• درست عنده اول ترم يدرس كان جيد واعطى كل طالب قريد ، الترم الثاني كان سيء واختبرنا في جزئيه ماقد شرحها ولا اعطى قريد بخصوص الاسأله اسأله غريبه نوعاً ما ناحية الصياغه كل شيء فيه سيء الا التعامل تعامله طيب ..
• من أسوأ الدكاتره الي ممكن تواجههم في الكلية ، سيء بالشرح والاختبارات مايعرف يصيغ الاسئلة زي الناس ومتوسط قريدات الطلاب عند من ( د ) الى ( ب ) !! وفيه ١٢ طالب حملوا المادة عشان كذا ما انصحكم فيه بتاتا
• الدكتور كويس بالتعامل، لكن في الشرح والدرجات وغيره خايس جدا ولا يعرف يكتب اسئلة الاختبار يعني يلف ويدور بالسؤال ويبيك توصل للمعنى اللي في راسه هو والشرح تعبان يحدد رؤوس اقلام وتتفاجئ في الاختبار انه جايب من برا التحديد هذا غير صياغة الاسئلة اللي مدري كيف جايه، نصيحه اخ لاتنزل عنده حتى لو مافيه الا هو اجل المادة او شف لك اي حل ثاني
• ما يعرف يشرح مع كامل الاحترام له يذكر رؤوس اقلام والاختبار اشياء عميقه وصعبه جداً وصياغة سيئة للأسئلة جداً سيئة جداً نسبة فائدتي من المادة ١٠٪ .
• نزلت عندة مبادئ عنده صعوبات تعلم في الشرح ما يعرف كيف يوصل المعلومة غياباتة كثير واذا جت المحاضرة الي بعدها يقرأ رؤس أقلام الدروس تقسيمة للدرجات ٢٠ واجب ٤٠ شهري ٤٠ نهائي الوجب الكل كامل الشهري محد جاب فل نهاية الترم أعلى شخص جاب b+ تقريبا نص الشعبة حملو الي بقى له درجة او درجتين دفهم
• الدكتور بنفسه لازم ينزل عند أحد الدكاتره ويتعلم اصول الشرح والتدريس لأنه يفتقرها افتقاراً شديداً، كثير الغياب والاعتذار، يشرح اكثر من ٦ دروس بمحاضرة وحدة وبشكل مختصر ومختزل ومهزوز، وأيضاً لابد انه يتعلم كيفية وضع الأسئلة !، اجل الفاينل السؤال الأول عليه ١٥ درجة والثاني ١٠ درجات والثالث ١٥ درجة !! واسئلته مقالية بحته حتى بالصح والخطأ، وغير كذا ما تعرف معايير التصحيح عنده ! والصراحة اول مره انزل عند دكتور محمّل ١٢ طالب بالشعبة فضلاً عن متوسط الدرجات الذي ينحصر اغلبه ما بين الـ D و الـ C+ ! خيار سيء جداً إذا اقدمت عليه يا اخي الطالب بعد قراءة التعليقات فأعلم انك وقّعت على نفسك شهادة الغباء
• الدكتور كتعامل ممتاز التحضير مايحضر ، بس سيئ جدًا جدًا من ناحية الشرح متردد كثير وتحس معلوماته على قده ومن ناحية الاختبارات ساذج جدًا من ناحية الاسئلة ما يعرف يصيغها ابد خسف فينا في الميد رغم ان الطلاب مذاكرين كويس بس من صياغته الغبيه يجيبها بطريقه مغايره للكتاب وللشرح حقه بالرغم انه كان يقول محد يحمل عندي وحمل بعض الطلاب وفيه منهم خريجين ، صراحه ندمت اني نزلت عنده لا درجات ولا شررح يعني الفايدة 0 رح للعثمان ولا المالكي ابرك على ان المالكي يقولون سيئ بعد
• أسوأ دكتور ممكن تنزل عنده ، لا شرح ولا درجات بس يتخبط في الشرح ويتلعثم بالكلام وغير متمكن من المنهج وفوق كذا اختباره جدا صعب لانه يصيغ اسئلة غير واضحة ومن برا المنهج ، فيه طلاب من شعبتنا حملهم المادة والباقين معطيهم من ( د ) الى ( ب ) وانا معطيني ج !! فنصيحة لوجه الله ابعدوا عنه ولا تنزلون عنده
• دكتور مايشوف رجال قدامه يسلك لك ويعطيك على جوك ويقول كلام مب قده ، حسبي الله عليه اسوء دكتور بيمر عليك لا تنزل عنده حتى لو منحد عليه لان صدقني لا صياغة بالاسئلة ولا شيء الا التعامل والتعامل وش تبي فيه ترا منتب متزوجه ، مهما شديت حيلك معه وسويت كل شيء صدقني بتطلع بأقل من حقك
• دكتور شرحه غير واضح ويخلص بسرعه وتحديده للاختبارات موب واضحه واختباراته سهله لكن تصحيحه غريب واغلب اسألته مقاليه
• دكتور تعامله عسل و طيب لكن اذا تبي درجات لا تروح حوله و الشرح سيء جدا و اذا سألته بيجاوب عليك تسليك و فوقها اسأله الاختبار مايعرف يصيغها و مب معطيك بونص
• قلتها قبل لما درست عنده مبادئ ان الطلاب يمدحونه عشانه دفهم قريد وهو شرحه موب مره وكان تقييمه عالي لكن الان وبعد مادرسوا دولي (وانا معهم لا تسألوني ليش درست عنده مرة ثانية انحديت عليه!) اقتنعوا انه مايعرف يشرح وصح انه يحذف مواضيع كثيره من الكتاب الا انه يطلع لك بأسئلة غرييبة هذا غير انه مايعرف يصيغ الاسئلة تقعد سنه ماتدري هو وش يبي منك يعني لا شرح وولا درجات مع انه تقدر تطلع من عنده ب(ب+ وفوق) ويعطي واجب واحد سهل لكن مشكلته في شرحه واختباراته
• نصيحة لوجه الله لا احد ينزل عنده درجاتنا سيئه جدا من صياغته مايعرف يشرح ابدا ولا حتى يعرف يصيغ اسئلة زي الناس حسبي الله عليه بس ، نزلو عند العثمان ولا المالكي اهم شي انحاشوا عنه لانكم ما راح تستفيدون شرح ولا درجات ولا شي بس يتخبط في صياغة الاسئلة اللي ما مدري من وين يجيبها !
• شرح سيء ودرجات أسوأ ، من الاخير لا تنزل عنده لو وش لانه بينزل معدلك ويمكن يحملك المادة بعد من تصحيحه اللي يجيب لك المرض ، ظلمنا ونزل المعدل الله لا يحلله ولا يوفقه بس
• اذا جا يكتب الاسأله م يفتح الكتاب بل يصيغها بطريقه مغايره للكتاب ومشابهه للمعنى وهذا م يجعل فيه لبس كبير للطلاب اختباراته اسئلته قليله يعني ١٥ سؤال من ٤٠ درجه ؟!!!!!!!! الاختبار متوسط الصعوبه للنهائي و المد ولا تساعد معنا ابدا
• الشباب قبل كورونا كانوا منزلين عنده ويمدحونه نزلت عنده بالترم الاول في كورونا عن بعد صراحة ما انصح احد ينزل عنده نهائي واشوف بعضهم منزلين عنده دولي2 خريجين وحملهم المواد والله نصيحه لا تنزل عنده مره انحش،حتى المالكي ماعليه مدح مره ويقولون البريثن اهون منه اذا حصلت غيرهم نزل اذا مره مره مانزلت نزل عند البريثن بس لا ترتجي تجيب قريد تقريبا140طالب بالميد الاول اعلى واحد فينا جاب36من40 ف انسى انك تجيب عنده معدل مره ولا هو حليل
• الدكتور حبيب جدا ولكن شرح لا تدور عنده رؤوس أفلام ويقول كم كلمة وانتهينا، الاختبار في وادي والشرح في وادي آخر.
• للامانه الدكتور تعامله عسل واسلوبه راقي جدا وشرحه واضح ويفهم بس مهمل في الشرح يشرح ربع الكتاب بمحاضره طبيعي ويسحب ع نص المنهج والاسئلة تعجيزية وهو ما يشرح اصلا فما بيفيدك لا درجات ولا محصله علمية غير التخبط في توزيع درجات المقرر فطبيعي يعطيك تكليف وتحبه بعدين ما يرصد درجته لك