• الدكتور منصور دكتور ممتاز وخذت عنده النظام السياسي فالمملكة، الدرجات والتحضير ممتازين جداً ويضبطك فالدرجات ويرفعك قريد اذا كنت قريب من القريد الي بعده والتحضير اول مايدخل يحضر ولو تتأخر شوي حضرك مايطردك دكتور متساهل وتعامله راقي. جدا مع الطلاب صراحة شوف عيني طالب فالميد قاله بينه وبين الدكتور اني ماذاكرت زين وماستعديت واحنا بنص الاختبار قاله خلاص ابد اطلع ونحدد لك وقت بعدين تستعد فيه، دكتور تعامله راقي جدا، لكن الشرح لك عليه اذا انت مهتم فالشرح وصراحه المادة مافيها ذاك الشرح الكتاب واضح اذا قريته وشرح الدكتور عباره عن قراءة للكتاب لا اقل ولا اكثر ويمشي.
• الدكتور منصور الحربي من افضل الدكاترة اللي اخذت عنده من ناحية المادة أساساً سهله وهو فالشرح قراءة وفي حال الطالب سأل ما فهم يوضح له اختبرنا قبل تعليق الدراسة وكان اختبار واضح وسهل ومتفرق بين المواضيع وسهل للي مذاكر والاختبار النهائي كان سهل جداً جداً جداً والمادة كذلك سهله وفالتحضير يحضر او ما يدخل القاعة وانصح فيه للي يبي قريد زين ولازم تكون متابع معه
• بالنسبة للتحضير يحضر من اول دقيقتين ، الشرح قراءة فقط ، الاختبارات سهلة جداً انصح فيه الحقيقة
• دكتور متعاون وحبيب واسلوبه كويس شرحه على حسب الماده بس يبسطلك الامور مايخليك تشيل هم الماده انصح فيه
• اذكر دخلت الاختبار النهائي عنده وانا ناجح وفالنهايه عطاني د ،، قال الكتاب كله معكم واخر شي جاب الاختبار من الباب الاخير كله ، بالعربي الدكتور فالدرجات سيئ جدا
• دكتور متساعد جدا وشرحه لابأس فيه تفهم منه الاختبارات جدا تافهه دكتور بكل بساطه ممتاز جداا