• دكتور عادي جداً بعيداً عن المدح الزايد دف الشعبة درجتين كلنا واعطانا واجبات تمارين المنهج وعليها خمس درجات يحرم بعد تجاوزك ٢٥٪ فحاول ماتغيب عنده (مايتكلم عن الغياب الا اخر ٣ اسابيع) يكثر حل تمارين من وجهه نظري الشخصية الدكتور كويس لكن مايصلح تنزل عنده (المبادئ) لأنه سريع ويعطي واجبات كثيره ويعتمد على حل التمارين اكثر من شرح المنهج بطريقه بديهييه اسئلته متوسطه يعني اذا ماذاكرت راح تنقص كثير
• الكلمات لا توفيه حقه ، هو الكل بالكل هو الاب والمعلم وهو الناصح والمرشد هو اسطورة الحاسبة بلاشك ، اللهم احفظه بحفظك واكلأه برعايتك واحرسه بعينك التي لاتنام
• من اعظم الدكاتره بتاريخ البشّريه ، اقوى دكتور في مجرّة درب التبانه ، مهما قلت فيه ما راح اوفيّه حقّه ، الله يجزاه خير .. نزّل عنده و راح تدعي لي .
• صدقني هذا المصري اعتبره سفير المحاسبة فاهم الماده كامله وشرحه يدخله بمخك غصب ومتساهل جداً بالدرجات والتحضير واختباراته سهله مره وملخصاته عسل وبسيطه لكن ،، لا تعتمد عليه في الاختبارات الموحده فقط ابد ذاكر من اختبارات سابقه احسن لك واحيانا ينفس اذا محد تجاوب معه لكن يبقى الخيار الاول
• ما اقول الا الغبي اللي يتوفر له الدكتور محمد حنفي وما ينزلها عنده فعلًا راحت عليه فرصه حياته
• (دكتور خورافي في كل شيء حرفيا تبي شرح تبي تعامل تبي تحضير) حتى الدرجات عطانا واجبات عليها ٥ درجات تقدر تقول بونس والميد الاول شاف ان الدرجات نازله خلا الاختبار بدال مايكون من ١٣ صار من ١٠ واللي جاب فوق ال١٠ يعتبر بونس له
• (ترم كورونا الثاني )ارجل واحد في كلية الاداره شرحه ممتاز مره لو تركز معه بس في المحاضره بدون م تذاكر في البيت اضمن لك القريد التحضير يخلي طالب يحضر عنه يده في التصحيح خفيييفه يدور لك وين الدرجه عشان يعطيك البونصات كثيييره لدرجة دخلت الفاينل ومعي ٧ درجات بونص ولو باقي لك على القريد كم درجه دفك يعطيك واجبات لو حليتها كلها لك ٥ درجات بونص غير باقي البونصات
• دكتور مايقصر معك ابدا ومن افضل الدكاتره الي درست عندهم وفي واحد معطيه تقييم سيئ اكثر من مره ماعليكم منه
• دكتور اسطوري بمعنى الكلمة تبي شرح تبي معاملة فعلا يقدرك كطالب ، ما يحب الطلاب اذا ما شاركو معه لكن فعلا افضل دكتور في قسم المحاسبة وحظ اللي يدرس عنده
• والله مدري وش اقول وش اخلي دكتور مو ناقصه شي تبي شرح تبي درجات تبي تعامل فعلاً يعاملك كأنك ولده و يشرح لك من قلب و حرفياً مايبيك تخسر درجات يحاول يعطيك درجات غصب والله شال عني هم مو طبيعي اقدر الدكتور الي يحترم الطالب و يحترم ضغوطه و نفسيته
• اسطورة المحاسبة وبس شرح ممتاز تعامل ممتاز ، يحاول انك ماتخسر درجات بقد مايقدر رجال وبس
• الدكتور طيب وحبيب وشرحه حلو بس لازم تراجع دايم لان المادة كانت صعبة شوي وينفس اذا طلعت جوالك وقعدت تستخدمه بمحاضرته الدرجات يعطيك حقك
• الدكتور صراحه ممتاز وفاهم الماده مره واذا كانت الشعبه كويسه معه هو بيصير كويس ينفس اذا احد طلع جواله
• دكتور ممتاز اسطورة المحاسبه مشكلته م يدف درجات يعطيك حقك اذا حليت الواجبات ممكن يدفك اذا كنت قريب من القريد اللي بعده وبس وواجباته كثيره م عليها درجات بس يدفك اذا كنت تحتاج
• الدكتور اسطورة بالشرح يخليك تفهم غصب ولكن من ناحية الدرجات الرجال حقاني يعطيك حقك والتحضير يمرر الكشف علينا وكل واحد يحضر نفسه وميداته كانت سهلة