسأل الله أن يوفقه دنيا وآخرة أذا حصلك انك تنزل عنده مدخل للفقه أو أحكام الأسرة لااااا تتردد
• عسل عسل عسل..مايطلب كتاب يطلب مذكرة ١٤٠ صفحة تقريبا وكان عندنا ثلاث محاضرات فالاسبوع حذف وحدة خلاها محاضرتين بس
• الدكتور حبيب جدا وعسل اخلاقه عالية جدا ومحترم التحضير تنتقل الورقة بين الطلاب ويحضرون نفسهم الشرح طالب يقرا والدكتور يعلق على النقاط الي قراها الطالب والدرجات الA+ مضمونه عنده وسهل تجيبها لا تتردد ابد تنزل عنده اي مادة
• الدكتور متفائل جداً يبعث السعاده في نفسك وغير جوك شرحه جميل واشراقاته الصباحيه اجمل متساهل وحبيب جداً
• افضل دكتور بلا منازع من جميع النواحي اخلاق درجات سهوله تساهل تحضير والترم هذا عطانا 4 تكاليف بس واخذنا أ+ وكل تكليف اسهل من الثاني وما اقول الا الله يسعده
• افضل من يدرس هذه المادة ، ممتاز جداً الدكتور من كل النواحي أسأل الله له التوفيق أينما كان ، باذن الله بنزل عنده كل المواد ذات الطابع الشرعي ( احكام اسرة ، قواعد فقهيه).
• أفضل دكتور في الكلية ومحاضراته ممتعة وتقسيم الدرجات عنده ممتاز أنصح فيه وبشدة
• دكتور مايحتاج كشرح وتعامل مافي مثله اما بخصوص الدرجات فهو يعطيك حقك ومالك حق تعترض لانه اصلاً يحدد من المنهج ، انصح فيه طبعاً وبقوه
• دكتور حبيب ويحاول يخليك إيجابي في حياتك الصراحه استفدت من كلامه ونصائحه في الحياة العامة وغير من شخصيتي إلى الأفضل اما في النسبة للمادة كل شيء فيه ممتاز شرح وأسئلة ودرجات لا يفوتكم بس احرصوا على الحضور محاضراته ممتعه جدا
• الدكتور منير هو حَسَنَةْ كلية الحقوق، هذا الدكتور يقدّم المحاضرات بشكل مختلف ومُغاير عن الطريقة التقليدية التي هي الشرح فقط، فهو يبدأ المحاضرات بإشراقات صباحية مُلهمة وإيجابية من خلال كلماته البلسميَّة التي تتسلل للقلوب وتغيّر في النفوس الشيء الكثير، وأنا شخصياً تغيرت من شخص شبه سلبي في حياتي وأصحبت شخص أكثر ايجابية ومؤثر ايجابياً على من حولي بفضل من الله ثم بفضل الدكتور منير الذي يجعلك تنظر للحياة بنظرة حُب وتفاؤل! ، فهو بمثابة الأب للطلاب ويعاملنا مثل ابناءه. محاضراته خفيفة وتنتهي وأنت لا تشعر بالوقت وتتمنى أنها لا تنتهي. ويا اخواني الطلاب إذا لم يسبق لكم أن درستوا عنده فأنه فاتكم الكثير ..
• الدكتور حبيب ومتسامح وخلوق واختباراته سهله ، الاختبار النهائي حقه دخلت وانا منصدم من السهوله