• دكتور جميل ورائع احبه بشكل بس في اخر الترم ماشرح لنا وفهمنا زين وانكبنا مره
• شرحه جميل جدا يوصل الفكرة بسرعة بس يحتاج لتركيز, يعطي واجبات يفضل انك تجيبها لا تسحب عليه ولا تنقش من احد لأنه مهمه جدا من ناحيه الدرجات يزود قريد لكل الطلاب الي يتفاعلون معه ويجيبون الواجبات, يعطي ملاحظات قبل كل اختبار انتبهوا لها كويس
• افضل دكتور عال ممكن تنزل عنده، يعطي واجبات كل اسبوع بونص، شرحه كويس ومفهوم، يدفف دف بالنهاية وتنصدم من القريد اللي عطاك اياه، صدقني اذا لقيته شعبته فاضيه خذها وانت مغمض
• التحضير يحضر اول ما تدخل , في الشرح الصدق ما ركزت معه لكن انا تقريبا دخلت عنده عشانه يدف بالنهاية باقيلي درجه عالقريد الي بعده ولا عطاني اياها , عموما انا بس جاي اقول اذا انت تبي دف ما اعتقد انه الدكتور المناسب , و موفقينن
• الدكتور درست عنده عال111 , وش اقول ووش اخلي الدكتور عسل عسل , شرحه اسطوري وتعامله جبار يعطي كل واحد اكثر من حقه يعني لو انت جايب B يدفك للA يعامل الطلاب كانهم عياله حريص انه يوصل المعلومه للطلاب , اذا لقيت شعبته فاضيه نزلها عنده وانت مغمض
• درست عنده عال ١١١ في ترم مابعد كورونا ( دراسة عن بعد واختبارات حضورية ) الشرح ينفهم منه لو بتركز لكن مب واو المادة بصراحه ماتحتاج ذاك الشرح واليوتيوب مايقصر، يهتم فالتحضير مره واظن انه شديد جدا من ناحية الحرمان. الدرجات وما ادراك ما الدرجات، كثير كانوا يقولون انه يدف بس ماشفت اي دف بصراحة، الي سواه انه عطى جميع شعبه واجب بونس درجتين ( مع الواجب كان باقيلي درجه وحده بس على القريد الي بعده وما عطاني اياه ) بصراحه استغربت لكن توقعي الشخصي انه بسبب الاختبارات ماكانت بمستوى الاختبارات السابقة ( اسهل بكثير ) عموما الدكتور ماهو سيء لكن لا تتأمل الكثير. اسف على الاطالة
• هو افضل الموجودين شرحه عادي مو اسطوري على كلام الدف اللي سمعناه ماشفناه ابد كل شخص اخذ حقه بس عطانا واجب بونص من درجتين وشديد بالتحضير لكن للأمانه كويس
• الصراحة كنت متوقع شيء كبير منه لكن للأسف خاب ظني نحن في ترم كورونا ووضعنا صعب جدًا وكلفنا بواجب بونس وبيعطينا بونس ومع ذلك ما أشوف عطانا بونس يعني كل شخص أخذ حقه
• من افضل دكاترة العال شرحه اسطوري و ممتع و ما ياخذ المحاضرة كاملة و عطانا واجب بونس للي ناقص في الميد اذا نزل لك فانت محظوظ عيبه بس شديد في التحضير و قالوا انه بيدف لكن ما اشوفه دف احد
• من افضل دكاترة العال شرحه اسطوري و ممتع و ما ياخذ المحاضرة كاملة و عطانا واجب بونس للي ناقص في الميد اذا نزل لك فانت محظوظ عيبه بس شديد في التحضير و قالوا انه بيدف لكن ما اشوفه دف احد
• دكتور رهيب وحبيب تعاملة عسل وشرحة ممتاز ولكن فرق معي بالدرجات كان اسطوري ما قصر رجل يهتم في مصلحة الطالب تمنيت لو اقدر انزل عندة برمجة 2 يهتم بالحضور جدا ويزعل اذا تاخرت في المحاضرة يبغاك تجي قبل المحاضرة
• من خياراتك الاولى بدون شك من ناحية الشرح والدرجات الشرح جيد جداً الى ممتاز حسب متابعتك معه ويعطي واجبات اسبوعين قصيره لانك مهمه مره انك تجيبها لانها بتفيدك وبتوصل للمد تكتشف انك متعود على نمط الاسئله وبعد نهاية الترم الطالب الي مايغيب ويكون جايب تقريباً كل الدرجات يدفه ومب مقصر معه غير انه بالاساس معطينا كويز بونص من ناحية اخلاق الدكتور طيب وحبيب جداً اهم شيء احضر عنده وخلك مركز لانه يعطي الزبده ومايكثر كلام وغير كذا قبل المد يحل اسئله سابقه وغالباً الي بيجيك نفس الفكره من ناحية التحضير اول ١٠ اسابيع ممكن ماحضّر ولا مره والسبب الشعبة دايم تحضر ولكن بعدها بدو يغيبون وزعل وصار يحضر كل محاضرة
• أسطورة العال 111 , جدا محترم , مصلحة الطالب عنده اهم شي, شرحة من جيد الى جيد جدا, طبعا هو منسق المادة وقبل الميد يعطيكم تلميحات للميد تجي نفسها بالضبط اهم شي ركز بمحاضراته, احضر عنده وخله يعرفك ونهاية الترم بتشوف الي يسرك , الرجال يرجف طبعا بالدرجات, انصحك وبقوة فيه.
• استغرب من الي يقولن دف درست عنده ووعدنا انه يدف ولا دف ولا درجة يكمل لك القريد بس اتوقع انه يدف الي قريداتهم d وكذا بس الي قريده كويس ما يدفه
• ارجل دكتور تراه عينك بالتاريخ شرح بن كلب تعامل افضل منه مافيه والتحضير مايهمه الا اخر الترم فجاة انهبل والدف افضل شي بتشوفه بحياتك كنت استاهل d+ عطاني b
• دكتور اخلاااقق وحبيب اذكر جبنا العيد فالميد وعطانا واجب عليه بونص خمس درجات وشرحه حلو اطلق دكتور نزلوا عنده بدون تفكير
• دكتور شرحه جميل أنت عليك مهمه وحده فقط أجتهد معه وأبشر بالخير بإذن الله والله يوفق الجميع لما يحبه ويرضاه.
• شرحه مفهوم بالنسبة لـ 111عال، قبل الاختبار يعطيك تلمحيات عن أشياء مهمة ممكن تجي ، في نهاية الفصل أعطانا كويز بسيط عليه 3 درجات زيادة للي نقص في الميدات يحضرّ غالباً ، و الي يتأخر أكثر من 10 دقائق يعتبر غايب بتاريخ: 29/1/2017
• درسني عال111 شرحه جميل وحريص على أن الطالب يفهم وماعنده مشكله يعيد اكثر من مره بس عشان الطالب يفهم قبل الاختبار يقول بعض الاشياء عشان نركز عليها تصحيح المد كان عسل
• شرحه جدا ممتاز حبيب مع الطلاب الدرجات يعطيك حقك ممكن يدف في الفاينل قريد درست عنده عال 111 شرحه ممتاز ومايعطي كويزات وقبل الاختبارات يجيب نماذج يحلها مع الطلاب ويشرحها جدا متفهم ويحاول يساعد الطالب قدر استطاعته
• دككككككتور خرافي مررره بس اذا نزلت عنده فيه شيئين لاززم تسويها ١- انك ما تغيب عنده ٢- تنتبه معه وتجلس قدام اذا سويت ذا الشيئين ابشر بالخير حبيب ومتساعد مع الطالب الي يهتم معه ويعطي قبل كل ميد تلميح بسيط عن الي بيجي حاول تفتح اذنك وتنتبه للاشياء الي يقولها لان على ما يقولون " راس كبير " يعني يعرف المنسقين من افضل دكاترة العال صصصراحه ويددددف دف بس انتبه معه ولا تغيب . >> عال ١١١