• درست معها حسب ٢٠١ انا عن نفسي اغلب الاشياء ماكنت افهمها مع اني كنت ملتزمه جدا بالمادة ويمكن خلص الترم ما غبت الا مره وهي كانت تحاول توصل المعلومه بس للأسف ما قدرت شرحها اقل من عادي حتى وكانت تعطينا كويزات تقريبا بعد كل تشابتر كويز كانت كويزاتها صعبه يعني مره تتحمس فيها الله يهديها نهايته كويز درجتين وعلى التعامل ماودي اظلمها حرام كانت محترمه مع البنات بس مرات تطلع معها حركات يعني تتضايق من اي صوت بالكلاس حتى لو تسألين الي جمبك عن رقم الصفحة او شي يمكن تقولك اطلعي برا لا تحضرين معي وسوتها كثيييييير مع بنات وعلى التحضير كانت تحضر بالاسماء نهاية الكلاس ودايم تاخذ الكلاس كامل وتزيد عشر دقايق بعد
• درست معها محاسبة مالية اخلاق عاليه جدًا الله يسعدها وشرحها ممتاز كنا ماشين معها مره والله وتحاول تساعد قد ما تقدر وعادي تعيد الشرح اكثر من مره عشان تفهمون كانت تطلب واجب مع الكويز واعطت الكل كامل بالواجب والكويزات حقتها اعتبرها سهله
• باختصار بتدرسين معها بنفس حلوه و منتب شايله هم مررره متعاونه و تهتم ان المعلومه توصل لك تعيد تشرح مرتين و ثلاثه و تساعد بالدرجات تعطي بونس
• الله يسعدها والله من احسن المحاضرين مرررره متعاونه و شرحها حلو و كويزاتها سهله وتعطي بونص بس انها تدقق مره على اللي يتكلمون وقت الشرح
• كنت خايفه من السب اللي كان عليها بس طلعت العكس تماما متفهمه جدا واسلوبها حلو بس ماتحب احد حتى يهمس بالكلاس دقيقه ناحيه الصوت بعض المرات تطرد وحليله بالتصحيح وتعطي بونس للي يكون مهتم ومنتبه معها حببتني بالماده الصراحه وقد ما تسالي تجاوبك وتعيد تشرح
• تجنن شرحها مررة حلو تحاول تفهمك قد ما تقدر و الكويز سهل ما تساعد ب الاختبار بس شرحها يشفع لها التحضير ما تنقص الواجبات أعطت الكل كامل مع انه كثير ما حلو كل الواجبات محترمة و هادئة ما تعصب أبدا