• والله اني اخذت اسوء قريد لي عنده من دخلت الكلية وانا طالب مجتهد ودرجاتي زينه معقد الماده اكثر من الازم الداتا ستركتشر كانت ابسط من تعقيده للماده عموماً يشرح من قلب ويجاوب على الاسئله لكن واضح انه يبي ياخذ ال pmp ويراجع لها على حساب الطلاب عموماً لو فيه اخر خيار لك هو وبالنسبه لااسئلته المقالي سهل الخيارات مب طبيعيه احيانا تحسه قاعد يكتبها لناس متخصصه في ال pmp يضحك بوجهك ويمحطك بااختبار شين
• الدكتور جدا متعاون من جميع النواحي، الكويزات الي كانت عن بعد كانت واضحة والوقت كان جدا كافي. كان دايم يحط لنا تصويت في وقت المحاضرة عشان يختار الدكتور انسب شي للطلاب لدرجة انه حتى جزئية الفاينل سوا تصويت شرح الدكتور جدا ممتاز يشرح لك بالانقليزي ويترجم الكلام ويعطي مثال واذا فيه شي ما فهمته تقدر تسأل الدكتور في المحاضرة المجدولة او والايميل يرد عليك بسرعة. أما من ناحية الاختبارات الحضورية طبيعة المادة انها تحتاج وقت للدراسة وكانت الاختبارات معتمدة اعتماد كلي على الفهم اذا بينت للدكتور انك فاهم بالمقالي صدقني مب مقصر معك ابد. نظام تحفظ التست بانك وتدخل الاختبار تحمل القريد الي بيجيك.
• الدكتور محترم ويعطي المادة حقها من ناحية الشرح بس اختباراته مصيبه ما راح تجيب قريد فيها مصعب المادة وهي سهله باختباراته الغريب ان اسئلة المقالي سهله بس الخيارات يبيلها تركيز ومجهود فنصيحه لا تنزل عنده لان بالغالب ما راح تجيب الي تبيه
• شرح رهيب و تعامل ارهب و يعطيك حقك (اتوقع يزيدك درجة للقريد الي بعده) اهم شي عنده انك تفهم ما تحفظ.
• الدكتور شرحه جبار بس على كل لكشر بتشوف ساعتين وطالع وعندك ١١ لكشر يعني معطي الماده اكبر من حجمها مره الدكتور اختباراته حرااااقه يحط اسأله خيارات ٤ اسطر يقول سالفه حياته وبعدين يسألك اذا انت مدير وش بتسوي هذا غير انه جاب مقالي بالميد والفاينل انصحك ازبن منه شرحه كويس وبتفهم الماده بس بياخذ قريداتك اخذ والماده الصراحه سهله بس الله يهديه مصعبها مره مره لو احصل الدكتور ثانيه ما راح انزل عنده وانصحك اذا فيه غيره انحش
• الدكتور عسل والله كان متعاون معنا في كل شي طلبنا يقلل التشابترات في الميد وقلل طلبنا يقلل التشابترات في الفاينل وقللها ماقصر ابد، الشرح كان ممتاز، يمكن الاختلاف الوحيد كان على اسئلته البعض يشوفها صعبة بس بالنسبة لي اشوفها عادية لكن الفرق انها تعتمد على الفهم، الدرجات بالنسبة لي احس دفني بس اشوف الاغلب يقولون لا مادف
• كانت ماده قريد بس بعد ما مسكها الله يهديه صارت مصيبه اذا لقيت غيره لاتنزل عنده من الاخر للي يبون قريد اهربوا
• من ناحية التعامل ما اتوقع فيه دكتور حبيب مثله ومتعاون مره مع الطلاب. ومن ناحية الشرخ الصراحه ما تفرجت له مقاطع ابد بسبب طولها كل مقطع ساعتين لو تفتح من نفسك السلايدات وتفهمها من نفسك ما تاخذ نص ساعه واختباراته صعبه الاختيارات اما المقالي و الصح والخطأ واضح و ما يدف يعطيك حقك
• الأخ اللي كتب الرد اللي تحتي اللي مقيمه 7.25 والله مدري شوضعك يوم تكتب انه ما يشرح زين هو كان ينزل مقاطع شروح لكل لكتشر ساعتين وزياده وكانت كافيه ووافيه للفهم، المادة ذي حاول تفهم مقاطعه ويكون عندك لغه لان اسئلته كلها سواليف يعني لو ما تعرف انجليزي بتكون صعبه الماده عليك. " أفهم أفهم أفهم لا تحفظ "
• الصراحة ما كان يشرح المنهج زين لكنه حبيب ومتعاون واختباراته متوسطة ويعطي المادة حقها
• الدكتور محترم ومتعاون، التحضير اكثر شي يهتم فيه ، الشرح اعتقد انه من افضل الدكاترة في الكلية كـ شرح ، يدفك للقريد اللي بعده اذا باقيلك درجة او درجتين بشرط ماتغيب عنده غير كذا مستحييييل.. اعتبره من خياراتي الاولى في اي مادة ينزلها.
• يهتم بالتحضيرر مره ولا تفكر انه خويك بيقدر يحضرك بيوم من الايام شرحه حلو وجميل و المادة سهله بعد الدرجات يعطيك حقك واذا دفك ممكن يدفك للقريد اللي بعده اذا باقي درجتين كذا بس لا تحسب انه يشوت درجات اختباراته(كويزات) غالبا تكون اسئلة سابقه الميدات موحده المشروع انت و دكتورك حق التمارين ماله يد فيها انصح فيه الزبده
• درسني نال ٢٣٠ افضل دكتور ماسكها هو محترم شرحة ممتاز يعطيك تمارين بعد كل محاضرة كويزاته سهله يدف قريد
• الدكتور حبيب وياخذ ويعطي مع الطلاب شرحه ممتاز جدا جدا مستحيل ما تفهم الدرس الي يشرحه لكن شوي شديد في التحضير الدكتور مايدف مباشرة لكن يمشي في تصحيح بشكل ملحوظ