• ادا ١٠١ ، افضل دكتور ممكن يشرح (السهل الممتنع) يعطيك الزبده ولا يتفلسف ، اختباراته صعبه نوعاً ما الطريقه: اختيارات ، اكمل الفراغ ، مقالي ، صح وخطأ ، سلبياته عنده مشروع (برزينتيشن ) من ١٥ درجه او ٢٠ واجباته والكيس ستدي يعطيك كثير
• هذا الدكتور نعمة من الله , إذا ما جبت A+ فالمشكلة منك موب منه ! ، أفضل دكتور سمعت عنه أو درست عنده في الإدارة! ، شبابي شرحه عادي لكن حصته خفيفة على النفس ما يحضر الا عشان الادارة ويقول الحضور ما يهمني !كويزاته خفيفة ! حبيب مرة ومتفهم ! اختبار الميد الأول كان سهل ! تصحيحه يحاول قد ما يقدر يساعدك يعني لو جبت طرف الإجابة يعطيك عليها درجة ! بعد كل اختبار فيه بونص واخر الترم عطى واحد قريد كامل عشانه حاضر كل الأيام !
• ادا ١٠١ ، شرح جبار ، اخلاق اسطوري ، محاضره ممتعه ، تقسيم الماده عنده جميل ١٥ مد اول وثاني ٢٥ اعمال سنه ٥ مشاركه ٤٠ فاينل ، السلبيات كل كلاس تغيبه احتمال تنقص درجه من اعمال الينه اذا صادق قروب اكتفيتي او كويز وكلها مفاجأه طبعا ، المدات صعبه مايلتزم بالسلايد يقول حاسبني باللي شرحته وبس والله ، ويعطيك حقك مايدف ، وعنده بونصات
• تعامله و شرحه ولا احلى بس يهتم باللي يشاركون معه مره , اختباره سهل بس ما يدف
• دكتور ملم في المادة وباين عليه اهتمامه فيها وما شاء الله عليه اخلاق وتعامل وشرح ما تلقى زيه في الجامعة. يهمه التفاعل اثناء المحاضرة واكاديمي من ناحية الدرجات بحيث انه يدقق على كل درجة يعني يعطيك على حقك. بإختصار انصح به. بخصوص مادة ادا ١٠١ المواضيع سهلة ولكن تحتاج طلاقة في اللغة الانجليزية عشان تستوعب جميع المعلومات لأن المنهج امريكي.
• بأمانه الدكتور الافضل شرحاً وتبسيطاً للماده روعه الشرح والتعامل ياساتر والله من افضل الدكاتره اللي مرو علي معاملة مع الطلاب وحبيييب بشكل لايوصل وشرح رهيب وتوصلك المعلومه غصب رغم اننا ناخذها عن بعد اما الدرجات ف هو شديد فيها بكل امانه وتكاليفه كثير ومايعطيك الدرجه الا وانت تستحقها اختباراته ميد ٣٠ خيار وفاينل ٤٠ خيار والباقي تكاليف غثيثه شوي ويدقق بالدرجه وفي الاخير اذا ناقصك كم درجه عالقريد يشوف وش ناقص فيه واذا كنت تستاهل زادك بالعربي الدكتور كامل ماشاءالله من كل النواحي الا الدرجات صراحه
• درسني ترم كورنا ، افضل دكتور ممكن تدرس عنده بإختصار .. شرح واخلاق وأدب اذا مانزلت عنده انت خسران افضل دكتور بكلية الادارة
• من افضل دكاترة الادارة الي ممكن يدرسونك جدا محترم واخلاق , الدكتور عسل, شرحه أسطوري , اذا انت كويس معه لاتشيل هم الدرجات ابد ابد لانه بيرجفك بونصات اهم شي شارك معه وامورك بتكون بالسليم , انا كنت اشارك كثير معه واغيب كثير , طبعا انا درست عنده ترم كورونا ووقتها خلو الاختبارات موحده وكلها خيارات يعني موب هي الي يكتبها , وقد تكلم قال لو انا الي اكتبها بجيب مقالي , عطانا قبل النهائي مراجعه 80 % من الي شرحه جاء بالاختبار, بالنهاية اقولك اذا انت كويس وبتشارك معه روح وانت مغمض.
• افضل دكتور ممكن يدرسك يساعدك بكل شي واذا انت كويس ماراح تعاني معه شرح ممتاز واسلوب حلو وتحضير مايحضر
• دكتور تلقى كل شيء فيه, من شرح وتصحيح ودرجات وبونس واخلاق , اذا لقيته الحق عليه لانك ماراح تندم . بالنسبة لي افضل دكتور درسني الى الآن
• افضل دكتور درسني بالجامعه كاملة تحصلها من تعامل ولا شرح اسطوري ولا وش اما الدرجات فهو يعطيك حقك وزيادة اذا جتك فرصة تنزل عنده نزلها وانت مغمض
• الفقيه افضل دكتور فالكلية محاضراته ممتعه والي يشارك معه يدفه ويعطيك حقك وزياده بعد التحضير عنده مو مهم بس اهم شيء ما وصلت الحرمان والي ما يغيب عنده او يغيب يوم يدفه قريد باختصار اسطورة الإدارة
• تعامل و ادب و اخلاق و احترام ما شفت زيها و يفتح مجال للتحاور و النقاشات و ملم بمادته جدا جدا و يسوي مراجعه بداية كل محاضره و اعطانا بونص وصل ل ٩ درجات تقسمت بين تلخيص و تحدث عن موضوع و بونص في الاختبارات الشهريه و ٥ درجات بونص للموظف خلال فتره الدراسه يجيب تعريف او اثبات من الجهه اللي يشتغل فيها و ما يحب اللي يتاخرون لان يتشتت احيانا بس عادي يمشي و يحضر اللي يتاخر بس مب دايم ولا يحب اللي يناظر جواله وقت طويل ينبهه
• اقسم بالله اتعب وانا اقول من افضل الدكاترة الي مرو علي دكتور طلعت من مادته تجميعي فوق 100 يعطي بونص بالهبل والي يقولك انه يغير كلامه وما يحسب البونص هذا تلقاه جايب العيد بالنسبه لي ما قصر معي وحبيب وحقاني تشد حيلك معه يعطيك حقك وزود واختباراته يمديك تناقشه بالاسئلة حقته اذا قدرت تقنعه باجابتك يعطيك صح عموما شرحه حتى جامد يوصل لك المادة بشكل سهل
• افضل دكتور مر علي من ناحية الشرح ممتاز شرحه جدا و يعطي بونص على المشاركه اهم شيء تشارك معه و لا تغيب ابد لأن يسوي كويزات او قروب اكتفيتي و اذا غبت تنقص لا تغيب ابد ، المحاضره ماتحس فيها ممتعه جدا و يوصل لك المعلومه غصب و الاختبارات على الفهم فا اذا غبت مابتحل كويس
• بتكلم عن تجربتي الشخصيه معه مع مقررين درستها عنده ، الدكتور حبيب جداً ومتعاون مع الطلاب وشرحه ممتع صراحه لكن اذا انت شخص تغيب كثير ف لا تحط امالك بقريد عالي عنده ( يوزع الطلاب في قروبات ويخلي درجات المشاركه عليها ) يعطيك حقك بالدرجات اما الدف ماتوقع يدف واذا يدف شي بسيط اختباراته متنوعه مابين متوسط الى صعب . باختصار انت بحضورك للمحاضرات تحدد قريدك .
• دكتور طيب جداً ومتعاون ويساعد الطلاب بس احرص تحضر معه دايم لان الدرجات تعتمد على عمل المجموعات ويهمه المشاركة لو تشارك معه دايم تضمن وضعك اختباراته يبي لها تركيز مو سهله مره لكن الدكتور من افضل دكاترة المادة
• المادة مع ذا الدكتور ممتعة لابعد درجة المشكلة فقط بصعوبة اختباراته ولا ك تعامل و ك شرح من افضل الدكاترة وعنده بونص واجد
• بونس واجد يعطي بس بتكليف ، اختباراته صعبة وتعتمد على الفهم ، لا تنزل عنده لو تغيب كثير ، جيد اذا مافي افضل منه ، وشرح ممتع يعني ما تمل منه ويخلص بسرعة
• التعامل جداً خلوق ومتفهم ويتعامل معك مثل مايتعامل مع اخوه ومتساعد الى حد كبير.الشرح محاضرته ممتعة بشكل كبير وتنتهي من غير ماتحس كلها سيناريوهات ومناقشات ودية ومشاكل اخلاقية حدثت في الماضي ونتكلم عنها ونعطي آراءنا فيها. وايضاً يعطي قبل الاختبار ب اسبوع على الاقل المطلوب منكم في الاختبار وقبله بيومين او اكثر يسوي مراجعة سريعة. الدرجات يعطيك حقك في الاختبارات ولكن اذا فيه سؤال مثلاً تجي اجابته اكثر من وحدة يعطي الدرجة للجميع لان المقرر اخلاقيات فممكن يكون فيه اكثر من رأي صحيح، ويعطي بونصات في الترم وتكون درجات البونص مابين ١ الى ٥ لكل بونص ولكن اكثرها تكون ٢ و ٣ درجات.التحضير ممتاز.اذا حصل لك نزللل
• دكتور راقي جداً جداً لا من تعامله و لا من طريقة إيصاله للمعلومة بشكل جميل و بسيناريو عجيب و ممتع ، بالنسبة للدرجات فهو يعطيك حقك و زيادة اذا أقتنع بوجهة نظرك فهو مرن من ذي الناحية و عنده بونص اقل شيء راح تأخذ عنده ٥ درجات .
• دكتور رائع ... عطاني A+ ،،، درست عنده أخلاقيات المادة وانا غاش كل الإختبارات
• يدف بونصات واخر الترم كان ناقصني درجة ونص للقريد اللي بعده ودفني ( غير البونص حقه ) مايحضر بس عنده فعاليات بالمحاضرة وعليها درجات حبيب ويتقبل جميع الاراء ويسمع للطلاب ويحسسهم ان رأيهم مهم وياخذه على محمل الجد الميد الاول كنسل تشابتر وحذف المقالي ( وهذا نادر يسويه ) الميد الثاني كان اونلاين عشان الازمة وكان صععبب جدا الصراحة بس الفاينل سهل وعوضنا بالنقص ودفنا
• اذا كان للرقي عنوان فهو عبدالله الفقيه ؛ أسطورة جدا ومتفهم وأسلوبه في التدريس جميل جدا ويسمع للجميع ويحاول يناقشك ارائك . التحضير يمرر الكشف ويقول ما يهمني التحضير لكن يهمني وجودك في الكلاس. عنده نشاطات كثير عليها درجات ف اذا انت راعي غياب ما يناسبك.
• توزيعه للدرجات غير واضح في النهاية بيعطيك على مزاجه من النوع اللي يحب الطلاب يتلزقون فيه
• بدايه الترم اول ماتنزل عنده يحط بونص للي يقرا الشروط وتقسيم الدرجات حقته وبين السطور مكتوب ارسل (كلمه يحددها الدكتور ) على الايميل ويعطيك عليها بونص كثير من الطلاب راح عليهم هذا طبعاً الدكتور ماعليه كلام والله بس اختباراته يبيلها مذاكره
• محاضرة ممتعة و شرحه خورافي المادة حرام تجيب فيها اقل من A ، ولازم تركز معاه في الكلاس وتشارك لأن عليها درجات ويجيب من امثله شرحه في الاختبارات بس اختباراته يبيلها مذاكرة زيادة
• ممتاز في التعامل و التحضير ما يدف أبد و البونص قليل و عنده مشروع يدقق فيه و مشاريعه كثير
• -الدكتور اخلاق ومحترم وتعامله اسطوري -الشرح ممتع وقت المحاضرة يروح وانت ماتدري -الدرجات عنده بونصات كثير بس المشكلة فالميد صعب شوي -التحضير ماعليه درجات ولايركز عليه
• شرحه وتعامله واسلوبه رهيب الكلاس عنده جداً ممتع وسريع وهو ما يطول بالشرح التحضير عادي تعال اي وقت بالكلاس ويحضرك اختباراته هه فيها صعوبه بس اذا مركز وفاهم معه بالكلاس بتصير سهلهه لانه يجيب لك مثال بالاختبار مُشابه للمثال اللي ذكره بالشرح بنزل عنده مره ثانيه
• تعامله ممتاز جدا وهادئ وشرحه اكثر من ممتاز ويوصل المعلومة كاملة، متعاون جدا ومتفهم حتى في الاختبارات، دقيق وما يعطي زيادة في الاختبارات الشهرية لكنه متعاون في النهائي، اسئلته واضحة ومباشرة وشاملة للمنهج، التحضير يعطيك الورقة وكل طالب يحضر نفسه، واجباته كثيرة نسبيا بس بسيطة .
• الرجال تعامل ومتفهم وفاهم ولكن يعيبه اختباراته صعبه ماتكون بسهولة الشرح بشكل عام ممكن تحطه كاختيار وتشد حيلك معه
• من افضل اللي يدرسون الادارة ، صعب تطلع من كلاسه مو فاهم ، يحب اللي يشارك معه و متفاعل دايم اخلاقه عسل عسل مره ودايم مبتسم خلك مشارك معه واحرص انه يعرفك وما بيقصر معك
• الدكتور ممتاز ورهيب للي يحب مواد الادارة، كلاسه له جو ثاني ممتع جدًا، اختباراته متوسطة يبيلك تكون حاضر كل المحاضرات معه لان يشرح احيان اشياء بسيطة لكن مو مذكورة بالسلايدات، باختصار اذا انت حريص نزلت عنده وفالك أ+
• دكتور ممتاز جداً شرحه ممتاز وكلاسه مستحيل تمل احذر تغيب عنده لانه يسوي قروب اكتفيتي كثير ولاتدور بونص عنده
• تعامله ممتاز ومحاضراته ممتعة جدًا، اهم شيء شارك معه كثير يحب كذا هو، عنده فعاليات في الكلاس فيبيلك تحضر دايم عشان الدرجات، يعطيك كم واجب وسهله جدًا، وبروجيكت عليه ١٠حاول يكون ممتاز لان يدقق، اختباراته متوسطة للامانة احيان فيها سهولة احيان صعبة، باختصار اذا بتشد معه نزلها عنده واضمن قريد عالي.
• دكتور رائع جداً يعرف يشرح محاضرته ماتمل منها خذت عنده صيفي اول محاضرة قال لنا وش تبون نظامي معكم توزيع الدرجات ، الاختبارات الخ،، اختبارته مقالي وخيارات والي بيذاكر زين راح يطلع ب A+ بالراحة
• دكتور عسل وكل شي كويس بس الله يصلحه اختبارته صعبه ما عنده نظام خيارات واسئله مباشره يجيب من الفهم والمنهج انجليزي فتكون صعبه على اغلب الطلاب اللي انجليزيتهم وسط بس الشهادة لله حبيب ثم حبيب والنجاح مضمون بحول الله
• ادا١٠١ . الشرح عظيم .الاختبرات صعبه . مده المحاضرة ممتازه وممتعه ولا تحس فيها . سلايدات هو معطينها لكنها محيوسه . لازم تحضر عنده اذا ماحضرت يفوتك كوز او قروب اكتفتي او مشاركه يعني بتغيب بتروح عليك درجات ويعطيك واجبات كثير وخرابيط ويعطيك ٤ فصول للاختبار ويحط الاسألة متعمقه وطريقة حسابة للدرجات اغلبها من المشاركة والمشروع والواجبات . بس بتستمتع بشرحه جدا و كلاسه . بعني اذا انت راحي حضورا بيصلح لك اذا تغيب كثير بتنقصك درجات وااااااجد على ماده تافهه
• ادا 101 ، من افضل الدكاترة اللي ممكن تدرس عندهم حبيب جدا ومتساعد ومتفاهم مع الطلاب، الشرح من سلاديدات يعطيك اياها ، مدة المحاضرة ماراح تحس فيها خفيفة. اختبارات شوي صعبه طريقتها: اختيارات ومقالي واغلبها من التيست بانك. عنده مشروع من ١٥ درجة يبيله شوي شغل و ٢٠ درجه كويزات وقروب اكتفتي والكيس ستدي. سلبياته لازم تكون تحضر لان لو غبت وراح عليك كويز او قروب اكتفتي راحت الدرجة، دكتور من الاخير نزل عنده بدون ماتشوف اذا انت تحضر ولا تغيب.
• دكتور اسطوري من ناحية الشرح والفصل كله يتفاعل معه لكن تكاليفه كثيرة جدا واختباراته صعبة
• درست ادا 101 بإختصار افضل دكتور يدرس هذا المقرر هو الفقيه , اخلاق وشرح وفاهم المقرر بالنسبه للمذاكره يشرح على السلايدات وببداية كل تشابتر او كلاس يكتب اجيندا بالسبوره ويشرحها ( الاجيندا هذي الاختبارات ما تطلع منها ميدات وفاينل ) انصح فيه وبقوه.
• اي غياب ممكن تنقص عليه نص درجة او درجة لانه يسوي قروبات ويعطي عليها درجات كل محاضرة
• من افضل الدكاتره في الجامعه حبيب ويتعامل معك باحترام، ما يهمه الحضور بس الي ما يغيب يعطيه قريد، بعد كل اختبار يعطيك بحث بونص،
• اي غياب ممكن تنقص عليه نص درجة او درجة لانه يسوي قروبات ويعطي عليها درجات كل محاضرة
• ادا ١٠١ و ادا ١٢١ دكتور ممتاز جدا ودائما مبتسم اختباراته فيها مقالي وخيارات من الشرح والسلايد ولا تشيل هم المقالي سهل واهم شي لاتغيب عنده لان عنده انشطة واجد عليها درجات مثل قروب اكتفتي وكويزات لكنها سهلة