• الدكتور بداية الترم طيب و الاختبار الاول مره سهل و انا ندمت اني جبت 23 من 25 من كثر ما هو سهل,بس بالمد الثاني قلب قلبه و بدون سبب اول شي حط المد بعد المحاضرات عشان ما احد يجي يكلمه عن الدرجات بعدين جاب لنا اسئله تعجيزيه واللي يغين ان الاختبار ب25 دقيقه و 25 سؤال و ما احد جاب عنده فوق 18 بعدين الفانيل تخيلوا جاب لنا نفس اسئله المد الثاني و ولا احد حلها والمشكلة ان الفانيل 40 دقيقه. باختصار اقولك هج هج لو تحذف ترم وتراني جبت عنده ج على اني كنت ا+ بعد المد الاول و ترا ما يدف ولا درجة يقول تبغوني اخون ديني و وطني عشان ادفكم وترا ما يعرف يشرح و يستطرد و يحب يسولف عن امريكا
• شرح ممتاز ومحترم ويحضر آخر المحاضرة بس اختباره اختيارات مثل قياس ماتعرف الصح من الخطأ ومايدف ابد
• الدكتور شرحه اسطوري ولكن مشكلته الكبيرة ان اسئلة الميدات والفاينل تكون من كلامه في المحاضرات وبرى الكتاب وما ينبهك عن هالشيء وثاني شيء نصيحة بعد كل ميد احفظ الاسئلة لانها بتجي فالفاينل ومبروك عليك الدرجات
• اذا تدور على شرح وفهم وتأصيل سياسي وقضايا معاصرة وتحليلها نزل عنده ولا تشاور دكتور ماودك تطلع من المحاضرة من كثر كمية المعلومات اللي فيها رجل عنده فكر على اعلى مستوى لكن احسه يحاول يغلط اي طالب يقول معلومة صحيحة، يعني مستحيل يمدحك على شيء كويس سويته ودايماً اذا جاوبت حتى لو صح يدور اي شيء خطا لو بسيط ويزعل اذا مالقى عليك خطا الدرجات عنده صعبة نوعاً ما يعني لو تجتهد بتجيب ب او ب+ بس يعطيه العافية محاضراته عالقة بالذهن واستفدت منها بحياتي.
• حسبي الله عليه والله ينتقم منه كذاب و منافق مربي دقنه لين تحت بطنه و هو ظالم للطلاب و ما يقوم بأمانته لا شرح و لا حضور ولا درجات و التعامل تعامل منافقين الله يجازيه من جنس عمله
• شرح ممتاز وتعامل كويس ،، لكن الاختبارات والدرجات قسم بالله يطلعها من عينك ويتعامل فيها زي ما يبي ومافيه احد له سلطه عليه بالكليه ، يجيك بداية الترم يحسسك انه ماراح يقصر معك وبيكثر عليك كلمه انه مع صف الطالب دايم وهو كذاب اخر الفصل يسحب عليك ويمشي اللي براسه ويقول اللي ما اعجبه يحذف طبعا الحركات ذي ما يسويها الا بعد ما يخلص الحذف كذا لعانه ، زبده الموضوع انحش منه ولا تفكر فيه ابد خله اخر خيار
• الدكتور حبيب وطيب.. تعامله راقي ويقدر الطالب المجتهد.. المعدل صعب عنده الا اذا اشتغلت على نفسك وناقشته في المواضيع حقت المقرر ..
• اخذت عنده ب + الدكتور حبيب بس اختباره ٢٥ سوال تحله ب٢٥ دقيقه وغير واضح ماتدري وش الصح والخطا اختباراته اختيارات الدكتور اذا تقدر تنزل عند احد غيره افضل منه احسن لاكن هو لابس فيه مهو سي جدا متوسط انا جبت ب+ وقبلها منزل مبادى عنده محمد الحارثي بغيت احمل المقرر
• الدكتور حبيب لين قبل نهاية الترم وقبل الميد الثاني بيقلب مية وثمانين درجة واختباره الثاني تعجيزي والفاينل ثلاث ارباعه منه تبي تستمتع طول الترم سواءً شرح او محاضره بشكل عام نزل عنده تبي درجات مررره لاتنزل عنده