• شرح انسى, ما يجي اصلا, بس هذا الترم والله يا هو دفني ودف شعبتي معاي طالع من المد اتوقع اني جايب 13-15 من 25 وما قصر عطاني 23
• اذا كنت تبي شرح ابتعد عنه بالنسبه للواجبات و التكاليف ما يعطيك الله يجزاه خير هو الظاهر ماله خلق اما الحضور ما يجي الا محاضره كل اسبوع ف ما بتشيل هم التحضير ابد و الدرجات بصراحه طلعت من الاختبار و ضامن اني بجيب ١٧ او ١٨ فجاه اشوفه معطيني ٢٥ ما قصر والله باختصار اذا تبي درجات نزل الماده عنده و انت مغمض
• شف لا تدور شرح من القسم الدايخ ذا , المادة صعبة مع المنسق العوهلي ولكن السلمي سهلها بشكل مو طبيعي برزنتيشن كنسله , محاضره وحده بالاسبوع , بشكل عام الدكتور كويس في المواد الصعبة والي يكون مافيه احد يعرف يشرح نزل عنده يخفف منك اعمال سنه ما تشيل هم المادة العقيمة
• دكتور من حيث الشرح مب مره كويس بس حبيب جداً ومخفف اعمال السنه لنا بشكل كبببير والمادة صعبه وياخذ محاضره وحده بالاسبوع فقط، الدكتور خيار جيد اذا المادة صعبه وماتبي قروشه وبتعتمد على نفسك
• اتوقع يحسبها جامعة ابوه ماحضر الظاهر الا اربع او خمس مرات ولايرد على الايميلات ولاكلمته تحس ماله خلقك صراحه غريب الدكتور مره اذا خصوصي نزل عنده مايحضر والظاهر مايحمل ولايحرم
• شرح ما حولك شرح صاحي للأسف وغيابه كثير جدا ، في التصحيح يده خفيفة شوي
• اذا تبي شرح انحش... غيره هو الدكتور الافضل مايحضر ويده خفيفه مره ودفني الله يجزاه خير
• دكتور سيء جدا جدا للاسف الشديد ما يهتم بالطلاب ابد شرحه يقرا سلايدات ( طبعا يشرح تشابترين بمحاضرة وحدة عشان يغيب اسبوع ) كانوا يقولون انه يدف وما شفنا شيء، ما يرد على ايملاته ( ترم اول ١٤٤٢)
• شرح لاتدور يارجال اقسم بالله انه مب صاحي ذا الدكتور فجأة وهو يشرح يجلس يطالع في الكود ويفهي ويتوهق ويسوي له سكيب نزلت عنده لان الشباب قالوا يدف وفي النهاية والله ولا دف ولا شي الدكتور ذا مقللب مقلبب اهربوا
• شرحه سيئ جدا اكاد اجزم ان الطلاب فاهمين اكثر منه بس يده بالتصحيح خفيفه ويمشي شوي لا تتوقع انه بيدفك مره بس اذكر انه مشا لنا بالتصحيح بخصوص التحضير الدكتور يغيب كثير يعني اذا انت طالع من ١١١ موب فاهم لاتنزل عنده
• اللي بيدرس عنده يرسل له اي سؤال بالايميل او واتس واذا رد عليك حط رده بموسوعة قينيس لانه بيكون شيء تاريخي اذا رد عليك
• درسني 113 عال مو فاهمها وسحب علينا نص ترم تقريباً، وعجاز وعطاني اقل من حقي، ما انصح فيه
• تعامله سيء وعجاز ومتأخر دايم و شرحه سيء ويجيب النوم وفوق كل هذا ما يعلمك وش اغلاطك باعمال السنة وولا يدف