• كان معيدي في 111 شرحة كويس بعيد لك الين تفهم عمري ما شفته ابتسم والتصحيح بالملي وبعض الاحيان ينقصك
• الدكتور شرحه كويس ولكن مادري وش مشكلته بالضبط مع محاضرتنا دايم يسحب او يتأخر ولكن بالدرجات كويس
• شرحه حلو و احسن شيء انه كان يعطيك كله الاحتمالات و الأخطاء اللي ممكن تقع فيها او الطلاب يقعون فيها، من ناحيت المشروع كان مره متعاون لدرجة انه نبهنا عن أخطاء كثيرة، و قعدنا نسأله لان اتذكر كل سؤال كان يجوب علينا و يعلمنا وش الأخطاء اللي ممكن تقع فيها حقت السؤال و كان متساهل في التصحيح بس ترا مشكلته ما يحب اللي يشوف نفسة فاهم و يسوي يحشر للدكتور و تعاملة عادي جدا ، و عادي يعيد لك الشرح لين تفهم ، و كان ما عنده مشكلة مع كثرة الأسأله، و طبعا التحضير يصور الشاشة في اخر المحاضرة و ما يهتم كثير فيه، و في الدرجات بيعطيك حقك
• الدكتور شرحه كويس اسلوبه شوي لك عليه يدقق كثير في الواجبات و اللاب ما يعطيك بونص يعطيك حقك بالمختصر هو كويس بس سوي كل شي يقوله لك بنفسك و ان شاء الله تاخذ شي يرضيك
• اخذتها عنده عملي ١١١ و كان ممتاز الصراحه. ماكان يأخذ المحاضره كامله يشرح المطلوب في ٤٠ دقيقه إلى ساعه و يقول طبقوا الباقي في الوقت المتبقي و بالنسبه للدرجات الاغلب اخذ درجات حلوه عنده
• درسني عملي، دااايم يتأخر ومرات ما يجي ويصرفنا عند أي معيد ثاني، بس بما يحضر يدخل يقول حلوا اللاب ويكلع ويرجع بعد ساعة ويشوف حلولنا ويعدل لنا وبعدين يحل اللاب قدامنا وخطوة بخطوة يشرح، مشكلته مرات يسبق الدكتور حق المحاضرة ويشرح واحنا نكون ما أخذنا الدرس مع دكتور المحاضرة، والتحضير اذكر اول ثلاث أسابيع كان يحضر وبعدها سحب على التحضير، ويسمح لك تحضر عند أي شعبة عملي ثانية ما يجبرك على محاضرته
• درسني عملي عال 111 باختصار ماهو مهتم في المحاضره يجي يشرح المفهوم ويعطينا مثال وطلع برا وخلانا نحل للامانه ماهو ذاك الزود
• دكتور نفسية ويتأخر دايم لكن تصحيحه مره كويس لدرجة انك تنصدم من الدرجة الي معطيك اسطورة تصحيح شرحه اشوفه كويس مره
• معيد فاهم في المادة وشرحه مفيد ، مشكلته في الحضور ، دايييييما يتأخر ، يعني لو محاضرة العملي الساعة 10 هو يجي 10:25 واحيانا يغيب عن المحاضرة، هذا الكلام عن 111عال بتاريخ: 29/1/2017
• درست عنده عملي عال ١١١ كان يشرح مستعجل ويمشي ما يخلي الطلاب يطبقون واسلوبه سيء شايف نفسه ولا يرد السلام
• عال ١١١ تمارين ، كان يدرسنا تمارين يجي اخر ١٠ دقائق لا و بعد يحضر و مرات كثيرة تغيب شرحه يقولك حل اللاب و التوتريال (اي رقم) و اذا عندك مشكلة كلمني الاسبوع الجاي باختصار ماله فايده ( كان تمارين يعني ما يعطي درجات)
• سعودي, دائما يتأخر, ماقد جاء مبكر, وهذا سبب أني كرهت كلاساته, مع أنها الأهم وفيها التطبيق للي تعلمت , طريقته (بعد وصولة المتأخر) نفتح اللاب ونحل وأخر 10 دقايق يبدأ يشرحها ويقول الأخطاء اللي نقع فيها.. التصحيح يعطيك حقك وأكثر شويتين.. (الحضور المبكر عندي مهم) 5/10
• اسوء دكتور يمكن يمر عليك بمادة عال١١١ الله يصلحه شايف نفسه و الشرح عنده سيئ و الدرجات ما يدف والتحضير يدقق فيه انحش عنه اذا نزل لك عنده