• اعتقد انه من الدكاتره اللذين يظنون انهم يصبحون رائعين عندما يتقمصون شخصية الدكتور الصعب الشديد ، اسلوبه بالتعامل سيئ نوعاً ما ، بأول محاضره قال بأنه رسب اكثر من نص الطلاب في احد الشعب ، ويقول انه لايمكن لأحد ان يحاسبه على ترسيبه نصف الشعبه ، واجبات صعبه ولايمكن لشخص فهم كل ماذكر بالمحاضره ان يحلها ،كنا متحمسين ان يدرسنا شخص ذو مكانه عاليه في مجال الاقتصادولكن اعتقد ان اسلوبه هو ماجعلنا ننفر منه
• اذا تقدر تنحاش انحش منه دكتور غير متعاون ابدا ولا يقبل منك اي عذر مهما كان ويخصم على الطلاب كل محاضرة ولا يقبل اي اجابة قريبه من الصحيحة
• خذت درجه حلوه عنده الدكتور غير متعاون ابدا مع الطلاب ويهدد دايم بالرسوب لكن الي بينزل عنده ماانصحه ابدا
• الدكتور هذا عدو للطالب بكل ماتعنيه الكلمه من معنى يتفاخر انه يستطيع ترسيب اكبر عدد ممكن من الطلاب ولا حد يقدر يقوله شي يكثر واجبات ولا يعطي عليها درجات تصحيحه غريب ويخسف بالشعبة عقليه مثله حرام انه يصير دكتور حسبي الله عليه
• يحضّر أول مايدخل واللي يجي بعده غايب ، منضبط جداً بالوقت للامانة متأخر ولامرة طوال الترم ، يعطي واجبات كثيرة والظاهر ان يقرا كل الواجبات ويدقق بالحل ، التعامل معه صعب شوي ، إختباراته صعبة لكن لو فاهم المادة بتمشي حالك بـ B+ ، بونس إنسى
• هذا الدكتور اسمه جاك الموت يا تارك الدراسه حرفيا تعامله مع الطلاب فيه جلافة شوي ولا يرحم وفيه كبر وشايف نفسه على الطلاب وكان يحقد على الي يجلسون ورا ولا يحب احد يروح الحمام لو تموت قدامه ما طلعك مدري وش لون نجحت عنده كرهت الاقتصاد من بعده
• بتكلم بصدق وش صار معي انا اخذت عنده درجة عاليه الدكتور كويس بس مشكلته شديد الدكتور شرحة كويس بالحيل بس مشكلته اذا جت المحاضره يدخل يسال عن الي أخذناه قبل و يخصم مثلا اخذتو الفصل الـ٣ يسالك عن الاول و الثاني و الثالث و اجباته نفسها الواجبات الي في الكتاب صح انها صعبه بس يبيلها وقت عشان تنحل دكتور شديد مره يعتبر ، هو بيكون عندك يوم في الاسبوع الي عليك وقت المحاضره تخطط في كتابك الي يقوله و الي على السلايدات و بعد المحاضره تحفظها صم و تركز على الأشياء الي يقولها والله انه يقول مثلا ترا بيجيكم التغير في الطلب و الكمية المطلوبه والله تجيك يا يسالك او يختبرك فا الي عليك تذاكر او ب اول و بتمشي
• الشرح لا بأس به جيد ، الوقت لو في استطاعته جعل المحاضرة كل يوم ، عدم تقدير ظروف الطلاب ، كل محاضرة يقوم بأسئلة عشوائية للطلاب ويخصم عند عدم الاجابة ولا تزيد الدرجة ، لك غياب واحد اذا غبته مايخصم ولكن مايساعدك في الدرجات اخر الترم حسب ماذكره ، ما بعد الغياب ذلك يقوم بخصم ٣ درجات في كل مرة .
• إنسان غير متعاون ولا يقدر الظروف مهما كانت هاذا من ناحية أما من ناحية الدرجات فنصيحتي حاول تبعد عنه لان أسئلته صعبة جداً ودقيق بالتصحيح ومستحيل تشوف درجة عنده
• اكثر كلمة ممكن تسمعها عنده هالدخيل (انا الفت الكتاب من قبل ماتولدون ) يتفاخر بنفسه كثير
• هاذا الدكتور يظلم في التصحيح ولو كانت الإجابة مقاربة يحسبها خطأ + متكبر لا يرى الطلاب شيء+ إذا نزل لك حاول تغيره لانه دكتور غير متفاهم ابداً ومتعجرف
• دكتور سيء جدًا يعاملك كنك طالب ماجستير اقتصاد ، شرح طويل وغثيث ياخذ المحاضرة كاملة وواجبات كل اسبوع واختبارات تعجيزية بكل ماتحمله الكلمة من معنى ، والتحضير ايضًا سيء يحضر بداية المحاضرة واذا تأخرت يغيبك ، واذا تاخرت مرتين يسجلها غياب عليك ، المختصر اللي نزل عنده نصيحه نصيحه يحذف ويشوف غيره قسم بالله بيخليك تكره اليوم اللي يكون فيه قصد
• دكتور شرحه لايعلى عليه بس انسى يعطيك درجه وتعامله سيئ والتحضير اول مايدخل وانسى يحضرك بعدها واختباراته صعبه وياخذ الثلاث ساعات كاملهه نصيحه لاتنزل عنده
• ولله العظيم كان سيء معنا بشكل وتجي متأخر دقيقه يخصم عليك و اشياء كثير مابي اقول عن الواجبات ولا اتكلم عن الميدات الي تخسي تجيب فل مارك عنده اذا نزلت الماده عنده ولله بتموت وانت حي
• هاذا الدكتور يجعلك تكره مادة الاقتصاد باختصار فيه تقييم اقل من واحد ؟
• دكتور بثر كل اسبوع واجب والتحضير عنده اول المحاضرة تغيب يخصم عليك الميدين صعبه لاكن الفاينل يجي منها ٣٠ درجه
• ابعد عنه لا درجات وتحضير سيئ ولا دف يكرفك واجبات واختباراته شبه تعجيزية
• من افشل الدكاتره الي درست عندهم تعامله سيئ ويكلمنا من طرف خشمه وغير متساعد تماماً