• سلم (السيرة النبوية) قراية ويقول قصص ، اختباراتها خيارات وسهللله وبسيطه جداً لو ماتذاكر وتختبر تاخذ +A وانت مغمض
• محاضرته مملة لأنه يتكلم ساعتين متواصلة ولا يسمح لاحد انه يتكلم غيره, وبالتحضير أول ما تبدا المحاضرة يبدا يحضر وان جيت بعدها يعني بعد دقيقتين يحضرك بالأخير يعني متأخر, والمتأخر ينقص نص درجة, لكن الصدق بالأخير انا كنت استاهل B+وعطاني A+يعني مب بس يدف يشوت
• الدكتور جداً حبيب وأخلاقه حلوه ويتفهم ضغوط الطلاب، توزيعه للدرجات حلو وسهل جداً تاخذ 60 من 60 لأنه ياخذ درجة أفضل اختبار ويدبلها واختباراته سهله ومافي تكاليف، يهتم للحضور ومحاضرته جداً جداً ممله، أنصحك بكوب قهوه قبل المحاضرة وبتمشي أمورك ان شاء الله
• سلم ١٠٧ ؛ دكتور حبيب شرحه شوي ممل يشرح بس ساعة ينقص على كل غياب درجة اختباره خيارات بين السطور ما عنده أي تكاليف درجتك بالفاينل ممكن تغير درجتك للأفضل
• من افضل الدكتره اختبارته سهل محترم في التعامل و شرحه ما تمل منه يعطي واجبات بسيطه جدا مو معقده و سهله و بتوفيق للجميع .
• أفضل دكتور سلم يمر عليك اخلاق وتعامل ووسيع صدر ما تطفش من محاضراته وسمح جدا وغير كذا تجيب أ+ وانت مرتاح بدزن ضغط
• ممتاز جدا جزاه الله خير مبسط الماده و واجبات اسبوعيه قصيره جدا و واضحه و اختبارات واضحه خيارات ولا ياخذ وقت المحاضره كامل و التاخير في التحضير اذا مجموع وقتك في المحاضره اقل من ساعة
• ممتاز جدا جزاه الله خير مبسط الماده و واجبات اسبوعيه قصيره جدا و واضحه و اختبارات واضحه خيارات ولا ياخذ وقت المحاضره كامل و التاخير في التحضير اذا مجموع وقتك في المحاضره اقل من ساعة
• نزلت عنده قضايا معاصرة. و السيرة النبوية أفضل دكتور تعاملت معه في حياتي و هو خيارك الأول ما راح تندم، الله يسعده في الدارين
• من افضل الدكاتره يدبل لك الميد الافضل ولا يعطي تكاليف ابد نزل عنده وانت مرتاح
• دكتور طيب وممتاز ، من ناحية أسئلته تكون اختيارات وموضوعية وواضحة ، تاخذ منك ١٠ دقايق وتخلصها ، شرحه ممتاز ، وتعامله طيب لكن ما يحب الطالب اللي يستغفله ، مهتم بالتحضير اذ انها عليها ١٠ درجات و كذلك التاخير يحاسب عليه ، متعاون وغير شديد ما عدا بالتحضير .
• نظامه تختبر اول مد اذا عجبتك درجتك يخليها نفسها بالمد الثاني واختباراته لو ماتذاكر شي بتجيب فوق نص الدرجه حرفيا.
• درست عنده 3 مواد ... الله يسعده الدكتور اسطوري بكل ما تعنيه الكلمه من معنى تعامل واسلوب راقي، نظام الاختبارات عنده ميدين ياخذ افضل واحد والميد الثاني اختياري اسئلته سهله جدا .. نظامه ما تغيب عنده تجيب أ+ بالراحه
• محاضرته ممله .. اسهل دكتور تجيب عنده ٦٠/٦٠ بشرط ماتتاخر ولاتغيب مشكلته يحضر من اول دقيقه .. انصح فيه جدًا جدًا
• دكتور اسطورة كانو يقولون محاضرتة ممله لكن والله اني صرت انتظر السلم علشانه انسان يفيدك في في حياتك و يتكلم عن واقعنا و عن الي يصير اختبارات سهله و ياخذ ساعه وحده .. جداً مسمتع معه اتمنى ادرس كل السلمات عنده
• دكتور اخلاقه عسل و صدره رحب، الميد اختيارات سهل وصريح ما فيه لف ودوران وياخذ افضل درجة من الميد ويضربها في 2، وفيه درجات للمشاركة والغياب يقيمها، التحضير يحضر اول 5 دقايق واذا تأخرت يحضرك ما عنده مشكلة، انصح فيه عموما.
• درست معه سلم 104 , الشرح جبار يفيدك حتى بالحياة , تمنيت لو قدرت ادرس معه مادة ثانية , توزيع الدرجات عنده حلو لكن اسئلة اختباراته يبيلها مذاكرة زينة واذا كنت مركز بمحاضرته بتمشي امورك. رجل راقي وعنده علم.