• والله بيكون له فقده، اختباراته تخلي الواحد تجيه عقده نفسيه....
• صحيح انه صارم نوعاً ما و هذا مو عيب بالعكس هذا لمصلحتك بس العيب الوحيد هو التحضير لو تأخرت ثانية وحدة بيعتبرك غايب يعني البعض يحصل له ظرف خارج عن اردته المفروض يقدر هذا الشي ويعذر الطلاب خصوصاً الطلاب الملتزمين معه و مو حقين لف و دوران
• الدكتور فعلاً شديد لكن صدقني لمصلحتك خلك معه مضبوط وسو كل الي يبيه ونهايه الترم بتلقى نفسك فاهم المنهج كله. شرحه اسطوري من افضل الدكاتره شرحاً اذا ماكان افضلهم. لكن المشكله شديد مره بالتحضير ويجي على الوقت بالضبط ف لازم تكون ٨:٠٠ وانت بالكلاس
• درست معه ماده صعبه نسبيا فطبيعي ان الشرح الطويل يكون ممل انا شخصيا تجربتي معه من ناحيه التعامل ممتازه والدرجات جيده جدا الى حد ما لكن التحضير لو تتأخر دقيقه يعتبرك متأخر او غايب باختصار اجتهد معه وماراح تاخذ الا حقك وذاكر اول بأول
• دكتور خلاني أغير كل طرقي في المذاكره وخلاني أشد حيلي بكل الطرق ، دكتور يشد عليك لكن لمصلحتك ويساعد بكل ما عنده لكن لازم تشد حيلك ، عرفت قيمة اللي سواه بعد ما خلصت مواده لو ما شد علينا كان ممكن أضيع في وسط هالتخصص الله يجزاه خير
• دكتور بتعرف قيمته اذا أنت تدور للدكتور اللي يشرح لك و يعلمك و يفهمك ، خل الوناسه و اللعب شوي على جنب ، الدكتور يوصل لك المعلومة بأسهل الطرق الممكنة و متعاون مع الطلاب حتى في الاختبارات و تعامله ممتاز مع الطالب ، بتعرف قيمته بعدين ماهو شرط وهو يدرسك