• أ+ سهههله، اختباراته فيها مقالي بس الميزة انه ما يطلع من السلايدات، وقليلة مرة، احفظ السلايدات وامورك طيبة.
• اسهل أ+ جبتها في حياتي اسهل من السلم سواليف اذاكر قبل الميد بثلاث ساعات واجيب ٢٥ الفاينل مذاكره قبله بكم ساعه وطلعت ب أ+ اي احد مقيمه سيء لانه مايفتح الكتاب ومهمل ويبي الدكتور يعطيه قريد وهو جايب ١٤ من ٢٥
• استغرب من الي قيموه تقييم سيء و متاكد انهم هم نفسهم الهطوف الي قدموا شكوى عليه عشانه ببداية الترم جته ظروف ولا قدر يشرح(و اصلا المادة اتفه شي بالحياة ما يحتاج لها شرح) عالعموم الدكتور كلمة اسطورة ما توفيه حقه تعامله و اخلاقه و اختباراته و درجاته شي خرافي حتى طلب مننا برزنتيشن يقول قدموه انتم و بعطيكم فل فيه ما دقق ابدا فيه و انا كنت اذاكر قبل الاختبار بيوم و جبت درجة حلوة عنده و كانت اختباراته اختيارات و مقالي و النقالي يعطيك ١٠ اسالة تذاكرها و يقول بجيب ٦ منها و حتى الستة الي يجييها يقول جاوب على اربع اسالة منها، انصحكم و بشدة تنزلون عنده والله يسعده و ما عليكم من السبايك الي يسبونه
• الرجال بكل اختصار بيخليها اسهل من السلم و ما راح تذاكر لاي اختبار اكثر من ٣٠ صفحة سواء ميد او فاينل الله يسعده ما يقصر ابببببداً و حريص على ان الطالب ياخذ اكثر من حقه بالمادة
• الي يقولون اختباراته صعبه واضح ما ذاكرو انا جايب عنده أ+ وانا كنت اذاكر قبلها بيوم الدكتور حبيييييب لابعد درجه وما يحسسك بالماده ابد واشوف شرحه مرا ممتاز طبعا ما كان يحضر بس كان نظامه يسجل المحاضرات وكان مسجل 4 محاضرات بس طول الترم كل واحد فيهم ساعه الظاهر شرح ممتاز والمقالي كان يجيبه من الاسئله الي تحت اخر شي من ملخص كان يرسله زبدة الموضوع سجل عنده بيدلعك كانك بمدرسه لا وبعد اذا سالته سؤال بالقاعه يجاوبوك
• دكتور اسطوري شرحه رهيب و تعامله رهيب و مهتم و حريص عالطالب و فهمه و متعااون جددداً باختباراته
• الدكتور ممتاز وانصح فيه اختبارته سهله ومتساهل وطلباته مهيب كثيره نزل عنده وانت مرتاح
• بصراحة انا اخذت عنده A+ لكن مدري كيف اوصف الدكتور ، في البداية حسيت ان الدكتور شدييييييد بعدين غاب عننا فترة طويلة شوي بعدها رجع واختبرنا ميد كان بالنسبة لي سهل لكن الدرجات ماكانت جيدة للطلاب الميد الثاني ساعدنا فيه كثيييررر وما قصر ، البرزنتيشن عطانا كامل والاسئلة المقالية عطانا اياها نذاكرها ، اختباراته متوسطة الصعوبة ونص الدرجة بجيبك من المقالي ، ودفني بالنهاية وعطاني اي بلس
• سيىء جدا غير ملم بالمقرر طيله فتره الترم لم يقم بالتدريس الا اخر اشهر بعد شكوى طالب عليه ثم قام بوضع جميع الاعمال و اختبارين ميد في شهر واحد و لم يشرح الدروس جميعها كانت عن طريق تسجيل قام به
• التقييمات الموجوده فقط شاهدوا التواريخ لها و بتكتشفون انها قديمه بداية الترم الطلاب اخذوا مقلب فيه بحكم انه استاذ جديد و ما كان يشرح الا اخر اسابيع الترم توقعوا راح يتساهل معهم و لكن للاسف جميع طلاب الشعبه انصدموا بدرجاتهم في النهاية مافيه اي بونص او مساعده ولو بسيطه مع انه يعرف تقصيره في الماده
• دكتور ما راح يفيدك بالمادة بس بيسهل لك كل شي وبيعطيك قريد عالي لأن اختباراته سهله وحتى يغششك بالقاعة وحتى المحاضرات يسحب عليها ولا تستبعد تشوفه نايم بالمحاضره
• للامانه خيار زبال لاسباب كثيره منها ان شرحه سىء اختباراته متوسطه لاهيب سهله ولاصعبه التعامل فيه شوي شوفه نفس الدجات والله لو تموووت بالعكس الدجه الي انت جايبها يتمنن عليك فيها زي درجه المشروع يعتبر انك اذا اخذت فل معنا ترا ساعدك موب انت الي تستحق لكن للامانه الدكتور هطف فالمراقبه على الاختبارات يعني يمديك تغس بسهوله هذا وحنى بكورونا وتباعد اكيد بكره لاراحت هالجائحه بيصير الوضع احسن بالغش
• دكتور للامانه يساعد الطلاب ومحترم ومتعاون مع الطلاب يعاملك كانك صديق مو طالب ودرجاته زي الحلاوه واختباراته من اسهل ما يكون يجيب مقالي بس سهل مره بس عنده مشكله بسيطة انه ما يحضر المحاضرات يعني اللي يبي يستفيد لا يجي عنده اللي درجات بيكون اختيار كويس لك وانا للامانه انصح فيه وبقوه اذا حصلته رح عنده
• الدكتور كويس وحبييييييييييييييييب شرحه مش ولا بد لانه توه جديد بس تعامل ودرجات وحضور كويس ومتعاون جددددداً