• عال ١١٣ عملي ، مو مهم عنده الحضور للابات في حال انك تسلمها في وقتها ، مايشرح اللابات بشكل تفصيلي يعني بس يقرا لك الUML والباقي عليك ، اذا سألته اي سؤال راح يجاوبك وهذي ايجابيه فيه، يدقق في الدرجات ومايواطن اي واحد يغش عنده ويسألك في كل لاب عشان يعرف اذا كنت انت اللي كاتب البرنامج او لا ، اللابات بشكل عام صعبة وفيها كرف الله وكيلك والاختبار العملي صعب جدا .. في الأخير استفدت منه كثير وانصح به للي يبي يتقن ١١٣
• درست تمارين عنده عال 212 ، الدكتور شرحه خرافي جداً يوصل المعلومة احسن من بعض الدكاترة يعيد الشرح بكل سعة صدر ، الرجال مرن مع الطلاب بتغيير الشعب، التمارين مهمة جدا في ذا المادة فالدكتور يحرص عليها، اذا شاف الطالب يتأخر اول المرات يمشيها ويسكت بعدها يمكن يستلمك قدام الشعبة وينفس عليك، الدكتورحبيب لكن ما الومه اذا عصب من بعض الطلاب، بالنسبة للتحضير يحضر اخر الوقت ، باختصار الدكتور لو يدرس المحاضره بدل التمارين نزلتها عنده بدون تردد.
• دكتور تسمع صوته باليوتيوب تحسبه دب ، لكن اخر شي يطلع نحيف ، عموما الدكتور كويس
• درست عنده تمارين وعملي عال١١٣ الدكتور حبيب واذا طلبنا منه شيء ما يقصر وما قصر في الدرجات بعد ، لكن ما يشرح لنا كثير بس يعطينا شرح لطريقة اللاب وانا نحله وبعدين يرسل لنا الحل بعد ما نسلم ، والتتوريال طلبنا منه يحله لنا وصار يرسل الحل بس بدون شرح ، لكن بشكل عام ما قصر وكويس ومن أفضل الخيارات
• الدكتور اخلاق اخلاق اخلاق، شرحه افضل من كل دكاترة المادة يفهمك غصب، كثير من الطلاب يقولون انه شديد بالدرجات وانه بالقوة يعطيك الدرجة بس بالنسبة لي نظامه بالتقييم جدا مريح وواضح وانا انسان يعجبني الدكتور الواضح عشان اعرف كيف اتعامل معه وفعلا نهاية الترم اخذت عنده الدرجة الكاملة، التحضير عنده ما يهمه ابد، ركز على انه يعرفك لانه اذا عرف انك ممتاز وفاهم بيمشي لك كثير وترا يحفظ اسماء الطلبة فحاول توضح له اسمك كل ما سنحت لك الفرصة.
• ياخي الدكتور هذا راح يخليك تفهم عال١١٣ غصب عنك شرحه اسطوره اسطوره ، شرح خلاص اسحب على المحاضره وافهم كل شي من عنده ، صح بيكرفك كل أسبوع تسلم لاب لاكن بترتاح وتفهم المادة ( لا تغش عنده يمكن يعاملك معامله ابليس انتبه لا تغش )
• معيد ممتاز جدا خلوق وعسل ورجل فاهم جدا وش اللي يقوله ووش اللي يشرحه، مايهم عنده تحضر او لا اهم شي تسلم اللاب، يقدر جداً جداً جداً الطلاب اللي يحضرون معه ويعاملهم معامله خاصة في الدرجات وغيره واذا عندك اي سؤال او شي مايقصر معك ابدا حريص انك تفهم، بالنسبه لبعض اللي مايمدحونه تلقاهم ماحضرو معه ولا محاضره واذا جاء تسليم اللاب ينقله من اي واحد واذا جاه الاختبار قال صعب ومايعطي درجات هو مايعرف انك تدرس عنده اصلا كيف تبيه يعطيك درجات او تفهم ؟؟
• نصيحة عن تجربه والله وهذا الي صار معي انحش بيكرفك كرف وغيرك شعب ثانيه مرتاحين ودرجاتهم اعلى صار لي موقف معه وظلمني بالتصحيح فاينل لاب وأسلوبه مستفز مع الطلاب محسسك انك ولا شي الي اقدر أقوله حسبي الله ونعم الوكيل .