• دكتور تعامله و شرحه جداً ممتاز يفهمك الماده كامله بس ركز بشرحه لانه اهم شي بالاختبارات و عنده اكثر من طريقة لحساب الدرجات منها انه ياخذ درجة الاختبار النهائي بس حتى لو درجات الميدات سيئة اختباراته صعبه لكن اذا فاهم شرحه بتحل و هو عادي عنده ما تجاوب اجابة صحيحة ١٠٠٪ اهم شي تبين له انك فاهم و التحضير يقول اذا درجاتك زينه ما يهمه الا اذا سحبت مره
• دكتور يتعمق بالشرح وتحس انه يسولف وانت تبدا تضيع بصراحة من خلال تجربتي معه في قصد١٠٢ كانت سيئة اختباراته صععععبه تعتمد على فهمك لكلامه ولازم تسجل كل كلمه يقولها والاختبار يعطيك ١٠ اسئلة خيارات من lms وباقي الاختبار مقالي وحتى صح وخطا لازم تجاوب وتوضح ليه صح او خطا وسمعت ان فيه كم سؤال يجي صح ويجي خطا وتوضيحك يبين ليه
• دكتور اتوقع ينزل الدرجات على كيفه فيه الي اندف و فيه الي انخسف كثير ازبده اختباراته اصعب اختبارات ب كلية الاداره و نصيحه والله ما ينظمن حاول تدور غيره لانه طريقته يبيك نفس الي يقوله تكتبه بل اختبار ازبده حاول تزبن
• الدكتور خرافي مره شرحه اسطوري طلعت من الماده وانا فاهم صدق تعامله حلو اختباراته الصدق صعبه لكن اخر الترم دفنا وبالنسبه للي يقول لا تحكم على الدكتور عشانه دفك بالحالك اغلب الشباب في الشعبه دفهم ومنهم الي دخل الاختبار وهو حامل مجموعه ٢٠ ونزله c+ الزبده ان كان ودك تفهم صدق نزل عنده لكن شد حيلك
• دكتور نجس تحس اختباره تحدي لك مب اختار يقيس المعلومات الي ذاكرتها مايؤمن بالكتاب يبي حلك يكون من شرحه هو واختباراته مقاليه واذا قالك انه بيسوي اي شي اعرف انه كذاب ماراح يسوي شي لان كلمته بريال يقولها تسكيته يعني توقع انه يقول ماراح اجييلك فالاختبار هذا الشي ويجي الاختبار ويجيبه .. ابعد عنه ودور غيره
• لا يغركم كلام اللي قالوه تحت انه سيء و انخدعنا فيه ومن هالكلام لانهم كتبوه بعد الفاينل قبل ما تنزل الدرجات و يمكن اغلب بشعبة كذا كلامها بس لمن نزلت نص الشعبة فوق السي حتى اللي كان داخل الفاينل وهو حاملها جاب فيها سي فيه كثير طلاب داخلين الفاينل و اقصى شي يجيبوه بي عطاهم اي بلس ، اختباراته صعبه بس يدعم بالدرجات باختصار اذا انت بتذاكر بتجيب عنده قريد محترم
• ماقصر كنت داخل الفاينل وباقي ١٠ درجات عالنجاح و الاختبار كان صعب جداً و لمن جمعت درجاتي اللي متأكد انها طلعت ٢٠ من ٤٠ ولمن نزل الدرجات شفت حاطني A ، دكتور اسطوري بمعنى الكلمة
• شرحه وتحضيره كويس بس تعامله لك عليه اختباراته صعبه مره وكلها مقالي كلللها عادي فالدرجات صراحه كان يقول بساعدكم والي يجيب درجه بالفاينل كويسه بساعده بس حط فاينل صعب مررره
• دكتور رهيب جداً شرحه ممتاز يجيب لك امثله واقعيه تفهمك اختباراته اول صفحه خيارات والباقي مقالي نظامه لو ماحليت زين بالميد الاول او الثاني وشديت حيلك بالفاينل خلاص الفاينل يعوض عنك الدرجات الاختبار مو سهل لكن مو صعب ابدا للي بيذاكر يهمه انك (تفهمه انك فاهم بالاختبار) يحب الورقه مليانه وتعامله مع الطلاب جدا ممتاز نظامه بالتحضير يحضر نهاية كل محاضره بالرقم الله يسعده ويوفقه يارب
• الدكتور خرافي مره بتطلع من عنده فاهم الماده غصب تعامله خرافي اختباراته صعبه بس احيانا يتساهل في التصحيح اخر الترم دفنا
• لاتمدح الدكتور بناء على تجربتك معاه ، مو شرط انه دفك يعني دف باقي الطلاب
• لا يغركم اللون الاخضر ، هذا واحد دفه الدكتور لحاله ولا ادري وش السبب + لو تلاحظون كل التقييم بدون تعليق بس يبي يرفع النسبه
• قصد ١٠٢ زبااااااااال بالدرجات وعدنا يدفنا ولا شفنا شي وفوق ذا الاسئله ماتوقع في اصعب منها
• الصدق انصدمت بالتقدير الي عطاني اياه شديت حيلي طول الترم وطبقت الي قاله وفعلا كل اختبار اجيب درجه اعلى من الي قبله ( على كلامه ان كل اختبار تجيب فيه درجه حلوه يعدل الاختبار الي قبله) بس بالنهايه صدمه ولا شفت اي دف!!!
• كذاب مايعرف يثبت على كلمه يقولك منب مسوي كذا ويروح يسويه ويححد ويقول متى قلت كذا انا ماقلت شي اختباراته صعبه يجيبها من ذاك المكان ايوه الي جا على بالك ، يعاملك كانك واحد متخصص فالاقتصاد شرحه غبي واختباراته مقالي يبيك بس تكتب الفاينل ٨ صفحات ٧ منها مقالي سلامات وينا فيه مانصحكم فيه عبيط وكلمته بريال وتصحيحه مخيس
• زباااااااااال اذا تبي تعيش الترم بتوتر نزل عنده اختباراته صعبه كلها مقاليه ومسوي كريم يقول بجيبلك ١٠ اسئله من الlms اختياري بس فيه دوده لازم يغير شي منها مايعرف يصير قد كلمته
• إذا انت طالب تبي A+ نزل عند الدكتور هذا .. لأنه يدعم اللي يجتهد فوق ما تتخيل .. إذا انت طالب تبي تحصل درجات وانت ما تستاهل شيء طبعا لا هذا الدكتور ولا غيره بيفيدك .. الخلاصة ان هذا الدكتور يعطي المجتهد فوق ما يستحق وشرحه واضح وتعامله (عن بعد) جدا ممتاز .. بالنسبة للاختبارات فهي مقالية تحتاج فقط مراجعة طيبة وما تترك سؤال فاضي لأنه راح يعطيك الدرجة حتى لو تشطف الإجابة بس .. لكن لا تتركها فاضية بعدين ما يقدر يعطيك عليها شيء .. والتحضير متساهل فيه (عن بعد) والواجبات بسيطة وسهلة وفاتح حلها حتى لو غلطت تقدر تعيد .. نصيحتي للمجتهدين نزل عنده وانت مرتاح .. وبالتوفيق
• حرفيًا كل اختبار اصعب من الثاني واسئلته يجيبها من كلامه فالمحاضره لدرجه اني كتبت له تعريف لشي معين من الكتاب قالي غلط ليه ماكتبت الي قلناه بالمحاضره !!! اعبط دكتور مر علي ويغير كلمته بسهوله اذا قالك بسوي كذا وكذا لاتضمنه ترا الوعود عنده بريال ولا دفني ولا شي بالعكس احسه عطاني اقل من حقي لاتنزل عنده اهرررررب
• بالبداية كان تمام معنا وحبيب ، مايعجبه اسلوب الكتاب ف دايم يشرح ويعدل من راسه ، اسلوبه معنا قليل ادب شوي سواء كنا بمحاضره او اختبار يحرج الطالب وده انه ما سأل ، قروشنا شدو حيلكم بالفاينل الاسئله سهله ومدري ايش وسالفة الي يجيب فوق ٣٧ يعطيه أ بالاخير صدمة صدمة صددمممة الفاينل ١٠ فقرات مقالي والباقي كللله اشرح ( طبعا كلمة شرح عنده يقول مابيك تترك سطر واحد بالفراغ الي اتركه لك لأن اذا تركت شي بيعتبرك مختصر الجواب وماراح يعطيك الدرجه الكامله ) من الاخير دور غيره افضل لك لاتخليه على حساب معدلك
• تحليل اقتصاد كلي اول ترم يدرس الماده مايعرف يشرح واختباره فوق درجة الصعوبه يعلمكم المعادلات الي بتجي بس يجيب اشياء جديدة صعبه ويقول انا شارحها لكم الاختبار عبارة عن ورقة وحده مسألة و 646463222 نظري من كثره
• لاتنغري ب المدح زيي نصيحه وحده دور غيره لانه متخلف اذا تبي قريد انسى لاتصحيح ولا اسالة كلها صعبه مرة
• ممتاز جداً الاسئله موجوده بالحرف الواحد ويعطيك درجات ع الواجبات بالعربي ماده قريد ودكتور خلوق وخفيف نفس
• دكتور ممتاز جدًا تعامل طيب ومن ناحية الدرجات يعطيك درجة افضل اختبار ،، يعني من الآخر ازهل الدرجات