• اسطوره بمعنى الكلمة ، ميد سهل مره كان كله صح وخطأ ، والنهائي بعد بعتبر سهل
• في تاريخ القانون لاتدور غيره، الدكتور شرحه ممتاز لكنه راعي غيابات اختباراته كلها صح وخطأ وشوي خيارات، من ناحية الدرجات الدكتور يدف شوي،
• دكتور عليه مدح لكن الصراحه في الواقع غير اخذت عنده اداري 1 وكانت الاسئلة مقاليه وصعبه وفيها قضايا و مايدف ولا شيء وتعامله كان سيئ معنى و اخذت اداري 2 معه وبعد الميد حذفتها جاب لنا اختبار تعجيزي بمعنى الكلمة واغلب الشعبه درجاتهم سيئه و ماعنده منهج محدد يبيك تكتب معه
• صعب تجيب عنده درجة لكن تقدر وموب مستحيل ومن ناحية الفهم أفضل دكتور للآن نزلت عنده وممكن تدخل الاختبار من فهمك بالمحاضرة ومتمكن جدًا من مادته (إداري١)
• درست عند الدكتور جبرتي تاريخ القانون من ناحية الشرح جدا ممتاز ويوصلك المعلومة وما يتجاوز اي نقطة الا ويسأل اذا فيه نقطة غير واضحة او شيء ويشرح للي يحتاج تكاليفه شوي غريبة لكن يعطي عليها درجات كان باقيلي على ال أ+ نص درجة وانا داخل الفاينل والحمدلله عطاني ال أ+ ممتاز واختباره متوسط صح وخطأ واختيارات وسؤال بونص مقالي
• الدكتور من ناحية الشرح ما يختلف عليه اثنين مميز ويوصلك المعلومة بشكل جميل وبسيط ولازم لازم لازم تسجل معه لانه يطلع من الكتاب كثير بالذات بالاداري لدرجة اني رايح الاختبار وانا ما فتحت الكتاب اذاكر من السلايدات والملخصات لان اغلب كلامه يتعارض مع اللي موجود بالكتاب وبالدستوري نفس الشيء تقريبا بس الكتاب داخل معك باشياء كثير وما يتعارض شرحه مع الكتاب ويخليك تذاكر الأنظمة الأساسية بدال ما تذاكرها من الكتاب، وأما بخصوص اختباراته بالدستوري كلها مقالي الميد والفاينل لكن كلها واضحه ويبيك تفصل له بكل سؤال ما تكتب سطر بس ويعطيك كويزات ومشروع والاداري صح وخطا واختيارات وسؤال مقالي، يمديك تجيب قريد اذا شديت
• الدكتور على كثر المدح الي فيه ماكان نفس المتوقع لكن عموما جيد شرحة راح يوصل لك المعلومة لكن للأسف مايمشي مع الكتاب ويحب النظرات والفلسفة يعطي كم تكليف ويعطي بونص واختباراته ((هذا الفصل)) كانت كلها مقالي لكن سهله
• اهربواااااااااا والله اهربوا لكن عشان اكون منصف في تاريخ القانون عليه مدح موب طبيعي لكن في القانون الاداري اهربواااااااااااا
• يعشق شي اسمه خسف بالدرجات حرفيا يصحح الميد والكويز والتكليف على حسب مزاجه يموت لو عطاك درجه كامله مره لا تدور عنده درجات مرره اذا انت طالب ومجتهد وشاد حيلك راح تفهم معه لكن الدرجات الله يكون بعونك
• الدكتور جدا ممتاز كشرح، حتى لو انت من النوع الي ماتفهم بتفهم، لكن لااازم تسجل معاه لانه يعتمد ملاحظاته بجزء كبير جداً بالاختبار وتحديد النهائي والاختبارات سهل جداً لكن الملاحظات الي تسجلها لها عامل كبير، انصحك تنزل عنده صراحه لانه مره محترم بعد وعلى كل جزئية يوقف فيها يقول احد عنده سؤال
• اختباراته مقدور اختيارات وصح وخطا وسوال واحد مقالي عليها لكن يعطيك واجبات تحفر ماجبت فيها درجه كامله ويعطيك مشروع تخسي م تجيب درجه كامله فيها تصحيحه دقيه جداً الدرجه تحس يعطيك اياها من جيبه شرحه سريع جدا كلامه سريع وترا يشرح اشياء مو ف الكتاب يعني لازم تسجل وراه فيه طلاب مسوي ملفات ومذكرات ع شرحه لكن بعضها ناقص شوي صراحه م انصح فيه واجباته صعبه وال A عنده صعب جدا تاخذها ويوهمك بأسئلة البونص ف الاختبار والواجبات ويحطها ومستحيل تاخذ درجه كامله مثلا واجب عليه ١٠ درجات يحط سوال عليه ثلاث درجات بونص بعدين تطلع الدرجه تلقاك ماخذ ٥ من ١٠ كيف مدري والاجوبه دايم يحب تفصييييييييل
• من الآخر اذا ودك تصير نفسيه ومعقد نزّل عنده+لا ترتجي انك ترفع معدلك عنده او تجيب قريد حلو نهائياً ملاحظة:درست عنده في وقت كورونا(عن بعد)
• جدا ممتاز من افضل الدكاترة عنده طريقة تدريس مختلفة ورائعة لكن يحتاج الى كتابة وتفريغ للمحاضرات وفيه مذكرات من الطلاب في بعض المواد
• دكتور ممتاز وخلوق وعارف مادته كويس، لكن كنت داخل بالنهائي ومجموعي ب+ لكن جاب اختبار صعب واخذت د+
• الدكتور شرحه كويس ويعيد في كل محاضرة الدرس السابق الذي تم اخذه، ويستقبل الأسئلة بصدر رحب، وتعامله ممتاز مع الطلاب. أما تقسيمه للدرجات كان: ٢٠ مد - ١٠ كويز كتاب مفتوح - ٣٠ مشروع. (تقسيمه يختلف من ترم لترم) وللأسف الشديد أغلب درجات طلاب الشُعب طااااارت بسبب المشروع وأغلب الطلاب طاحوا قريد وقريدين وأكثر. فنصيحتي للطلاب للي بينزلون عنده اطلبوه أنه يحط اختبارين مد أفضل بكثيييير من المشروع حقه لأنه دقيق جداً ويعاملك كأنك مقدّم بحث دكتوراه وبيطلع عيوب لين الليل . وبالأخير الدكتور ممتاز اخلاقاً وتدريساً وتعاملاً وحركة المشروع ما تعيبه بشكل كامل ولكن احذروا وشكراً .
• عطانا مشروع وخرب قريدات اغلب الشعبه، ولا الشرح والتقشيم للدرجات كان واضح لكننا لقمنا في تقييمه للمشروع، توقعنا اننا مع التقديم امام الطلاب بيكون مساعد لزيادة الدرجات علماً ان اغلب الطلاب راجعوا مشاريعهم معه لكنه نقصهم، عطانا قريد على تقييم للمشروع يعني الي جايب ١٢ من ٣٠ يعطيه ١٨ وكذا. طلعت بـ ب+ والحمد لله على كل حال.
• الشرح ما كان سيء ابدا لكن تقسيم الدرجات كان زبالة ، بمعنى الكلمة صقعنا بمشروع طيح درجاتنا ، نقص مني ١٠ درجات وطلعت فيه ب+ ولو يعطينا درجاتي صرت أ+ حسبنا الله بس
• مدرس مجتهد و متعاون مع الطلاب يعيب عليه الاستعجال في الشرح و السرعة في الكلام
• اسطورة بمعنى الكلمة درست عنده اداري 2 ودستوري وهذا الدكتور نادر تلقى زيه كان قمة فالأخلاق وشرحه رهيب ويحب يخفف عالطلاب ويساعدهم وتقدير A+ تجيبه بسهولة عنده نصيحة اذا لقيت هذا الدكتور لازم تنزل عنده