• دكتور ممتاز واخلاق حلوة.. يشرح من بداية المحاضرة الى اخرها.. اسئلته متوسطة بس فيه بونسات كثيرة تساعدك.. اذا ما اعجبتك درجتك تقدر تعيد الاختبار ما عنده مانع.. اخر الترم طلب مننا بحث عن موضوع من مواضيع المادة هو يحدده لنا.. صدقني بتستفيد منه اذا اخذت المادة معه
• 40 درجة نهائي..10 درجات تلخيص كل كلاس صفحة وحدة بس .. و 10 درجات للحضور و 30 للميد و 10 درجات اخر شي يطلب منك تسجيل صوتي لكتاب يطلب منك تلخص منه 10 صفحات .. ماشفت في حياتي انسان يدف مثله الميد زاد اللي ماغبوا 5 درجات والنهائي انا متاكد نفس الشي زاد الطلاب وفي التلخيص والتسجيل الصوتي جدا يساااااعد الطلاب ويعطي الاغلب كامل اهم شي سسويت اللي قاله مو لازم تبدع يعيب الدكتور الشرح الطويل عدا ذلك اشوفه خيارك الاول في مواد السلم دكتور اسطوري وال الالف زايد مضمونة مثل الموية
• ما يدفك وبس يشوتك لكن لا تغيب عنده و التحضير عنده نوعين تاخير لو تجي اخر محاضرة عادي و تحضير قبل م يبدا الدرس
• كل شي عند الدكتور ممتاز ممتاز، بتستفيد وتستمتع وتاخذ درجة ممتازه لكن لاتغيب ولا تتاخر لانك بتتعب شوي معاه. الله يوفقه وخسران اللي ماينزل عنده
• الدكتور شرحه طوييييييل ياخذ كل المحاضرة تعامله راقي جداً واسئلته للاسف للاسف للاسف من بين السطور بنسبة ٨٠٪ يعني بتتعب معه خاصة اذا نقصت درجات بالنسبة لي توبه انزل عنده مره ثاية بالرغم من اني جبت قريد حلو الحمدلله لكن بعد تعب واخذ وقت كبير جداً مني رغم ان المادة ( سلم ) ! كانها مادة تخصص !! التحضير بداية المحاضرة ماتجي بعدها انت متاخر
• الدكتور بططططططل مررره اختباراته سهل ويدف اذا ناقصك درجات المد كااان مرره سهل اذكر اني خلصته ٦ د والفاينل مرره سهل اذا يمديك تدخل عنده ادهل وانت مغممض لكن يطول بالكلاس ياخذ ساعه ونص وبعض الاحيان ساعه لكن يستاهل والله
• الله يجزاه خير يفيدك في المادة ويفهمك ولا يقصر في الامور الثانية من درجات وحضور وغيرها ومتساعد جداا مع الطلاب
• دكتور الله يوفقه دينا واخره اخلاق ودرجات وكل شيء تبيه فيه ماشاء الله لكن اشتغل معه في تلخيص المحاضرات اختباراته خيارات وسهله جدا
• دكتور مثقف وحبيب جدا وشرحه مثري ويعطيك معلومات خارج الكتاب حلوة، انسان خلوق وبشوش ومتواضع، التحضير عنده ببداية الكلاس واذا ما جيت من البداية بيسجلك متأخر الغياب عليه درجه والتأخر نص، اختباراته متوسطه الى سهله، بالاخير بيفتح مجال تعويض كبير اذا انت جايب فوق 15 بالميد بيخليك تقرا 10 صفحات من كتاب وتسجلها صوت وبياخذ منك نص ساعه عشان درجه وحده والصراحه الطريقه متعبه عشان كذا نصيحه لا تغيب وشد حيلك بالميدات عشان تخفف على نفسك بفترة الفاينلات، عنده سياسة حلوه بتحديد موعد الميدات وهي بالتصويت والاغلبيه يحددون الاسبوع في نطاق شهر بشكل عام: مسهل المادة عليك وتقدر تطلع منها ب A+ بكل سهوله. بالتوفيق.
• افضل دكتور سلم درست عنده ،، ال ا+ عنده سهله بشكل ما تتصورونه وما يقروشك ابد ما فيه بحوث ولا شي الي يطلبه منك كل كلاس تلخص الدرس الي تكلم عنه وتسلم التلخيص نهايه الكلاس ،، انصح بقوه انك تنزل عنده
• اسطوري واذا نقصت بالميد تقدر تعوض عنده باختبار شفوي يكون ببيته او بالجامع اللي هو فيه وش تبي اكثر من كذا ؟ + يعطي بونص للي مايغيب