• درستني عال ٢٢٠ معمل ومحاضره، شرحها جداً ممتاز مهم تركزين معاها في وقت المحاضره، مدة المحاضره ٥٠ دقيقة ، صيغة الإختبار نفس صيغة التجميعات استفدت منها كثييييييير مهمه جداً جداً،كنت أذاكر من السلايدات والتجميعات والحمدلله جبت درجات حلوه .. بالنسبه للمعمل نصيحه أحفظوا شغلكم ولا تطلعون الا وانتم فاهمين
• شرحها ممتاز و أخلاق جداً ، الاختبارات موحده فما اقدر احكم و متساهله في التحضير شوي
• استاذة قمة في الرقي والاخلاق ، شرررحها رائع تشرح من قلب وتحاول تبثت المعلومة ، من الاستاذات الي كل ما حصلت لي الفرصة بنزل عندها سواء محاضرة او تمارين ، رائعة بشكل رهيييب واختباراتها مستواها حلو واشوفها سهلة بعد بالنسبة لشرحها
• يعلم الله انها اسم على مسمى ليت كل الاستاذات ملاك واخلاص وتعاون. شفتي اختك الكبيره لم تشرح لك بقلب علشانك بقره؟ هي كذا
• اقدر اقول انها فنانة بكل شي ، شرح رائع ودرجات ماتقصّر واسلوب واخلاق ✅
• شرحها سريع شوي بس احبها فاهمه وتوصل المعلومه بشكل بسيط درستني محاضره جافا ون
• وش اقول وش اخلي، انسانة في قمة الاخلاق تعاملها مع الطالبات حلو ومره تعطي انطباع انها مهتمه بمصلحتنا وتبي الافضل لنا، شرحها جدا حلو وتحاول قد ماتقدر توصل المعلومه والكل فاهم قبل لا تمشي للمعلومه اللي بعدها. بس نصيحة راجعوا المحاضرات، ممكن تحسون المادة سهله بالبداية بس اذا تراكمت عليكم المعلومات اللي مافهمتوها بتطول بالمذاكرة ومايسوى لانها من اسهل وامتع المواد اللي خذيتها. وتدربوا عالعملي واستاذة ملاك ماتقصر في اللاب ابداً.. واهم شي تعطيكم حقكم بالدرجات وجدا وجدا مراعية.