• دكتور اخلاقه حلوة وشرحه ممتاز.. يعطيك معلومات وافية عن الاختبارات قبلها بكم يوم.. كان يوعدنا دايم انه بيزود، مع ذلك ما شفت منه ولا شي.. الدكتور انصح به.. لكنه مب بذيك القوة الي يصورونها الطلاب
• أفضل الموجودين .. شرحة جيد والمادة أصلاً سهلة جداً , مشكلته التحضير أول بأول .. أنصح به
• يلمح عن الاختبار النهائي و الشهري و يجي تقريباً نفس الصيغة اللي يقوله أنصح فيه
• يطقطق واجد وينفس شوي اذا ماشاركوا الطلاب معه ، متساهل في التحضير ، يدف درجتين او درجه
• دكتور ممل لدرجه كبيره يدقق بالتصحيح كثير , يدف على ٣ درجات بالنهاية هو الافضل تقريبا بهالماده لانه هو اللي يحط الاسئلة . التحضير مره يحضر نهاية المحاضرة ومره يحضر ببداية المحاضرة يطقطق على الطلاب كثير وبعض الاحيان مزحه ثقيل شوي انصحك تنزلها عنده لانه يحدد قبل الاختبار ويجي نفس تحديده 107نجم
• الدكتور ممتاز اذا جاك ما يحتاج تغيره دفني ممكن قريدين وشرحه حلو بس حاول تشارك معه عساس يزودكم درجات لانه مايحب الكلاس يكون ساكت
• الدكتور زاححف بمعنى الكلمة، يجيب القهوة و يمزمز فيها، ما عمري شفت دكتور مروق و يحب يسولف مع الطلاب مثله، كان دائماً مراعي لظروفنا خاصة اذا كنا منضغطين من اختبارات، الدكتور ما يعطي واجبات كثيرة، و التحضير كان يكلف واحد يتكلف بالتحضير، الدكتور يحب يسولف مع الطلاب و يمزح معهم، والله يوفقكم
• درست عنده في وقت كورونا ، المادة سهلة الصراحة لكن ضيعت فيها درجات بس ما قصر دفني ، الشرح غالبًا ياخذ الكلاس كامل يزعل اذا محد شارك لكن ما يسوي شي التحضير كان موكل طالب يحضرنا ويرسل له
• درست عنده في ترم كورونا ١٤٤٢ دكتور حبيب مره مروق بكل محاضرة يجيب معه قهوة يمزمز فيها و ينكت، يدف الي ناقصه له شوي و الي يعرفهم التحضير كان يصور الحضور و يحضرهم
• اسطورة افضل خيار ممكن تنزل عنده في اي نجم بس اهم شي رح لمكتبه عشان يزودك كم درجة
• اسططططوررة ، التعامل كويس بس انتبه ما تشارك معه حبيب جداً درست عنده في (ترم كورونا) كان يعطينا كويزات سهلة نوعاً ما ، الدرجات يشوت شوت مب طبيعي
• تعامل ممتاز ، شرح متوسط ، حبوب الرجال يحب الي يتناقش معه ، الميد شوتنا ١٠ درجات على الأقل .
• درسني نجم 109 وهو الافضل فيها تقريبا يسلك في البريزنتيشن بشكل غير طبيعي ولو ما عجبه سؤال في الاختبار يعطي الطلاب درجته وتحضيره عادي جدا وسلك لتنكيته وامورك تمشي
• يقدر الطالب اللي يجيه المكتب بشكل غير طبيعي بس لا تروح له بدون داعي وغالب وقته عنده اجتماع .. عشان كذا اساله بالمحاضرة قبل ما تروح له, فيه طبع شين وهو التنكيت اللي ماله داعي, بعض الطلاب كرهوا الدكتور بسببها, طقطق علي كم مره بس قعدت اضحك معه وعدت على خير, وعنده نظام بالميدات وهو اذا جبت في المد الثاني اعلى من الاول .. بيعطيك نفس درجة الثاني في المد الاول, كان هو منسق الماده وفي كل الاختبارات جاب قطعه صععبه, بالنسبة لي لغتي كانت ممتازة وما كنت اعاني في التواصل معه لكن يعرف عربي شوي. اغلب الطلاب يجيبون فيها A
• الي هو مقرر 107نجم , اغلب الطلاب يرفعون فيه ويقولون انه ممتاز جدا الخ.. الكلام هذا ما اشوف انه صحيح واغلبه مبالاغات ما اقول انه سيء , لكن المدح الزايد ذم الايجابيات : - هو مقرر المادة فـ احيانا تستفيد منه بمعرفة طريقة الاختبار والاشياء الي ماراح تدخل بالاختبار - تجيه المكتب يرحب فيك ويستقبلك ومتواجد بساعاته المكتبية - البعض يقول انه يزود لكن ما يدري عن سياسة التزويد عنده , خان قالها اكثر من مرة لا يمكن اعطيك من عندي درجات , انا نظامي ارجع لاختباراتك واشوف اذا اقدر احطلك نص منا ولا منا على كل سؤال = وبعد كل هذا ازودك ( بعد المد 1 ومد 2 والفاينل يقصد ) فـ فيه طلاب لقى خان مزوده وطلاب لا , وهذا هو تفسير الي صاير السلبيات : -تعامله الصراحة مب مرة , هذا غير انه كبير بالسن وما يركز , يعني يطلب منك شيء يقول اقرأ من السطر الفلاني او الكلمة الفلانية وتقرأ منها ويقعد يهاوش يقول انا ما قلت لك السطر هذا مع انه هو صدق قايل لكن بسبب كبر السن والنسيان يسوي كذا -يحب يطقطق على الطلاب بزيادة لاحيانا لدرجة توصل للاهانة , خاصة الي يغلط باجابة او يسوي شيء غير الي طلبه منه , لكن حنا كنا نحاول نتغاضى ولا احد يشتبك معه ابد لان هذا نظامه من زمان وشباب الدفعات السابقة سبق وقالوا لنا عنه
• ممتاز جدا وبالنهاية يساعد المجتهد معه ولو عندكم اختبار مادة ثانية يسمح لكم تغيبون
• الله يستر عليه ساعدني في ال١٠٧ و ١٠٨ احضر معه و شارك حتى لو ذب عليك حاول تزوره في المكتب خلك محترم و لا تقل ادبك و بيمشيك ان شاء الله
• درست عنده نجم ١٠٧ ، اكثر شيء يميز هذا الدكتور انه يقدر الطالب اللي يروح لمكتبه ، كنت كل ما رحت لمكتبه يزودني نص درجة، اول مرة رحت لمكتبه قالي اجلس ، ويسألني تبي قهوة ولا لا ، و يوم جيت بطلع عطرني بدهن عود . ومن ناحية الشرح والدرجات اشوفه دكتور عادي .
• مزحة ثقييل ومن ناحية درجات ما شفنا شيء ميزة الوحيدة التحديد قبل الاختبار ويوضح لك بعض الاشياء ومن ناحية شرح مافيه اي فايده من شرحه لهجته بحته ما ينفهم عليه
• الدكتور حبيب جداً وغامض غالباً ، الشرح عادي الدرجات يدف اذا شافك تحضر معه ومهتم يقدرك
• محاضرته جداً جداً ممله ، شديد بالتصحيح لدرجة أن مافيه طالب أخذ درجة كاملة ، يدف درجة أو درجتين .. قالولنا ياخذ درجة أحسن اختبار لكن للأسف رحت لمكتبه وحاسبلي الاختبارين بالضبط ، يدف اللي يعرفهم وهم قله، شديد بالتحضير، ما ياخذ الواجبات ، أخلاقه ممتازه
• له سمعة أنه يدف الطلاب وما دفني، يمكن على وقتهم بس تغير، درست معه 107نجم ومختلفة عن نجم التحضيري فيها مصطلاحات هندسية جديدة عليكم، في التصحيح ما فيه أحد يأخذ درجة كاملة في القطعة أما باقي الأسئلة أنت وحلك وبالنسبة للدف أعرف واحد جايب العيد في الشهري الأول و الثاني شد حيله دبل الثاني! يعتبر دف لكن طالب لغته متوسطة ودرجات الميدين متقابة ما يفيدني، الاختبارات السابقة تتكرر بس ما تلقاها، ودائما أسمع "ايه نجم مادة معدل لا تشيل همها" وكلام غير صحيح يبغالها مذاكرة مهي زي الريض بس مهي سلم تذاكرها قبل الفاينل بكم يوم
• اخذت عنده 107 نجم ، اشوف انه شايب عفى عنه الزمن ، الشعبة تكون فوق الاربعين طالب ، نفسية و ما يسمع زين و احيانا يقول لك اقرا سطر تقراه يهاوشك يقول انا مقلت لك اقرا هذا ، المادة ثقيلة بشكل ما تتصورونه معه ، التصحيح يخسف قريد منك و يعطيك درجتين يقول تراها من عندي ، انا ما اشوف ان الناس مبالغين في مدحه اشوف انه سيء و مدري وش شايفين فيه
• 107 نجم : دكتور اخلاق شرحه كويس يلمح للميدات يدف واذا بدعت في الميد الثاني ممكن يدبله يحضر في نص المحاضرة
• درست عنده نجم ١٠٧، شرحه كويس لكن يعيبه يمون على الطلاب بزياده ويرمي كلام ومايخلي الطالب مرتاح وهو يجاوب وهذي عيب قوي ، في التصحيح لايزودك ولا ينقصك.