• ماعنده منهج اكتب معه كل نقطه يقولها وبالنهاية ماتتعدى ثلاثين صفحه المنهج ككل ، دكتور يحب الامثله ممتاز جدا بالنسبه لي
• درست عنده في ترم عن بعد 42هـ الفصل الأول، التحضير والتعامل ما يمكن أقيّمها، وضّح طريقته من أول محاضرة، وقال: أنت مُطالب بكل ما يذكره أستاذ المادة أثناء المحاضرة، والكتاب لك كمرجع فقط، الشرح أسطوري جدًا جدًا، مدة المحاضرة ما تتجاوز 55د، الدرجات مستحيل يظلمك نهائيًا الدكتور يخاف الله، الاختبارات عبارة عن 6 أسئلة تختار منها 5 كُلها مقالية، تجاوب عليها بالتفصيل المُمل، مجرد كتابتك معه بتقدر تحل بالطريقة اللي يبيها، تخصصي قانون، لو سياسة نزلت عنده بقد ما أقدر، أنتبه وأكتب أثناء المحاضرة؛ بتجاوب بطريقة نموذجية كاملة.
• شرحه لايعلى عليه لكن تعاملة مع الطلاب سيء جدًا طبعًا مايعترف بشيء اسمه ايميل واذا سألته بالمحاضرة يعطيك جواب مبهم وبدون نفس جوابه لكن اذا بتسأله عن الدرس يتقبل منك بس لايكون السؤال غبي عشان مايفصل عليك منهج طبعًا مافيه يرسل لك ٢٠ بحث لكن لاتهتم لها اكتب معه بالمحاضرة وتجيب الفل مارك تحسفت اني ماكتبت معه بالمجمل لو في غيره نزل عنده اذا تبي الدرجات لان الميد من ٤٥ وجايب ٥ اسأله يعني اخطيت بواحد تروح ٩ درجات
• التعامل حلو الشرح ممتاز يوصل لك المعلومة الدرجات باتكلم فالنهاية التحضير انا درس فترة كرونا يقول التحضير مسؤلية الطالب ما كان على الحضور درجات طريقة اختبارات ٥ أسألة مقالية بحتة مثال لو قالك لماذا سميت جامعة الملك سعود بهاذا الاسم الجواب البسيط نسبة للملك سعود كذا انت بتاخذ نص الدرجة عندة الجواب الصحيح تقولة انه تأسست في تاريخ كذا وسميت كذا وفيها عدد كليات كذافي النهاية تقول سميت بهذا الاسم لكذا باختصار جاوب على السؤال بكل المعلومات الي عندك اهم شي تكون معلومات صحيحة تكون ضمن السؤال بالنسبة لي الشهري كان من ٤٥ جبت ٣٧ طلعت من النهائي قلت بحمل على كلام الطلاب جبت(أ) دفني كم درجة
• حسبي الله ونعم الوكيل ظالم بالدرجات ونظام اختباراته سيئ جداً مثال الفاينل ٣٠٠ صفحه ويجيب ٥ اساله بالتفصيل الممل مستحيل تطلع بدرجه كويسه عنده ومايرد على الايميل ابد حسبي الله وكفى
• حسبي الله ونعم الوكيل ظالم بالدرجات ونظام اختباراته سيئ جداً مثال الفاينل ٣٠٠ صفحه ويجيب ٥ اساله بالتفصيل الممل مستحيل تطلع بدرجه كويسه عنده ومايرد على الايميل ابد حسبي الله وكفى
• الافضل فالشرح وتوصيل المعلومة. من ناحية الدرجات واللي هي ٨٠٪ اختبارات لازم تركز مع الدكتور ، ومطالب بكلامه فالاختبار، الكتاب + شرح الدكتور هم المنهج المطلوب منك.
• صراحة الدكتور جميل وشرحه حلو ويعتمد على انك تسجل معه في المحاضره لانها اهم من الكتاب مع اهمية الكتاب طبعا لكن بشكل عام ما اقول الا انه محترم . A+اسهل من المويه اذا انت مركز
• الدكتور محترم جدا مع الطلاب ، ودائما ما يهتم بمصلحة الطلاب وينصحهم بالالتحاق بدورات تدربية وتعليمية، من ناحية الشرح ممتاز جدا بحيث انه يعطيك المعلومة بأكبرطريقة مبسطة من دون أن يخل بالمعلومة ، من ناحية التحضير نصيحة لا تتأخر لأنه بيقعد يحقق معك قدام الطلاب ويطقطق عليك طقطقة خفيفة (لكن قصده مزح) ، من ناحية الدرجات الله يعينك الدكتور يبيك تكتب في الاختبار كثير ولما اقول كثير اعني كثيييييييييير لان اختباره مقالي ويعطيك 5 اسئلة اشرح بالتفصيل ، فإذا تبي تتجهز للإختبار لازم تكتب معه في المحاضرة كل شي يقوله الدكتور لانه اهم شي بالنسبة للدكتور وهو اللي بيجي منه الاختبار بنسبة 80%
• شرح ممتاز والباقي سيء جدا ، وعموما ما انصحكم تنزلون عنده لانه ظالم بالدرجات حسبي الله عليه
• سيء جدا وظالم بالدرجات ويسحب على الطلاب ولايعلمهم نصيحة لاتنزلون عنده الله لايوفقه
• سيء ما انصحكم فيه ابدا ! حسبي الله ونعم الوكيل فيه الله لايوفقه ولايحلله ظلمني
• (اللي اكتبه يعبر عن تجربتي ووجهة نظري) من اسوأ الدكاتره اللي مرو علي شديد بالتحضير وشرح ممل واختباراته جدًا ظالمه تقسيمته ٣٠-٣٠-٤٠ تذاكر ١٠٠ صفحة بالميد اخرتها يعطيك ٥ اسئلة مقالية عشوائية!!! اذكر وعدد وعرف ولازم تجاوب وبالتفصيل الممل ودرجتك تعتمد شعبتك يقول مثلا لو بالكتاب موجود ١٠ امثلة وواحد ذكر ٨ امثلة بالاختبار وانت ذكرت ٥ امثلة ، يقولك ماراح اساويك باللي ذكر ٨ امثلة بينما لو كنت انت الوحيد بالشعبة اللي ذكرت ٥ امثله وباقي الطلبة اقل منك راح يعطيك انت درجة السؤال كامل والباقي يخصم عليهم!! اخلاقه واسلوبه يعتمد على تفاعل الشعبة معه،باختصار لاتنزل عنده
• تعامله كويس نوعا ما وشرحه ممتاز ، اللي يبي قريد كوبس لازم يحضر عنده كل المحاضرات ويكتب معه كل شي يقوله ، منهجه يعتمد على الكتابة معه واذا فاتك شي انقله من زملائك او ارجع للكتاب ، اختباراته مقالية ٥ اسئلة اشرح بالتفصيل مع الامثلة ، درست عنده في فصل كورونا وماتساهل معنا ابدا من ناحية الدرجات ولايرد على الايميل
• ممتاز الشرح صارم في الدرجات يركز على الحضور والأهم الكتابة اثناء المحاضرة = A+
• بسم الله الرحمن الرحيم "استعنا بالله وخاب كل جبار عنيد " إذا كنت (مهتم) بالدراسة فأقرأ ما سوف أكتبه "جميع ما أكتبه يعبر عن وجهة نظري " الدكتور من ناحية الشرح ممتاز جداً جداً أنت كطالب اكتب جميع ما يقوله الدكتور حتى لو (يكح) الدكتور اكتب "الدكتور كح" الكتاب اعتمد عليه اذا فاتتك معلومه اثناء الشرح وحبيت ترجع لها أضمن لك ان شاء الله اذا كتبت (كل شيء ) راح تجيب +A بكل راحه ولكن لابد من المذاكره اليومية ماراح تاخذ منك الا 20 دقيقة فقط وأسئلة الاختبار ٥ اشرح بالتفصيل الممل مع أمثلة اشرح كل شيء تعرفه لااااازم تكتب كثير ولا أوصيكم على الحضور مهم جداً عنده تقسيم الدرجات : ٣٠-٣٠-٤٠ (تعامله ماعليه)موفقين ..
• دكتور اسلوبه جميل واختباراته عباره عن خمسه او سته اسئله اشرح بالتفصيل. توزيع الدرجات ٣٠-٣٠-٤٠ مافي بحوث ولاشي.
• بتلاحظ تفاوت في تقييم هذا الدكتور لأن بإختصار (كل طالب يحب طريقة شرح معينه) هذا الدكتور شديد في تعامله لازم تجيب دفتر وقلم ولا بيزعل ولازم تكتب معه مايحب احد يسأله عن (هذي الجزئيه وين في الكتاب؟) يحب تكون مركز معه بس شرحه حلو وواضح لكن اسألته تفصيليه في الغالب تكون (٦ اسأله كلها تكلم بالتفصيل او شي من هذا القبيل) مايعرف شي اسمه صح وخطأ او خيارات واسألته صعبه والله فلازم تذاكر زييين
• الدكتور شرح جميل ولازم تكتب معه كل نقطة يقولها والاختبار عبارة عن خمس أسئلة اشرح كل شيء تعرفه يعني من الأخر تنسى كلمة ودع درجتين على الأقل
• الدكتور من أفضل الدكاتره بالسياسة (كشرح) وأسلوبه ممتع ومُضحك أحياناً لأنه يخرج عن النص كثيراً، أما من ناحية الاختبارات فتقسيمه ٣٠ - ٣٠ ، وعبارة عن ٥ أسئلة في كل أختبار وتشرحهم بالتفصيل بالدفتر اللي بيعطيكم إيّاه، ونصيحتي لكم أنكم تكتبون كل شيء يقوله بالمحاضرة لأن الدكتور يحب يشوف شرحه ينكتب بالاختبار وجابوا قد ماتقدرون بالتفصيل لأنه قد يظلم الطالب إذا نسي شيء يكتبه حتى وإن كان الشرح كامل، ونصيحتي كذلك لا تعتمدون على الكتاب كثير بالاختبار -عدا التعاريف- لأنه يحب الجواب من شرحه كما ذكرت. وأخيراً الدكتور متساعد مع الطالب الممتاز واللي يحضر، أما السيء لو يحمل ويبقى له درجة عالنجاح مايدفه.