• بكل اختصار عندك مادة محاسبة وتبي تفهم ودكتور يشرح من قلب ! تفضل معه انت فزت
• هذا بزر معه شهادة واشغلنا. تخيلوا انه قاعد يصارخ ومسبب فوضى عشان طالب قاعد يكتب معه بالقاعة. هجو عنه تراه دعله
• درست عنده عن بعد التعامل كان عادي بكل صراحه ماكان شايف نفسه او شي لكن مشكلته ما ياخذ ويعطي معك لو بغيت شي خارج الشرح، الشرح ممتاز جدا ويفّهم ويعيد عليه اكثر من مره ولو تساله اكثر من مره يجاوبك لين تفهم ، اختباراته سهله جدا لو انت فاهم بتحلها وانت تضحك ، الدرجات مافيه اي زياده ابد بس احسن شي انه يعطيك ١٠ درجات حقت العملي عالحضور فقط ، باختصار تبي تشد حيلك نزل عنده تبي تنجح اي كلام ابعد عنه
• اختباراته اسهل من القسم بمراحل و الشرح عنده خورافي تسأله ما يحسفك انك سألت متعاون في الشرح و عادي يعيد لو مليون مره و التعامل كان عادي مافيه عباطه بس ما يدف يعطيك حقك بالضبط
• دكتور يشرح كامل الماده بشكل جيد جيدا او ممتاز تركز معه بتفهم ٩٠٪ من الماده ، عيبه ماعنده زيادة درجات ابد ولا بونص باختبار ولا اي شي الي تجيبه راح ينحط ..
• تبي تتخصص محاسبة وتفهم الماده غصب نزل عنده لانه بيدخل المعلومه براسك. تبي تعامل ودرجات لا تفكر.
• والله مو طبيعي بالشرح يدخل المعلومه براسك غصب بس مشكلته شايف نفسه و يزبد واجد ولا يدف بس الي يبي يفهم ينزل عنده
• تمارين , شرحه اسطوري ويعيد الى ان توصل الفكرة , تعامله تعبان ولاتصور السبورة او تكتب وهو يشرح لانه بيجلدك اذا شافك وبيخصم درجات واجد , الدرجات جزء على الاغراض اللي يطلبها منك (كتاب , دفتر , قلم) وتكتب معه اذا خلص الشرح وجزء على الحضور وسمح لنا بأربع غيابات , التحضير شديد فيه , اذا تبي شرح فهو خيار جدا ممتاز
• الدكتوو عظيم بالشرح ويوم تسألة يحسسك انه ابوك من كثر ماهو امين بالشرح ويخاف تدخل الاختبار وانت منتب فاهم اللي يطلع من عند الحبجر اعرف انه فاهم الماده ومستحق كل درجة ،خذت عنده ا موب تقصير منه بس لان كورونا وما قدرنا نفهم بعض التشابترات بشكل جيد ، لو سمحلي القدر انزل انزل عنده بنزل وانا مغمض،
• متكبر وشايف نفسه على الطلاب ويكلمك براس خشمه يشيك بالتحضير اسم اسم لو تبي نص درجة ماعطاك اياها يعطيك درجتك بالمسطره بدون اي زياده خيار سيء حاول تبعده
• الله يغثه الله يغثه غثيث بالتحضير وغثيث بالتعامل وتصحيح الاختبارات كانك بكلية عسكرية مب بجامعة لاكن شرحه اعطيه ٧ من ١٠ ولايطعطيك ربع درجه زيادة فوق حق
• دكتور رهيب ، يفصفص لك الماده وقت الشرح وماعنده مشكلة تحضر بأي شعبة ثانيه له. محترم ومتساعد مع الطلاب. صح احياناً يفصل شوي
• الدكتور ماشاء عليه متمكن من المادة شرحه جميل ويفهم ويعيد الشرح كذا مرة اهم شي انك تفهم بالنسبة لتحضير شديد من ناحية التأخير وبالنسبة للدرجات ما يدف ولكن يده خفيفة فالتصحيح وميداته بسيطة اسهل من الموحد
• الدكتور بشكل عام ممتاز شرحه رائع ويعيد لك الشرح مليون مرة لو تبي بس اهم شي تفهم... اختباراته صعوبتها معقولة مايعقدها كثير يجيب لك نفس الي في المذكرة تقريبا بس يغير الارقام
• معيد توه مفطوم عايش جو انه دكتور كبير. شرح ممتاز .. درجات لا تأمل .. تعامل سيء جداً هذا وهو توه صغير الله يعين الطلاب عليه لا شيب
• يشرح شرح ما في زيه لكن التعامل سيئ جداً ويحرج الطلبه بالاسئة عن سبب الغياب اما اكره ما يكره الغياب والتأخير مااذكر انه تاخر اكثر من ٣ دقايق لكن يشرح ويفصل اذا ما فيه اسئلة
• أسطورة بالشرح بس و اخلاق لا تدور و التحضير لازم تجي مبكر ولا يفصل عليك اما بالنسبة للمعدات سهله كانت والدرجات م يدف
• شرحه عباره عن يفتحلك السلايدات ويقرى منها فقط لو تقراها انت لحالك بتفهم اكثر . دكتور سئ جدا
• شرح رهيييييب جدا وماراح تطلع من المحاضرة الا وانت فاهم كل شي او ٩٠٪ من الدرس ، يعصب اذا شافك منشغل بشي او مسرّح ولا يحب احد يكتب وهو يشرح
• اذا كان يهمك شرح الدكتور و اخلاقه فاعتقد انك وجدت ضالتك , اما اذا كنت تبي يدفك ولا يتساهل في التحضير فاظن انك غلطان لانه يعطيك حقك في الاختبارات و في التحضير يشيك اسم اسم
• الدكتور توه جديد شرحة حلو واختباراته سهله لكن مشكلته يصحح بالمسطرة اخذت عنده مادة 201 حسب
• دكتور يزبد كثير ونفسيه لكن للامانه شرحه حلو ولا تتوقع منه يدفك ابد.. يهمه الحضور بدري