• حسب ٢٠١ الدكتور اخلاق ومتعاون لاعلى درجة من ناحية الشرح اشوفه ممتاز لكن الشرح احيانا يكون دقيق ومعقد شوي والدرجات يعطيك حقك واعلى والتحضير يركز عليه جداً ماعدا كم محاضرة في الترم عموما اذا نزلت المادة عنده توكل على الله القريد فوق البي ان شاء الله
• الدكتور كويس جداً وشرحه مفهوم ويبسطلك الماده كانت فيه مشكله انه مايسجل المحاضرات لو قلتوله ولكن شرحه يعتبر كافي لو ركزت. اختباراته سهله بس فيها تريكات ويحاول يبين لك التريكات ب المحاضرات . انصح فيه وبشده
• دكتور أسطوري بالمعنى الحرفي للكلمه، شرحه جامد ويعرف يوصّل المعلومه، التصحيح عنده بالخطوات ما يصحح على الإجابه النهائيه، إختباراته سهله صراحه، و محترم جدًا.
• دكتور خلوق وشرحه جدددا واضح لو اقدر نزلت عنده كل السنوات و اختباراته نوعا ما سهلة بس يحط تريكات بكم سؤال
• شرحه وتعامله كويس يدقق بالتصحيح يحسب بالفواصل في التصخيح . انسى يدفك بالدرجات او انه يتساعد معك بالتصحيح دقيق مره وفي عيب ثاني ما يسجل المحاضرة واذا درا انك تسجل المحاضرة يفصل عليك مع انه بعض الاحيان يسحب على محاضراته ويرسلها لنا مسجلة !!
• شرح الدكتور جدداً كويس ولو كان عند البعض ممل لانه يفصل زيادة شوي بحكم انها مبادئ، التأسيس منه كويس، وتعامله واخلاقه جددداً جميله، ميداته سهله شوي للي يركز معه، وتوزيع الدرجات فقط كان على الاختبارات، مايزود درجه وحده لانها مبادئ
• بالنسبة لي افضل دكتور محاسبة وشرحه واضح مرة وما يترك نقطة الا وانت فاهمها
• الدكتور محترم واخلاق ومتعاون وشرحه لايعلى عليه لدرجه ماتحتاج خصوصي معه ابداً وهو يشرح يعلمك التركات الي ممكن تجي بعد اختباراته متوسطه الى سهله يهمه الحضور والمشاركة مره ويدفهم بنهاية الترم ومتساهل ويمشي بالتصحيح باختصار اشوفه من افضل الدكاترة الي درسوني
• اخلاق وطيب مره يحمسك وشرحه ممتاز يفهمك بطريقة الامثلة كيف لو عندك كذا مثلا وهذي الاشياء حماسي فالشرح يعطي اسأله ابداع والله السويدان لا تخاف من ناحية الدرجات يعامل الكل بالمثل نزل عنده ولا تخاف
• تعامل الدكتور جدا ممتاز شرحه بطيء بحيث اني اطفش عند الجزئيات السهلة والبسيطة لكن الموضوع يعتبر ميزه للي استيعابه بطيء للمادة يعني افضل من انه يشرح عالسريع وتفوتني اشياء ما افهمها ياخذ وقت المحاضرة كامله ويزود عليها دقايق لكن بالاخير انت المستفيد الميدات سهلة ولا فيها تركات كثير المد الثالث كان كله خيارات بأختصار اذا لو حصلت الفرصة انزل ٢٠٢ عنده ماراح اتردد
• شرح ممتاز وتعامله وتعاونه كويس ويرد ع الايميل بسرعة عطانا كويز عليه نص درجة بونص اخر الترم الزبدة تطمن اذا نزلت عنده
• الله يسعده درسني تمارين ، بعد ما حذفوا اغلب الشعبه بسبب دكتور المحاضره ساعدنا بشكل مو طبيعي ونزل لنا تمارين واختبارات سابقه تساعدنا بالفاينل واعطى ٩٠٪ مننا ١٠ درجات التمارين كامله مع اننا كنا مقصرين شوي بالحضور
• الدكتور شرحة رهيب جداً و اختباراته تكون واضحة للمذاكرة مافيها تركات واجد اعطانا نهاية الترم بونص كويز عليه نص درجة والتصحيح يعطيك حقك او زيادة
• الدكتور صراحه شرحه كويس و يفهم مرة بس اختباراته تميل الصعوبه بس مشكلته اول ما يدرسك المادة يعاملك معامله واحد خبير بالمحاسبة يقول ( انت محاسب تعرف ذي )انا ادرس مبادى كيف تعاملني كذا ! و دايم يتاخر بالدرجات يقعد اكثر من اسبوعين على ما يصحح و يعطيك حقك ما يزودك ولا يظلمك اذا فيه غيرة رح ما انصحكم فيه الكويس بس الشرح الباقي لا
• الدكتور حبيب جدا و حريص جدا على الطلاب يحاول بشكل كبير ان المعلومه تصل للطالب .. بالنسبه للاختبارات متوسطه .
• بالنسبه لي الشرح جداً جداً جداً ممتاز التعامل رائع الدرجات يعطيك حقك ويمكن زياده شوي التحضير يركز عليه
• دكتور مخلص ومتعاون لأبعد درجه وشرحه كويس لكن بالبدايه ماراح تفهم بعدين بالتدريج تصير تفهم اما بالنسبه للدف مايدف ذاك الدف لكن يساعد على خفيف واختباراته متوسطة الصعوبه
• درست عنده ٢٠١ حسب وكنت منزلها صدفه عنده و اختياري هي عندي لكن الحمدلله على الصدفه الجميله اللي جمعتني مع الدكتور عبدالعزيز السويدان ، تعامل و اخلاق لا يعلى عليه صراحه و شرح اسطوري و اختباراته جداً بسيطه و سهله ، و يعدك اعداد حقيقي للاختبار الشهري الموحد والنهائي الموحد اتذكر كنت معتمد على شرحه و الاختبارات السابقة و طلعت فيها بقريد المادة تافهه يا طلاب الادارة ياليت عندنا بالعلوم مواد زيها و دكتور زي السويدان :)
• حسب ٢٠١: شرحة ممتاز جدا ولكن البقية نفس ما بذكرة في ٢٠٢ حسب ٢٠٢: التعامل ماكان جيد ولا كان سيء غالباً كويس لكن اذا طلبت منه مساعدة ولا تساهل ولا قلت له مثلاً سجل المحاضرات يادكتور عشان نرجع لها او شي زي كذا يرفض على طول ويقول كلمته الشهيرة اللي دايم يقولها (انت طالب جامعي ولازم تقاتل) انا معه لازم اقاتل لكن ما اقدر اقاتل يا الغالي وانت ضدي. الشرح اعطيه ٤/١٠ شرح بطيء وممل وغير كذا يجيك حافظ السؤال والخطوات لو تسأله يعلق شوي ويخطي اثناء حل الاسئلة بشكل متكرر. الدرجات يعطيك حقك او اكثر لكن مايظلمك ابداً وممكن يزيدك شي بسيط. التحضير كويس ومتساهل الى حد ما وبعض الايام مايحضر.
• والله ثم والله افضل دكتور في مبنى كلية ادارة الاعمال (نقطة) والي يقول شرحه ممل لا تهتمون يعني انت جاي تدرس ارقام وحسابات وش تتوقع بيكون الجو العام ؟! انصح فيه وبشدة عجزت ادور فيه عيب
• ممتاز جداً، لكن أفضّل شرحه في 201، قد يكون لأن 202 ما أعجبتني المادة.
• الدكتور شرحه ممل ومستعجل لكن عموما زين ، درجات ما يدف ، اختباره سهل نوعا ما
• حسب 201 يمدحونه بس مادرست عنده حسب 202 حاول تدور افضل منه بس يبقى خيار جيد كتعامل كويس الشرح يعيد المعلومه اكثر من مره تحس يلخبطك الا اذا كنت مركز مره
• دكتور بططططل من الاخر طريقة شرحه مره بطله وتحسه يشرح من قلب+ اذا ركزت معه طول الترم اظمن أ او أ+ بالنسبة للحضور دقيق فيه ويتضايق من الطلاب اللي يحضرون اخوياهم، توزيع الدرجات عنده حلو الواجبات والكويزات اهم شي عنده انك تسلمهم مايهم حلك صح او خطا، اختباراته الشهريه تعتبر سهله ومافيها تريكات، اشوفه خيااااار ممتااااز جدا للي يحب المحاسبة ويبي يستمتع فيها
• درست عنده تحليل التقارير المالية... الصراحه ممتاز بالتعامل واخلاقه عالية ولكن غثيث ودقيق بالمشروع والعرض كان ... حتى الاخطاء الاملائية ينقص عليها... الاختبار الشهري كان صعب شوي اما الفاينل سهل... لو فيه غيره رح.