• حقق ١٠١: شرحها ممتاز وسهل والتعامل معها عن طريقه برنامج My U ترسل فيه فديوهات شرح لجميع المحاضرات حتى لو شرحتهم بالكلاس فاللي يغيب ما يشيل هم ابد، تحضر نهاية الكلاس وما تحسب التأخير، كلاسها ممتع بالنسبة لي كانت تحاول تفتح نقاشات وتحاول تخلي البنات يتكلمون ويقولون اراءهم ووجهات نظرهم وتشوف جميع الجهات بالنقاش، مشكلتها الوحيدة اسئلتها حوسه شوي اغلبها تجيب قضايا وتحط عليها اسئله والقضايا بسبب كونك مستجده ما تعرفين احيان تتعاملين معها والصح والخطأ له اكثر من اجابه واسئلتها غريبه شوي مو سيئه لكن تعتمد عالفهم ١٠٠٪ تقدر تجيب درجه جيده معها
• دستوري - المرجع حقها ملزمة هي مسويتها . شرحها رائع يخليك تحفظين كل شي قبل تطلعين من المحاضرة . دقيقة مرة أسئلة اختبارها وعندها نظام ان ميد ١ هو اصعب شيء بعده ميد ٢ ثم الفاينل هو اسهلهم . تقسيمها الدرجات كان ٢٥ ميد اول ٢٥ ميد ثاني ١٠ كويزات وتكاليف طبعاً الكويزات سهلة والكويز الثاني تجيب مثله في ميد ٢ في الفاينل تحذف جزئية الميدين وعادي عندها تعيد لك الميدين اذا ما اعجبتك الدرجة اذا كانت اقل من ٢٠ واذا اكثر تعطيك كويز تحسين ب٥ درجات بس لها شروطها بشكل عام هي احسن وحدة تدرس هاذي المادة
• جبر خاطر باختصار، من افضل الدكاتره الي مرو علي، الدكتوره الوحيده الي عاملتنا كأنسان
• جدًا ممتازة ولو حصل لي انزل عندها بالمستقبل بنزل بدون اي تردد تشرح من قلب وعروضها جد تتعب عليها وتوضح كل شي مهم فيها، تحط جهد كبير في شغلها كإستاذة كل شغلها دقيق وبذمة وضمير تحسون انه كلكم قاعدين تشتغلون بالمادة مو بس الطالب، اختباراتها من متوسط الى صعب ( حسب مستوى الطالبة فيه طالبات يشوفونها سهلة) لازم تكونون فاهميييييين. عيبها الوحيد هو الغموض...وتتأخر بكل شي دمك بيفور معها من هالناحية
• عشان ما اظلمها شرحها مره زيين، وتكب درجات لكنها تبالغ في كل شيء. وتربكك طول الوقت وغير واضحه من ناحية الدرجات والاختبارات
• احبها حب مب طبيعي، تفهم مره كويس، اخلاق بشكل مب طبيعي.. لو يرجع فيني الزمن اخذ معها مره ومرتين وثلاث، اسطووورة هالانسانة
• شرحها حلو وواضح لكن اختباراتها لا تحب تناقش الطالبات كثير يعني طبيعي طول الكلاس يكون كله نقاش عن فكره ، اسئلتها دقيقه وتبي اجابه ادق
• درست معها مبادئ بالصيف كانت اسطورة فعلا وسهلت علينا الله يفرج لها دنيا وآخره ودرست اداري ودستوري لو يرجع فيني الوقت اخذت معها مره ومرتين و٣ بالاداري اعطيها ١٠/١٠ الدستوري ٨/١٠
• تجنن لو بيدي نزلت عندها كل المواد تطلعين من عندها وانتِ فاهمه كل شيء حرفيًا جبارة بالشرح + مشكلتها اسئلتها فهم وشوي شوي صعبه بس صراحة اذا انتِ فاهمه معها بتحلين + تعطي بونس
• وش اقول وش اخلي ياليت كل الدكتورات مثلها صدق تحسين انك تدرسين جامعة ، شرحها خرااافي وممتع ومهتمه في ادق التفاصيل متعاونه جدا اسألتها تعتبر صعبه لكن تحلينها بسهولة من كثر ما الشرح حلو الدستوري كان مادة دسمة وصعب لكنها خلته اسهل بالشرح وايصال المعلومة والواجبات وتربط لك المادة بأمثلة من الواقع ، تعاملها فووق الراقي محترمة بشكل يخجل وبالنهاية تعطي بونس يساعد كثييير
• عسل الله يسعدها صدق تتعب شويي بس فعلاً هذه الأستاذة تبي مصلحة الطالبات ماتهمها الدرجات قد انك تكونين فاهمة ، سلسة جداً في التعامل و تعطيك على قد حقكك وزود بعد . تعرف البنت الشاطرة من اسمها وتميزها و الحمدلله خذيت A+ عندها . بالتوفيق
• جدا ممتازه وتفهم وتراعي البنات وظروفهم وتوزيعها للدرجات ممتاز ومرره تساعد وتراعي أسئلتها تكون تريكي شوي تعتمد على الفهم اكثر من انك تحفظين وتحب القضايا، بس إذا كنتي مركزه معها من البداية بتحلين كويس وتجيبين الدرجة اللي تعجبك.
• جربتها بالدستوري شرح ممتع مره وتجيب امثلة واقعية يعني تربطك بالواقع وترسخ المعلومة اكثر ، اختباراتها دقيقه صراحه ودائم اطلع منلخمه بس الحمدلله درجاتي عندها مب سيئة مره وتعطي بونص ٥ درجات بالفاينل وامكانية تحسين يعني تعيدين الميد بشرط ماتأخذين ٥ بالفاينل ، بالاداري تقريبا نفس النام برضو تعطي زيادة درجة عن الذمة والضمير وعن اللي ماتغيب عن ها اكثر من ٥ ساعات
• تجنن تعطي المقرر من قلب و تبغى البنات فعلا يفهمون و يكونون متمكنين منه كلاس ممتع مليان نقاشات الدرجات انصدمنا كثير بالميد بس اعطت فرصة للاعادة و اعطت بونس بالنهائي للي ما تبغى تعيد تكاليفها كثير بس مو صعبه و مفيده فعلا