• عظيم جدًا هذا الإنسان، يحمل من السماحة والعلم والأدب ما الله به عليم، كل صفات الخير فيه، ما حصلت ولا صفة فيه سيئة، يتكلم من علم وبطريقة بسيطة سهلة ميسرة لجميع العقول، يحضر في بداية المحاضرة وفي نهايتها لمن لم يحضره في بدايتها، متسامح في كل شي، أسئلته سهلة جدًا وواضحة جدًا، كلامي هذا لا يعني أن تهمل المذاكرة والتركيز أثناء المحاضرة، طلب منا فقط ما يرد في المحاضرات وهي لا تتجاوز 35 د لكل محاضرة، وبسيطة جدًا ويراجع في بداية كل محاضرة أهم ما ورد في المحاضرة السابقة. باختصار رائع جدًا.
• دكتور اسطوري شرح واسلوب جميل حتى اخلاق عالية انصحكم تنزلون عنده ولا تشيلون هم الدرجات
• اقسم بالله دكتور اسطوري وأفضل دكتور بالكلية تعاملة فوق الممتاز وشرحة جدا ممتاز وغصب تفهم منه كنت اذاكر من محاضراته وكان شرحة جدا ممتاز ومن ناحية الدرجات حبيب واذا سويت اللي عليك بيعطيك فوق حقك بالاختصار اشوفه افضل دكتور وان شاء الله اقدر انزل عنده مستقبلاً
• دكتور اسطوري ونزل عنده وانت مغمض لانه بيساعدك بكل شي سواء من شرح اختبارات تحضير درجات كل شي يقدر يساعدك فيه مارح يقصر ، الميد كان سهل اغلبنا جاب درجات فوق ٢٧ ، الفاينل ماجا منه كان موحد بس ساعدنا فيه ، التكاليف او الواجبات سهلة تلخص مواضيع بالكتاب في عدد صفحات معين اتوقع مايتجاوز ٥ صفحات وتاخذ درجتك
• دكتور لا يعلى عليه في الدرجات وفي الاسلوب والشرح والتحضير واختباره جدًا سهل للي مذاكر صح، وفِي البحوث متساهل الله يجزاه خير، الله يسعده ما قصر معنا ونصيحه اذا هو من الخيارات الي امامك في ترم معين لا تردد في اختياره ابدًا وباذن الله A+.
• شهادتي فيه مجروحه والي درس عنده بيقول هالكلام دكتور يحرجك بتعامله معك واختباراته سهله صح اغلبها مقالي بس سهله جداً .. خله خيارك الاول بدون تردد
• أقسم بمن احل القسم ان الكلام يعجز في وصفه دكتور يعاملك معاملة اخو افضل دكتور بتاريخ الكليه والي يقول غير (جاهل) تعامله شرحه اختباراته كلها ممتازه
• اقسم بالله انه شخص اسطوري نزلوا عنده دايمممم والله انه انسان قوي لابعد درجة ممكن تتوقعونها حبيببب جدا اللللله يجزاه خير ويوفقه دنيا واخره محبوب جدا ويعطيك درجات وشرحه ممتع
• افضل دكتور في الحياة ، اذا نزل اسمه في الجدول حقك تراك باذن الله ضامن أ+
• تعامل - شرح - واختبارات واضحه ومعقوله > خلاصة الكلام اذا م نزلت عنده انت الخسران لأنه افضل دكتور بكلية الحقوق شاء من شاء وابى من ابى
• اسال الله العلي العظيم ان يوفقه ويسعده دنيا وآخره ، نموذج للدكتور المثالي من ناحية اخلاقيه وتعليميه ، يعاملك وكانك اخره الصغير مب مجرد طالب عنده يسعى لمصلحتك ويتمنى لك الخير ، والشرح ممتاز جدا ، باختصار مبسط " ياليت كل دكاترة الكليه عبدالعزيز العقلاء "
• اقسم بالله ان الكلمات تعجز في وصف الدكتور من ناحية الاسلوب يعاملك كانه اخوك ويخاف على درجتك اكثر من خوفك انت عليها الشرح جداً ممتاز وممتع والاختبارات عنده ممتازه بالعربي ممتاز من كل النواحي الله يوفقه وييسر له نصيحه الي تحصله ينزل عنده لا يتردد ابداً
• انا صراحه ادعي له بظهر الغيب دائماً واكتفي بهذا القدر من التعليق
• دكتور رهيييييييييييييييب، تعامل ممتاز واخَوي مع الطلاب، شرح جيد جداً والمنهج عنده خفيف ويسهّل عالطلاب ولكن يعطي المادة حقها، والاختبارات كانت حلوة جداً للي يفهم، يعتمد عالفهم اكثر من الحفظ. دكتور رهيب وخاصة في مواد الاداري، اذا حصل لك لا تتردد ونزل عنده نصيحة
• بما ان النهائي موحد اعتقد ان عندي تجربة كافية واقدر احكم من خلالها، الدكتور عبدالعزيز محاضراته جدًا خفيفة ويغيب كثير لكن مايؤثر على المنهج بالعكس من أسرع الدكاترة اللي خلصوا المنهج، تعامله جدًا راقي ويتجاوب ويراعي ظروفك مهما كان الظرف بس اثبت له، ومن ناحية الشرح المادة اساسًا ماكانت تحتاج فهم كلها حفظ ورغم ذلك كان يشرح اكثر مما يقرأ، التحضير كان بالبداية مخليه الكتروني وصارت حوسة والنظام يغيب ناس حاضرين وغيّر النظام وخلاه تحضير يدوي واعتبر الكل حاضر باللي قبل، الدرجات جدًا متساعد اختبرنا من ٣٠ وكان سهل جدًا وعطانا تكليفين وكانت سهلة ومايدقق فيها، الله يسعده وبس
• من افضل الدكاترة الي اتوقع بقابلهم بحياتي الدراسية مره خلوق وهمه مصلحة الطالب، شرحه صراحه ممتاز جدا يفهمك وايضا يمر عالكتاب ويحدد ويحذف الحشو والمتكرر ،نزل عنده ولاتشيل هم والله يوفقك يادكتور عبدالعزيز
• جديد على الكلية وجالس يحاول يفرض نفسه عنده صعوبه بالفهم لو تبي منه شيء الولد تحسه خلوق وان شاء الله مع الوقت يتعدل اكثر تجربتي سئية معه لأنه جديد على مجال التدريس وغير متمكن
• تشرفت باني درست عن الاستاذ عبدالعزيز ، شرح واضح ومتمكن من المادة واختبارات متوسطة الصعوبة وتعامل راقي ومتحرم جدا ، تمنيت اننا تمكنا من الحضور عنده طوال الترم لولا ظرف كورونا ، الله يوفقه ويوفق الجميع