• دكتور مميز جدا ويحب يسمع من الطلاب .. شخصيته صارمه ويعامل الجميع بسواسية .. سلم الاعمال والمشاريع في وقتها وبا إتقان واحضر المحاضرات وشارك ودرجاتك كاملة في جيبك.
• أميز دكتور في السنة الاولى المشتركة، وأثقلهم علميا... أسلوبه رائع وحضوره الذهني جدا ممتاز وعنده كاريزما بروفيسور ماشاءالله عليه.... ملاحظة بسيطة لو كنت طالب غير مجتهد ربما لايرزقك الله بحب الدكتور في قلبك، ولكن هو للمجتهد كاد أن يكون رسولا
• دكتور ممتاز اخلاقه عالية ومتساهل بالدرجات اهم شيء اذا قال اسمك تجاوب ( درست عنده عن بعد في فترة كورونا)
• شايف نفسه لأبعد الحدود ويستقعد بزياده في البحث والمشروع ، هو منسق المادة وأحيان كثيرة يلمح عن أشياء بتجي في الإختبار، بالنسبة للدرجات ماأدري والله لاني درست عنده عن بعد والدرجات كانت مجتاز وغير مجتاز، إجمالا يعتبر أفضل من غيره لكنه مب الخيار الأفضل
• دكتور مب أسطوري و مب سيئ ، بداية السنة قال لنا ١٠ درجة -١٥ في يدكم مجانية و اخرتها سحب علينا و قيم على كل شي ، التحضير يمشي بعض المرات لكن انتبه تبزوط و في الاخير يخصم عليك درجتين عشان الحضور و الغياب ، بالنسبه للبحث بصراحه تعبنا فيه مرره مدقق على أشياء بسيطه و احس انه مستقعد عشان ما يعطي احد فل فيه ، اما المشروع اغلب الطلاب نقصهم فيه و حجته ان مافيه شيئ ابهره ! يعني ما أدري وش يبينا نسوي حنا طلاب اول سنة في الجامعة ان ما كان اول ترم ، الشرح ما تحتاج تفهم منه لأن في الاخير تحفظ الكتاب عشان تجيب درجات كويسة ، اذا جاك الدكتور هذا احمد ربك لانه اهون من غيره