• درست عنده بالترم اللي بعد كورونا ، كان متعاون جداً معنا من حيث سهولة التكليف ما ضغطنا مثل الدكاترة الباقيين وجزئية الاختبارين الشهري والنهائي كانت قليلة ، كان يغيب كثير عن المحاضرات ، تبي تجيب قريد عنده حدد معه اول اول بأول لان الاختبارين كلها الشهري والنهائي ماراح تطلع من تحديده ، اسألته المقالية سهله جداً ، الصح والخطأ فيها تريكات بس يمديك تطلع بقريد عالي اذا عطيت المادة حقها ، سمعت من قبل انه يدف بس مع الاسف ما دفنا ولا درجة عطانا حقنا بالضبط.
• الدراسة عنده السهل الممتنع ، لكن البعض يستنقص منه لأنه يعتبره قارئ من الكتاب علما ان اكثر الدكاتره كذا ولا هو عيب هذا الشيء ، ولكن الدكتور متمكن جدا و عنده علم يعني اي سؤال يوجه له قادر على اجابته بالطريقة الكافيه و اختباراته نعمة عند غيره اذكر بس طلابه اللي طلعوا و هم مبتسمين من الفاينلز و باقي الدكاتره جالدين طلابهم ، تجربة لم اندم عليها وباذن الله ادرس عنده اي مقرر بالمستقبل
• شرحه كان عادي لكن بالمقابل اختباراته كانت عسل ، بشكل عام انصح اي احد ياخذ دولي عنده
• الدكتور مزاجي ، ولا تستغرب في الاختبار يقولك لا تكتب من فهمك اكتب من الكتاب ، تدخل الاختبار ضامن تطلع ناقص قريدين
• الدكتور فهد اسئلته سهله جدا وتقدر على ال أ+ التعامل متوسط ما يحضر وهو ما يجي كثير وما كان يطلع من تحديده انصح فيه بصراحه لكن عندك العتيبي واللويحق احسن برايي
• الدكتور تعامله على حسب مزاجه، لطيف و ودي مع الطلاب أثناء المحاضرة، خارج المحاضرة سيئ جدًا للأسف، درجات المقرر كلها بيدك، واختباراته سهلة على اللي يذاكر لكن توزيع الدرجات فيها ظااالم.. المادة اللي أخذتها عنده ما تحتاج ذاك الشرح القوي، لكن طريقة شرحه تحس فيه رتابة وملل وغالبًا يقرأ المادة عليك قراءة ويعطيك كم معلومة خارج المنهج ويستقبل الأجوبة ويناقشها بشكل جميل بشكل عام جيّد .. لكن لا تنزل عنده لو ما تذاكر كل حرف بالكتاب.
• درست عنده دولي ١ الدكتور صراحةً اللي يبي أ+ ينزل عنده، أما اللي يهمه الشرح انصحه يبتعد؛ لأن الدكتور فقط يقرأ قراءة ويوضّح أشياء بسيطة تكون موجودة بالكتاب اصلاً. وأما عن تعامله فبتحصلون يوم يضحك معكم ويوم يسفّل فيكم، ولكن لا تخافون مجرد كلام فقط لتخويف الطلاب. والنصيحة الأخيرة وحطوا تحتها ثلاث خطوط حمر وهي : (الخط) حاولوا تكون خطوطكم جميلة بالاختبارات لأنه راح يهزئ فيكم بعد كل اختبار بسبب الخطوط، ومعيار التصحيح عنده الخط ويهمه أكثر من المعلومة المكتوبة وفيه طلاب راحت عليهم درجات يستحقونها بسبب خطوطهم ما كانت واضحة بالنسبة للدكتور. وتقسيم الدرجات عنده ٣٠ - ٣٠ والله يوفقني ويوفقكم .
• شرحه عبارة عن قراءة من الكتاب وتحدد وراه + يحط سؤال لكل محاضرة مع الجواب واحتمال يجيب منها في الاختبار واختباراته سهلة اختيارات وسؤالين مقالي وتقدر تجيب أ+ بسهولة