• اختباراته الميد الأول كان صح وخطأ و خيارات لكن كان صعب والثاني نفس الكلام لكن سهل وواضح الفرق بصعوبة الاسئلة يقول بالعادة اجيب دلل وعدد بس الترم الماضي ماجاب لنا
• ماشاء الله ملم بالمادة، يعطي بونص على المشاركة(القيمة)، والاختبارات سهلة
• الصراحة تعامله ممتاز وحبيب وفي الشرح ممتع لكن شديد في التحضير من اول دقيقة يحضر كان يقول انه يحرم الي يتجاوز الغياب المسموح وفي الدرجات والله ما لاحظت زيادة اخذت عنده قريد سيئ وانا مهتم في المذاكرة
• شرحه واسلوبه جميل وممتع ما تطفش من المحاضرة ابدا تستمتع بالمحاضرة ويعطيك امثله وحبيب جدا وطيب ومرة حسيت انه نقصني باختبار وارسلت له ايميل وراجع ورقتي وطلعت صدق غلطان حتى الاغلاط علمني عليها وقال من حقك اني اراجع درجتك تقدر تقول الA+ بجيبك ان شاءالله
• ممتاز لو بتنزل سلم 107 يطلب منك تكليف تلخص كتاب(الكتاب 30 صفحة تقريبًا) تلخصه ب 10 صفحات دفني كم درجه والله
• دكتور طالع من خليه نحل والله عسل الدكتور شرح ممتاز و المد كان اسهل من السهل و متفاهم مع الجميع بس التحضير كان غريب
• ممتاز ممتاز ممتاز ، محاضرة ممتعة وخفيفة وتفاعلية اختبارات بسيطة جدًا وبونصات كثيرة في كل محاضرة ومتعاون في كل النواحي عدا الحضور - ومن وجهة نظري يحق له - .
• تجربتي معه كانت فاشلة بكل المعايير. ميد صعب + فاينل أصعب + ما يعطيك أي درجة نهائي مع اني كنت أشارك معه في كل محاضرة، عطاني درجتين لأني جاوبت على سؤال بونس. كلمته ايميل قالي معطيني حقي وأكثر وهو ما زودني ولا درجة !!!
• ما راح اكثر كلام، من أفضل المشائخ اللي تسمع منهم وتستفيد من علمهم وثقافتهم، اتعجب ما شاء الله من علمه الرهيب ومعرفته وكلامه الواعظ وافكاره اللي تغير وتفتح عقلك وتبصره، انصح الجميع بان ياخذ عنده ولو مادة وحدة وما راح يندم ابدا. بالنسبة للاختبارات عادية وجميعها موضوعية ( صح وخطأ واختيارات..الخ ) ومافيه مقالي، الدرجات سهل تجيب ٦٠ وان ما جبت يكون فيه بونص عده درجات تجيك من مشاركتك في المحاضرة، وللعلم دايم يعطي مجال ان احد يضيف على كلامه او ان يتكلم بنقطة معينة في الموضوع، ممكن يكون صارم في التحضير وخصوصا عن غياب الاختبار او التأخير عنه
• بدون مبالغه المحاضر الوحيد اللي لو يقعد يشرح طوال اليوم ماعندي مشكله اقعد عنده واسمعه اسلوبه وشرحه ممتع بشكل لايوصف ، الاختبارات بين السهله و المتوسطه وكانت كلها خيارات ، يعتبر خيار ممتاز للي مايغيب لانه يركز في موضوع الحضور ويمكن تخسر درجات واجد اذا تساهلت بذا الموضوع
• التحضير عنده اول شيء يحضر من اول دقيقة بعدها مايدخل احد ويزعل ، الشرح جميل وتمر المحاضرة وانت مادريت ، الدرجات الاختبار الاول كان صح وخطا وواضح جداً والثاني اختيارات والنهاى ايضاً بالنسبة لي سهل جداً ومباشر ، الدف مدري عنه لاني جبت كامل عنده بكل الاختبارات انصح فيه وبشدة
• الدكتور شرحه كويس جداً واختباراته سهله ودقيق جداً في الحضور على كل غياب درجتين ولك غياب واحد مايحسب عليه شيء
• دكتور اسطوري بمعنى الكلمة ما يعيبه الا انه يخصم على الغياب ويدقق بالتأخر
• دكتور خراااااافي وصلت للفاينل وعندي ٦ درجات بونص واحتجت ٣ وباقي عندي ٣ درجات بونص زياده راحت علي الميدات سهله بس تحتاج تقرا الكتاب الميد الثاني استهبل شوي جاب وصل ٢٥ فقره (يعني الاختبار كامل توصيل ) عموما سهل بس يجيب كم فقره صعبه بين السطور في التحضير يعععععععلك كل غياب بدرجه واذا م غبت بيعطيك بونص الزبده اسطوري مرررره اذا انت مو راعي غياب
• شرحه جدا ممتع واخلاقه عالية وتستفيد منه , مايطلب تكاليف ولا مشاريع مجرد اختبارين الاول كان خيارات وصح وخطا والثاني توصيل وكلها كانت سهله , الدكتور يوزع بونصات كثيير في الكلاس واغلب طلابه في النهاية 60/60 , يهتم ودقيق شوي بالحضور ويعطي بونص للي ماقد غاب , انصح فيه وبقووة
• الدكتور نابغة في تخصصه ما شاء الله وممتع جدا في سرده وأسلوبه وطرحه للمواضيع بشكل يجذب انتباهك كمستمع قبل أن تكون طالبًا ، بالنسبة للاختبارات فهي سهلة ميسرة جزاه الله غير وأسئلة موضوعية بسيطة وكذلك بالنسبة للدرجات الإضافية (بونص) في كل محاضرة لمن يشارك معه ، بالنسبة للحضور فهو يهتم للحضور وعليه درجات إضافية كذلك للمواظبين ،من الناحية العلمية سوف تستفيد حتى خارج المادة العلمية بكل سلاسة في مواضيع الإلحاد والكتب السماوية والمعلومات الإثرائية الكثيرة ، أنصح به وبشدة نفع الله بعلمه و أنار بصيرته وجزاه الله خير الجزاء.
• شرحه ممتع واخلاق واغلب طلابه مجموعهم 60/60 او حولها لان اختباراته مب صعبة ويوزع بونص كثيير للي يشاركون واللي مايغيب ولا فيه مشاريع ولا شي ويهتم في التحضير .. انصح تنزل عنده خيار ممتاز جدا
• من افضل الدكاترة الي تاخذ عندهم سلم ، شرحه ممتع ماتمل من محاضرته اختباراته معقوله ،