• افضل معيد للمادة فعلا تستفيد اذا نزلت عنده يهتم بالطالب جدا ويعطي بونسات بالهبل انا داخل الفاينل ومجموعي فوق ال60
• درست عندة ادا 101 - البونصات عنده زي الرز بس بشرط انك تجاوب معه - عندة 7 كويزات بياخذ اعلى 5 كويزات اذا كنت تذاكر بتجيب فل في كل ال7 - عندة واجبات - اختبار الميد متوسط بيسألكم تبون مقالي ولا اختيارات ؟. اختارو مقالي اسهلل بكثير عندة - يدف دف في الدرجات تقريبا قريدين او اكثر - طبعا هذي تجربتي معه صراحه دكتور مميز
• مهارات ادارية ٣٣٠ ، اخلاااااق جدا وشرحه ممتاز مره وغالبا يجيب امثله بالواقع ، البونصات عنده تقدر تجيب ٨ و ٩ درجات ، يسوي كويزات مفاجئه اغلبها سهله وعنده ميد واحد ، طلباته كثيره تقرير وعرض ووو بس بيوضحها لك وميزته انه يمديك تسلم من اول اسبوع لين اخر اسبوع يعني معك وقت ، بالنسبه لي افضل دكتور درسني بكليه الادارة ، الله يوفقه
• 1/تحتاج تكون لغتك الانقليزية كويسة اذا بتنزل المادة عنده. 2/راح يكرفك كرف وراح يعطيك بونصات بالهبل. 3/يسوي كوزات مفاجئة بس بالعادة تكون سهلة جدا. 4/عنده مشروعين في المادة واحد فردي وواحد مع قروب. بالمجمل انصح فيه وبشدة.
• وعلى ابو فهد فلتبكي البواكي(ذهب لإكمال الدكتوراه فهو غير متاح لسنه او سنتين لذلك حبيت انوه ، يا شباب المستقبل ثكلتكم امكم هههههه لا امزح باختصار امك داعية لك لو خذيت عنده اي ماده، رجل فاهم مادته العلميه ويعطيك اياها كساندويتش خفيف والدرجات هي اخر همك "طالما انك تسمع الكلام وتحضر" فبتطلع فاهم ومستفيد + بتاخذ درجات واذاك من النوع اللي يغيب واجد ولا يسلم مطاليبه بوقتها لا تدرس عنده يا بليد لانك بتلقم د+ والله ولي التوفيق
• دكتور شباب ممتاز جدا اذا تبي تفهم المقرر صح لا تفكر بغيره لكن مشكلته يكرفك مره لكن مايقصر ابد ابد بالبونص
• درست عنده ادا 101 بقولها لكم بختصار الدكتور اذا عندك لغه بتمشي عسسل معه اذا لا انححش دكتور يركز على اللغه بشكل كبير يعني اذا ماعندك لغه بتنظلم حتى لو شديت حيلك ويكرررررررررررررررررررررررف والفاينل حقه صعب بس يدفك قريد المختصر تذاكر سلايداته معها نوت طبعا وتجي في الاختبار تحل من فهمك مافيه شي مباشر الا المقالي
• الدكتور ممتاز بس انه يكرف الواحد ويعطي بونصات واجد وعنده خمس كويزات وكل كوز عليه درجتين وغالبا سهل بس الميد و الفاينل صعب جدا جدا جدا. ورح يخليك تسوي برزنتيشن مره لحالك و مره مع مجموعه
• درسني مبادى الادارة حبيب ويدف بالبونسات ودقيق بالتحضير وتكاليفه متعبه وكثيرة
• الدكتور شرحة جدا ممتاز لكن يكرفك لين تكره الماده من برزنتيشن و كوزات و واجبات الاختبارات عنده ميد واحد من 20 غالبا يكون سهل اذا اخترتوه اجابات قصيره مع خيارات اما الفاينل يتحداك يكون صعب
• دكتور كويس صراحة بس يقلقك بالتكاليف ويوزع بونص كل محاضرة ويشرح غالباً بالانقلش اللي يبي يستفيد يروح له واللي بيشد حيله يروح له والA+ بجيبه