• حمدلله ربي فكني منه جا ترم كورونا و تسهلت ولا اغلب الشعبه بتحمل دكتور مايشرح يجي يسولف و يحشرك شوي و يطقطق عليك اذا جاوبت غلط وهو اصلاً مايعرف يشرح ، لاشرح ولادرجات ولا تعامل ما اقول الله يعين طلاب التحضيري اذا نزل لهم هذا غصب شي تعجيزي تعدي من عنده و المذاكره يقول ذاكروا الكتاب كامل يعني الله يعينك
• شايب يجي يسولف ويقعد يطقطق على الطلاب اسلوب مجلس مو شرح دكتور والدرجات والله العظيم انه وزعها بشكل عشوائي انا حملت المادة وخويي اللي غاش مني نجح الله لايحلله بس وغير كذا اختباراته تعجيزية انحششش اذا انكبت معه مالك الا اختباراته السابقة
• الدكتور ميزته التحضير ما يهتم فيه ابدا و بالنسبة اللاختبارات توقع منه اي شي بيجي من الكتاب تدرس اقتصاد جزئي يجيب اقتصاد كلي لك عادي عندة و الحرمان اذكر قالنا انا همي الطالب ينجح و بس ممكن اربع طلاب جايبين A A+ بس الباقين الله يعينهم و يسولف و يشطح وكثير و يزبد الطالب اذا قلتله على شي معين بالمادة اذا جاك حاول تدور غيره احسن لك
• قسم بالله مدري كيف هذا دكتور لي ٧ شهور معدي مادته و كل ما يجي طاري الماده ادعي عليه فعلاً دكتور سيئ لايعرف يشرح ولا يعرف يتعامل و يحشر الطلاب بنص المحاضره وهو مايعرف يشرح و و يوم جا كورونا صعب علينا الاختبارات و الميد الاول الي كلن حضوري الأفرج حقه كان ١٦ من ٣٠ و اعلى واحد كان جايب ٢٥ ولا عنده نظام سلايدات يبيك تذاكر الكتاب كامل و كل شي يجيبه من شرحه و هو مايعرف يشرك المهم اذا نزلت لك الماده عنده الله يعين والله لولا كورونا كان حملتها
• خذو العلم مني بعيد عن العنصرية. اذا انت قصيمي فبتاخذ عنده A+ اما اذا انت من اهل الجنوب تراااااك بتحملها عنده وربي بيحاسبني على كل كلمه كتبتها. انا اعمال السنة في الترم الصيفي 60 من 60 وبدعت في النهائي وفي الاخير حملني المادة.
• اذا تبي تاخذ عنده A+ لازم يعرفك زيين ويعرف وجهك واسمك ورحله في المكتب اكثر من مرره والله ان تاخذ درجه زينه
• والله اني مدري كيف نجحت دكتور مايدري وش السالفه لكبر سنه ولا يتساهل مع الطلاب حتى مع ترم كورونا مادفنا درجه وحده و الاختبارات صعبه صعبه قبل كانوا يقولون انها سهله بس الحين صعبه مره لدرجه محد جاب عنده ا+
• الدكتور اكثر شرحه سواليف و التحضير يعطي الطالب الورقه و يحضر من نفسه الوضع عادي و درجات اعمال السنه يقول برسلها و ما ارسلها لنا ابد بس شفنا القريد و لا يرد لا واتس ولا إيميل و اختباراته صعبه لو تغيب عنده طول الترم ما عطاك حرمان و هو بس يهمه الطالب ينجح ما يعطيك قريد كويس لو بحلف يحط القريدات عشوائي للطلبه و تعامله طيب مع الطالب بس نصيحه لا تجادل معه بنقاش بالمحاضرة بيفشلك قدام الطلاب
• ميزته التحضير غيره لاشرح ولايدف وياخذ كل الوقت واختباراته غريبه كانه تحدي عشان تحل انحششششش
• دكتور اغلب محاضرته سوالف والباقي يدرس والاختبار غير الي يدرسك مررة ودرجات اعمال السنة مارسلها لنا ذا الترم طول الوقت ياجل واخر شي يوم جا يرسلها لنا قال راحت علي نومة بالله عليكم ذي حركات دكتور وما يرد عليك الا بعد دهر في الواتس الايميل يقولون مايرد بس ماقد كلمته انا
• مادته حقت سواليف اصلاً الشرح حقه كويس لانه يحب يحط امثله من واقعنا التحضير ما يحضر اصلاً يعطي طالب الكشف ويخلي يحضر الباقين اختباراته صعبه لاكن اذا كنت مركز معه وتشارك بتحل الدرجات زاد للكل طالب درجتين ولو مايجيك منه الا اذا دعاء لك موفقيين
• اختبارته غريبه والدف مادفنا ابد لكن محاضرته للأمانه ممتعه بس لا تتوقع انك بتفهم شي من الدرس
• لاشرح ولادرجات اسوء دكتور مر علي حتى لو أنت مجتهد مراح تستفيد ونصيحه اشرد
• دكتور اخلاقه كويسه ما شاء الله عليه لكن ما انصحك فيه ابدا كبير فالسن لا شرح ولا درجات و لا بونص و ما يرد عالايميلات ابدا و اذا بيرسل درجات اعمال السنه يرسلها قبل الفاينل بيومين و يشطح كثير هو همه الطالب انه ينجح و فايدة بس ما يعطيك قريد كويس
• دكتور غريب الصراحه و اختباراته صعبه نوعا ما و تقسيم الدرجات له 30 ميد اول 30 ميد ثاني 40 فاينل و شرحه بجهه و اختباراته بجهه
• سووووووواليف ، والله المنهج في جهة والشرح في جهة. اختباراته غالباً تتشابه الميد الاول نفس الميد الثاني ونفس الفاينل بس يغير بالارقام. أما بخصوص التحضير وهي ميزته الوحيده : واحد من اخوياي حضر كلاسين (٢) بس طوال الترم وأخذ C+
• مدري كيف صار دكتور بالجامعه مايشرح ودايم يسولف واذا حاول يشرح اتحداك تفهم عليه والتمارين حقته غريبه ومحد يحلها واختباراته مدري وش تبي باختصار دكتور مدري وش يبي ولحد ينزل عنده يمكن ميزته الوحيده ان سواليفه تضحك
• الدكتور الهذلول .. كنت منزل عنده مقرر قصد ١٠١ والمفروض حاطينه مقرر "سواليف الهذلول" دكتور يشرح في جهه والماده في جهه اخرى اختباراته عاديه اللي يقولك يدف تراه مادف ابدًا ابدًا في دفعتنا ولا نص درجه ميزته التحضير .. كان كل يوم يجيب كشف ، يعني الوضع سبهلله
• دكتور ما يعرف يوصل المعلومه بشكل جيد لكبر سنه تقسيمه للدرجات ٣٠ ميد اول ٣٠ ميد ثاني ٤٠ فاينل ما يهتم التحضير
• اادكتور كويس من ناحيه الاختبارات السهله و الاختبار في العاده يكون نفس اللي في التمارين و الامثله و بنفس الارقام
• الشرح ما يشرح مايعرف يوصل المعلومه يجي يسولف اما التحضير ماعنده تحضير اختباراته تلحس يجيب غير الطريقه الي موجوده بالكتاب عنده مدين من 30 لكل واحد ما يعطي بونص