• دكتور بيتعبك شوي لكن والله من اسهل الاي بلصات الي بتاخذها ، الاسئلة نسخ لصق من السلايدات والتكاليف سهلللللة ودرجاتها بجيبك ، الدكتور لغته ضعيفة وهذا الي لو عرفته بتشوف اختباراته سخيفة لان اسئلة الح والخطا بتشوف جمل ناسخه من سلايدين وحاطها بجملة وحدة هههههه يعني يقاله تريك على طول هذي خطا وعلى ذلك قس
• درست عنده في فترة الكورونا (عن بعد) الدكتور حبيب جدا ويحب المزح والضحك مع الطلاب وشرحه متوسط ممكن ما تفهم كم حاجه من عنده لكن سلايداته سهله جدا وقليله واختباراته كلها من السلايدات نسخ لصق بدون تغيير في الصيغه الا بعض الاحيان يجيب تريكات لكنها سهله وواضحه. ما يركز بالتحضير ويدف الطلاب نهاية الترم.
• الدكتور تحسه حبيب بس الله يهديه يلخمك شوي ممكن لأنه يمزح واجد فما تدري متى يكون جاد و متى يمزح ، الاختبارات نسخ لصق من السلايدات ، عباره عن خيارات و صح و خطأ ، الصح و الخطأ ممكن يغير كلمه وحده في التعريف فتصير خطأ ، بس كل شي نسخ لصق ، ما قصر من ناحية الدرجات و دف اللي باقي له شي بسيط عالقريد اللي بعده ، بشكل عام مش الخيار الاول لكن في نفس الوقت اذا جاك و ما حصلت احسن منه ما عليك خوف ان شاء الله
• تعامله ممتاز مع الطالب ونهاية كل محاضرة يقول اعتذر لكم جميعا ولحد يزعل مني اذا رفعت صوتي او شي لانه يتحمس اثناء الشرح , شرحه عبارة عن سواليف يقولها لك وفيها الاشياء اللي بالمنهج ,اختباراته من السلايدات جدا سهلة ولا تاخذ 10 دقايق ومايعطي مقالي , التحضير حريص عليه شوي
• كلاسة ممتع دايم يقول قصص يكون له علاقة بالموضوع هذا يعتبر شرحة.. دايم يحضر باخر المحاضرة. هو نفسيته متقلبة لكن يحب المزح مع الطلاب. الاختبارات سهله ومباشرة تجي نفس السلايدات نظامة ٥٠ درجة على ميدين و١٠ درجات كان مثل البرزتشين لكن بطريقة واجب. بالنسبة لي لو حصلي نزلت عنده مره ثانية
• كشرح مو مره لان المادة واضحة اساسا ومزاجي في المحاضرة والدرجات ايضا واختباراته سهله وواضحة للي مذاكر
• الدكتور يجي يعطيك قصص من واقع حياته ولا يشرح من أي وسيلة لذلك الوقت يروح سوالف ، بيدخل اول مرة يهاوش ويزاعق ثم يقلب ويقولكم هذي اخلاقيات ولا لا ، طريقة غريبة في التدريس الرجل حبيب لكن ما يدف إلا في الأخير اذا باقي لك درجتين على القريد اما اختباراته تجيك فيها اخطاء بالهبل تحوسك هذي في الميد الاول بس تعدل بعدها بس مازالت تجي اخطاء ، في النهاية اختباره متوسط إلى سهل بس اذا تدور شرح انحش يجلس الساعة كاملة يسولف وينسى الوقت لازم تذكرونه ولا بيمسكم للعصر + عطاني مشروع وقييمه تقييم ماندري وشو ولا درجاتنا فيه بس العموم ما قصر
• الدكتور يجي يعطيك قصص من واقع حياته ولا يشرح من أي وسيلة لذلك الوقت يروح سوالف ، بيدخل اول مرة يهاوش ويزاعق ثم يقلب ويقولكم هذي اخلاقيات ولا لا ، طريقة غريبة في التدريس الرجل حبيب لكن ما يدف إلا في الأخير اذا باقي لك درجتين على القريد اما اختباراته تجيك فيها اخطاء بالهبل تحوسك هذي في الميد الاول بس تعدل بعدها بس مازالت تجي اخطاء ، في النهاية اختباره متوسط إلى سهل بس اذا تدور شرح انحش يجلس الساعة كاملة يسولف وينسى الوقت لازم تذكرونه ولا بيمسكم للعصر + عطاني مشروع وقييمه تقييم ماندري وشو ولا درجاتنا فيه بس العموم ما قصر
• دكتور جدا خرافي وحببنني بالمادة تعامله ممتاز وشرحه خرافي والتحضير لو تتأخر عنده يحضرك ما يشدد فيه والدرجات يدف ويساعدك