• حسب ٢٠٢ (المنهج الجديد) ، ينوع لك في طرق الشرح يعطيك الزبده يعطيك الموضىع وعليه مثال ، كويزاته ماتطلع من الامثله الي يعطيك اياها ، ممتاز جداً يدف دف مب طبيعي يوصل الى ٢٠ درجة دف بالراحه، خيارك الاول لو لحقت عليه
• الدكتور مره كويس تصحيحه خفيف و اختباراته نوع ما واضحة التحضير يعطي الكشف الطلاب يحضرون نفسهم
• ممتاز من كل النواحي بس اذا تبي درجة عالية نصيحة ركز على حل الاختبارات السابقة الي يرسلها لكم لان فيها تريكات بتفهمها
• الدكتور من اهم الاسباب الي خلتني احب المحاسبه و ابي اتخصص محاسبه شرحه ممتاز و معطينا رقمه و يرد على اي استفسار بالواتس ولا يقصر بشي بس مشكلته كان يوعدنا ببونص ولا شفنا شي و تصحيحه ثقيل جداً بس كون الماده ثقيله شوي تعذره الماده ٤ اختبارات بس لو نزل لك لا تغيره ممتاز
• ممتاز في التعامل والشرح والتحضير لكن في الدرجات سيء يعني المادة اختيارية واختباراته صعبه ومايدف غير درجة او درجتين في اعمال السنة وليس للجميع لها شروط معينة بعد
• ممكن يكون افضل دكتور تدرس عنده من ناحية الشرح .. ماتوقع فيه اجد يقدر يوصلك المعلومه مثله وجدا متعاون ويستقبل الاسئلة ويجاوب حتى بالواتس .. لكن الطلاب يبون الدكتور يدفهم ١٠ درجات وزيادة هل ذا معقول ؟ انا لولا الله ثم هالدكتور ماجبت A عنده من الاخير اذا انت تفهم سريع وتستوعب وتبي دكتور بس يوصلك المعلومه وتلقطها وهي طايره فهو المناسب .. اما اذا كنت مو راعي دراسة وتبي الدكتور اللي يدفك ويساعدك ف الدكتور مايزود درجات من عنده ويعطيك حقك فقط .
• الدكتور شرح واخلاق وتعامل لا يعلى عليه ، الميد الاول سهل وبسيط فيها الزبده ومن اهم الاشياء تقريبًا، الميد الموحد كان صعب وماله اي دخل فيه والميد الثالث جايب اهم الاشياء وجتنا بالفاينل والنهائي موحد ماله دخل، بخصوص دف الدرجات استغربت من اللي يقولون انه يدف من ١٠ درجات ل ٢٠ درجه شكلهم مبالغين
• الاسلوب والشرح ماعليه كلام ومداته بسيطه لكن مشكلتها تكون مختلفه بشكل كبير عن الاختبارات الموحده فا ماتكون متعود على طريقة الاسئله الي تجيك بالموحد ، وبالنسبة للدرجات يعطي بونص درجتين بالكثير للي درجاتهم سيئه مره
• الدكتور ماقصر بأي شي من ناحيه الشرح والحضور ويبسط لك الماده بأسهل طريقه ويجيب اختبارات سابقه ويشرح لك قبل الميد الموحد وقبل الفاينل بس من ناحيه الدرجات كنا مأملين عليه لان بعض التقييمات يقولون يدف دف واللي يقول اذا انت مستهبل بتاخذ A بس طلع غير صحيح هالشي
• اول شي يعطيك ميدين سهله مره بس صدقني مب من صالحك لانها ولا ١٪ من الموحد الفاينل والشهري ومايدف ابد الا يمكن من مداته درجه ابعد عنه عشان تتأسس صح للمحاسبة المتوسطه
• الدكتور كأسلوب واخلاق وشرح من النخبة لكن لا تتوقع انك اذا نزلت عنده بيدفك بالنهاية راح يعطي كل واحد حقه
• هو كشرح يبسط لك المادة لدرجة تشوفها سهلة و يراجع قبل الميد الموحد والفاينل وقبل اختباراته حتى وتعامله كويس وكل شي فيه كويس لكن لعلنا انغدرنا بموضوع الدرجات الناس هنا يقولون يدف ٢٠درجة واللي يقول ١٠ درجات لكن اللي صار حتى ربع درجة ما زود ماندري هل موضوع الدراسة عن بعد مخلي الوضع يتغير او هو تغير الله اعلم لكن انصدمنا صراحة في موضوع الدرجات عكس اللي توقعناه مرة
• دكتور ممتاز بالشرح واسلوبه ممتاز مع الطلاب ويراجع قبل الاختبارات .. لكن من ناحية الدرجات سيء جدا ما يدف ابد مع انه المادة فيها ٩٠ درجة اختبارات !!! حتى درجة ماعطانا
• الدكتور تعامله ممتاز و لكن يده ثقيلة بالتصحيح و اشوفه خسف الكل بالنسبة للدرجات
• شرح الدكتور اسطوري وتعامله طول الترم ممتاز، لكنه انخسفنا بالفاينل واشوف يده ثقيلة وما يدف، وكلمناه عن التصحيح وزبد لنا
• الدكتور شرحه اسطوري يفهمك ويجاوب على الاسئله ويحل امثله زياده ويراجعلك قبل الميد محاضرتين بالقليل وقبل الفاينل ويحل لك نماذج وتعامله حلو لكن مشكلته مع الدرجات لا تنخدع باللي يقولك يزود 15 درجه ما زودني ولا نص درجه ولا ادري حتى تصحيحه صحيح ولا طارت علي درجات بالغلط لكن الشكوى على الله انصحك تنزل عنده اذا كان حضوري لكن عن بعد حاول ما تنزل
• التعامل بيبان لك انه اسطووري بس لا جاء وقت التصحيح بيعاملك معاملة اليهود و ما دف ولا درجة و شرحه مب ذاك الزود ما راح يفيدك بالاختبارات الموحدة باختصار اكلت مقلب كبر راسي
• دكتور اسطوري بمعنى الكلمه شرح وتعامل واسلوبه عسل والميدات حقته كان يعلمنا وش بيجيب ووش نكتب قبل محاضره الاختبار وتصحيحه خفيفف يدور لك الدرجه غصب واذا رحت له المكتب يشرح لك على كلامه لك درجه
• اسطورة المحاسبة د.محمد عبدالمنعم شرح اسطوري وبسيط ومايغثك ... اختباراته فيها تريكات بس بالشرح يقولك عنها ان ممكن يجيبها... يراجع قبل الاختبار ومهمه مره مراجعته ... التحضير مايهتم له يحط الكشف وكلن يحضر نفسه... تصحيحه ممتاز ويدف ... رح عنده وانت مغمض.
• مادة سهلة بسببه الدكتور اسلوبه ممتاز ومحترم ودائمًا احرص تحضر معه خصوصًا محاضرات المراجعة فهي زبدة الاختبار معه
• حسب ٢٠١ الدكتور المثالي بالنسبه لي واعتقد للجميع ، شرح اسطوري رجل اسطوري بالشرح وتوصيل الفكره ، حبيب واخلاقه عسل ومكبر راسه يحضر بالاخير بس مايحرم احد ، اختباراته سهله مره وبيتعب وهو يعلمك وش بيجي فيها ويعطيك امثله بالمحاضره اللي قبل الاختبار ، قبل الاختبار الموحد يسوي مراجعه ويعلمك اكثر الاخطاء اللي ممكن تطيح فيها ، على كلام اغلب اللي درسوا معي انه رجفهم بالدرجات واصلا اذا انت فاهم معه بس ماتحتاج ، افضل دكتور درسني بالكليه بالراحه
• درست عنده حسب 201 و202 , أفضل دكتور مر علي في الكلية من ناحية أخلاق وشرح ودرجات والتحضير ما يهتم فيه ولا عنده حرمان.
• حسب ٢٠١ الدكتور يفهمك المادة صح و يراجع لك قبل الميد الموحد و ميد الدكتور نفسة