• محترم وشرحه حلو ويربط شرحه بالواقع، الي مراح يبذل جهده معاه لا ينزل مادة عنده
• كانوا يسبونه بالمحفظة بس والله بالمخاطر كان عكس التوقعات الدكتور فوق الممتاز.. شرحه يبي له شوي تحسين
• درست معاه ادارة مخاطر الدكتور كويس وجدا فاهم مشكلته شرحه مو مرتب، واحيانا يحوس لكن بشكل عام ممتاز اسئلته كلها عالفهم من افضل اللي درست معاهم وطلعت بفايده
• كنت يائس من قسم الماليه لين درسني. باختصار شخص فااااهم؛؛ للاسف ان شرحه متواضع لكن واضح انه يحاول يطور نفسه من هالناحيه فلا تشيل هم؛؛ بالاختبارات اكتب كل اللي تعرفه لانها مقالي؛ والكيس ستدي والبروجكت اكرررررف عمرك فيهم لانك 1) بتستفيد جدا 2) بيعطيك Bonus (فيه مجموعتين عطاهم على شغلهم)؛؛ .. بكل صراحة اللي ينقص عنده اتوقع المشكله منه. انصح فيه
• دكتور فاهم بالمالية ما شاء الله و عنده خبرة عملية، متعاون ومتساهل جداً في الدرجات، التحضير، الشرح، وكل شيء. يبيك تفهم مب تحفظ وتدخل. يعطيك حالة عملية (case study) تستفيد منها مرة ويسأل المجموعة كاملة عنها على أساس أن المجموعة كاملة مشتغلة عليه. نفس الشيء مع المشروع، تطبيق وكرف بس من الآخر تطلع فاهم كويس. أي واحد يقلك لا تنزل عنده إعرف إن الغلطة فيه مب في الدكتور.
• الدكتور محترم مره ومتفهم وحريص انك تطلع بفايدة من المقرر لكن ماينفع ابداً لشخص مايبي يبذل مجهود، مثلاً الاختبار مقالي كله و الكيس ضروري تصير فاهمه كامل وماتكتفي بجزئيتك لأنه يسألكم بعدها ويقيس فهمكم فيعني يحتاج منك شوي حرص وشغل لكنه مايظلم يعطيك حقك، شرحه عادي بس مايطلع منه بإختصار تجربتي معه لا بأس بها و احس على قد ماتعطي على قد ماتاخذ
• شرحه كويس مرة ويهمه تفهم المادة أكثر من إنك تجي تحفظ وتمشي وأقدّر هذا الشيء يحترم وقت الطلاب جدًا، والدرجات عنده ماتجي بالساهل تشتغل زي العالم والناس بتلقى حقك مايظلمك أبد يعرف يميز الطلاب الحريصين من اللي مو فارق معاهم لو يحصل لي خذيت كل مواد القسم معاه بدون تردد، مو متأكد اذا حريص بالتحضير مايجيب طاريه كثير، اختباراته مقالي كلها.
• شرحه ممتاز ويهمه تفهم انت وش جالس تقرأ وتطبق أبد مب شخص راعي سواليف بالعكس كان كل كلاس اطلع وانا مستفيد شيء وودي ابحث وافهم اكثر، يدقق بالبروجكت وبالبرزنتيشن يهمه يعرف ان كل شخص اشتغل وفاهم شغله مب متكي ومخلي غيره يشتغل + لازم تكون فاهم لكل البروجكت بعد مب بس جزئيتك واشوفه فادني كثير، يمكن مايجوز لبعض الطلاب لأنه مب شخص متساهل زي غيره مرة يحرص تطلع من مادته فاهم ومستوعب وش درست وتطبقه صح ماعندي مشكلة انزل مواد ثانيه معه
• شرحه جدا ممتاز وأكثر شخص احسه فاهم بكل التخصص. ما يعطي درجات الا للشخص الي يستحقها، اختباره مو صعب بس يبيله مذاكرة، والكيس ستدي ما يعطي فل مارك الا اذا حسك فاهم ويسئل اسئلة لكل شخص بعد العرض عشان يتأكد انه كل شخص اشتغل، بشكل عام انصح تنزلون عنده