• كثيرين اللي يمدحونه ! بس انه بالنسبة لي ما عجبني أبدا ! عنده واجبات ! وحصته ثقيلة ! أخلاقه سيئة شويتين ! ما يحترم الوقت أبدا ! ما يجي الا بعد 10-15 دقيقة وبسبب هالشي يضغطنا في الدروس ! وكان ياخذ من 5 - 10 دقايق من البريك! تقييمي : 6 10
• هذا الدكتور خخوورافي في الشرخ بسس اما الباقي لا تدور عنده ممكن يدف الناس الي ممكن يحملون المادة فقط
• دكتور محاضرته ممتعه وشرحه ممتاز، درسني داتا بيس والمادة كانت مو ذاك الصعوبة، اول ميدين كانت متوسطة الصعوبة، لكن بالفاينال زعل علينا وعطانا اختبار حرفيا برا المنهج وكان صعب جدااا وطحت من A+ ل B بسبب الفاينال بس، دكتور كنت احترمه جدا واقدره لكن بعد الفاينال ما اقول الا حسبي الله ونعم الوكيل.
• الدكتور سيء.. محاضراته عذاب نفسي يقعد يشرح شيء بسيط لمدة ساعتين ويقعد يعيد فيه يعني تقدر تشوف مقطع يوتيوب يشرح الشيء هذا خلال. ١٠ دقائق التكاليف حشرها لنا في وقت الفاينل يعني الاسابيع اللي قبل ما ادري وش كان يسوي الدرجات ما ادري كيف يصحح انا طحت من A وطلعت C ما اردي اللي تحت كيف يمدحونه؟!! شكله هو قاعد يقيم نفسه.
• عال 380, من اسوء الدكاتره اللي بيدرسونك, مافيه ولا حسنه, تصحيحه غريب الاختبار اغلبه سهل بس ينقصك من راسه و بالمزاج ويمكن يمشي على نموذج حل غلط ويغلطك على الصح, مب فاهم الماده مع انها سهله, غثيث, جدولة الامور عنده صفر يعني عادي بنص الاختبارات النهائيه يطلب تكاليف زي ما سوا معنا
• اسوء دكتور في الكلية نزلني من A إلى c+ ، المادة سهله وحقت قريد بس هو حقير جدا حسبي الله عليه
• اسوأ دكتور مر وراح يمر علي وعلى اي شخص بالجامعة محاضرته ثقييييييييله وطويلة ومزعجة ولا تطلع منها بأي فايدة حرفياً لو تشوف فديو يوتيوب 10 دقايق تطلع بفايدة اكثر من محاضرته بساعتين وغير المحاضرات الدكتور هذا ما عنده اي مسؤولية وتحسه طفل كل شي يأجله لييين اخر يوم واذا قلنا شي خلاها غلطتنا المشروع مفروض نشتغل عليه من اول الترم وقعد يأجله ويأجله بعدين عطانا على الاسبوع 15 (وحنا نذاكر للنهائي) وخلانا نشتغل على كل شي متأخرين فيه مع انها غلطته وفي نصف فترة الفاينل عطانا واجب + مناقشة نكد علينا تنكيد ولا عرفنا نذاكر لباقي المواد مع ان هذا نظاماً ممنوع الدكتور هذا لو يشيلونه بيسوون خير بالدفع الجاية
• الدكتور هذا تجسيد لاسوأ الصفات والأخلاق على الإطلاق أي صفة سيئة ممكن تتخيلها تلقاها فيه. الشرهه مو عليه الا على الي عطاه شهادة الدكتوراه وخلاه يدرس في جامعة. هذا ما يمشي حتى كمدرس تمهيدي. اذا نزل لك, حط في بالك أنك ما بتلقى الدرجة الي تعكس فهمك للمادة, وممكن تكون أقل بكثير من حقك.
• درست عنده بترم كورونا عن بعد لكن الاختبارات حضوري، اول شي شرحه جيد بصراحه لكن صعب جدا تركز معه لانه مره يطفش بسبب ان شرحه بطيء جدا، بالنسبه للدرجات هو ازفت شي فالحياه لان حرفيا بالاختبارات مايصحح طبيعي يصحح بس بالنظر السريع لانه ماله خلق يصحح، بالمد جبت العيد شوي وفجأه القا نفسي فل مارك، لكن بالفاينل حال زين مره وخسفني خسف، حرفيا التصحيح عنده راندوم تلقا نفسك حال كل شي صح وواحد جايب العيد درجته احسن منك مافيه اي ضمير بالتصحيح، بالبروجكت يشغلك وينشب بحلقك فتره الاختبارات النهائيه الناس تذاكر وهو ينشبلك بالايميل على المشاريع، بإختصار بيرْق بجوك الا اذا جا يصحح ورقت اختبارك وهو مروق يعني انت وحظك
• درست عنده بترم كورونا و كانت المحاضرة ساعتين صراحه ثقيلة لانه من النوع اللي يفصل و يعيد اكثر من مره فيه تاس يعجبهم ، لكن هذي الماده تقريبا ٨٥٪ مشروحه فاليوتيوب يعني شرحه م ياثر من ناحية اختبارات صراحه كانت عاديه متوازنه موب صعب ولا سهل مقدور عليها اذا ذاكرت وراجعت على اختباراته لانها نفس الافكار ،،، تصحيحه حقاني لا يدف ولا يظلم حسب قريدي
• 380 يظلم في التصحيح اذا ما حليت بالطريقة الي يبغاها عقله متحجر بالنسبة للحلول لازم طريقته هو
• الدكتور حبيب مرة ومحاضرته ممتعة وكلها ضحك، ساعتين ما تطفش، شرحه ممتاز وفاهم المادة، يحضر بالباركود بداية المحاضرة ولو جيت متأخر يطقطق عليك شوي ويحضرك، اختباراته المد الأول والثاني والكويزات سهلين ثم عطانا فاينل صعب مرررة، عيبه الوحيد الدرجات والتصحيح، يطول بالتصحيح مرررررة وينقصك حتى لو حلك صح وما يناقشك يقول انت غلط
• خذت عنده عال113 من افضل الدكاترة الي مروا علي في الكليه, أخلاق وشرح ودرجات واستمتاع, المهم انك تشتغل معه وتركز في الشرح + تحل واجباته الي ما عليها درجات اول بأول وتضمن الدرجات بإذن الله ملاحضات الطلاب الي كانوا معي ( طلاب غير مبالين ولا تهمهم المادة نهائياً) : -الدكتور يتأخر عن المحاضرة ويطلعنا بعد نهاية الوقت بـ 5 دقايق ( اذا محاضرتك بعده بريك) -الدكتور يضغطنا قبل الأختبارات (لانه فهمك الأساسيات بطريقة متميزة في الأسابيع السابقه)
• درست عنده ١١٣ عال وشرحه كان من افضل مايكون تطلع من عنده فاهم المادة بشكل كامل اذا كنت مركز معه و ماشاء الله اخلاق و وسيع صدر مع الطلاب ، النظام عنده ببساطة يعطيك واجب كل نهاية اسبوع عن اللي شرحه في الاسبوع كامل + قبل اي ميد او فاينل يحاول يشرح الأسئلة السابق قد مايقدر ، اذا قدرت تنزل عنده لايفوتك
• عال والله الدكتور مبدع واخلاقه زينه وشرحه كويس واسلوبه مميز ، الله يذكره بالخير من افضل الدكاتره الي مرو علي
• شرحة ممتاز , لازم تركز معة عشان تفهم , في البداية بتحسة شديد واحيانا يعصب شوي لكن مع الوقت بتتعود علية وكل اسبوع يعطيك واجب والتحضير يركز علية واحيانا يمشيك اذا تاخرت انصح فية بشدة للي جادين في الدراسة