• ثيرمو ١ (٣٧١) الدكتور هاني بشهادة الجميع من أفضل دكاترة القسم أخلاقاً وشرحاً التحضير نظامي ويعلمك غياباتك عن طريق ورقة تمر كل اسبوعين تقريباً الشرح ممتاز جداً ويتقبل الأسئلة بصدر رحب + اذا غاب يجيب بديل ممتاز جداً ماعنده بونصات أو تعاون الا في الكوز (يختبر ١١ ويحذف ٤) المشروع معقد شوي ينصح فيه بشدة
• ثيرمو١: أفضل دكتور ممكن يمر عليك بحياتك، ماشاء الله عليه، علم واخلاق عااالية جداً واهتمام عجييب، يحرص عليك كل الحرص من ناحية الفهم والدرجات بتاخذ حقك اذا الموضوع عنده، مسجل فديوات شروحات باليوتيوب ويرسلها لنا بشكل اسبوعي نشوفها بالاضافة للمحاضرة العادية، كويزات كثيره عشان ياخذ افضلها، توزيع درجات رائع لا يعتمد على المدات فقط، بكل بساطة الدكتور هذا هو مفخرة قسم الميكانيكا
• أفضل دكتور ممكن يمر عليك ( شرح ممتاز تعامله مع الطلاب راقي جدا ومتعاون جدا مع الطلاب فاهم في الماده).
• درست عنده ثيرمو١ الفصل الثاني عام ٢٠١٩ ماراح ابالغ لكن إذا كان فيه دكتور فالكلية يوصف بالكمال بعده سبحانه فهو هذا الدكتور ماشاء الله تبارك الله قمة في كل شيء أخلاق وشرح نظامه عنده كويزات شبه اسبوعيه تفيدك وفالاخير ياخذ افضل ٧ او ٨ على حسب + نظامه في ثيرمو١ هو شارح المنهج كامل على شكل فيديوهات مسجله ونظامه كل نهاية اسبوع يرسل لكم فيديوهات الاسبوع اللي بعده بحيث تشوفون الفيديو قبل كلاسه ويكون كلاسه عبارة عن اجابه لاي استفسار مافهمته + يجل مسائل ويشرحها لك صح وهذا الاهم ، الدكتور صراحة اعجز عن مدحه يعني يسوى فعلا انك تخرب جدولك على شانه والدرجات حقاني فيها لكن كان يتساهل معنا فالمشروع والعرض
• درست عنده ثيرمو ١ من افضل اعضاء هئية التدريس خصوصا ومن افضل من درست عندهم عموما رجل يحمل الكثير من الطيبة ودماثة الاخلاق حقيقاً الرجل يحرجك بطيبته واخلاقه الرائعه يقدر الطلاب ويحترمهم يعطي المادة حقها من الشرح تفهم منه ما لا تفهمه من غيره لديه اسلوب رائع في توصيل المعلومة اسئلة الاختبارات عنده منطقية وفي حدود المنهج اذا درست عنده حاول تستفيد منه بقدر مايمكن وقبل ذلك فأنت محظوظ بالدارسة لدى أ.د هاني بن عبدالرحمن الأنصاري اسأل الله له التوفيق اينما حل وأرتحل ❤️
• دكتور رائع بكل ما تحمله الكلمة من معنى .. خلوق جدا و منظم جدا و من افضل دكاترة القسم من ناحية الشرح .. درسني همك ٣٧١ ( ثيرمو ١ )
• الدكتور هاني من افضل اعضاء هيئة التدريس اللي مروا علي الى الان ولا نزكيه على الله، درسني ديناميكا حرارية (١)، انسان محترم لاقصى الحدود ياخذ ويعطي مع الطلبة ومتفهم لهم، مرن في التعامل، متمكن من مواده وشرحه جدا رائع.