• متساهل بالتحضير، يمرر ورقه عليكم وكلن يحضر نفسه، شرحه اسططططوررررررررريييي .. درست عنده ٢٠١ و ٢٠٢ هو اصلا ماسك ٢٠٢ المنسق لها، اختباراته بشكل عام اساله سابقه خيار اول بدون تفكييير .. نادر يدف - كل قسم محاسبه مايدفون - بس اسالته واضحه وسهله ومن اللي يركز عليه والاختبارات السابقه
• تعامله جيد بس اذكر يعصب احيان ويهاوش وفي الشرح ممتاز هذي ميزته والدرجات تاخذ حقك والتحضير متساهل نوعا ما
• اخذت عنده مبادئ الدكتور شرحه للي مركز بيجيب أ+ شرحه غصب تفهم توزيع درجات المقرر كانت ١٠ تمارين عند المعيد و ١٢ درجة اختبار اول من الدكتور و ١٣ درجة اختبار ثاني من الدكتور و ٢٥ درجة موحد من القسم و ٤٠ فاينل اختبارات الدكتور من المذكرة حقته الموحد اذا انت مركز مع الدكتور وفاهم وحليت اختبارات سابقه بتبدع الدكتور كتعامل ممكن يكون شديد على البعض يهمه انك تكون فاهم ومركز مو بس حاضر كشكل اذا انت من النوع اللي تبي تتأسس صح وبتذاكر وتفهم مع الدكتور انصح فيه اما اذا تبي دكتور يمشي ويدف دور غيره
• دكتور خرافي جدًا جدًا بالشرح وسلس بتوصيل المعلومة ، تعامله غير جيد والدرجات صراحة ماقصر معي فيها
• شرحه رهيب بس تعامله سيء جدا و يخليك ما تسوى نعله عنده حتى اذكر قد قال اذا عندك سؤال بالنقطة الجاية وقفوني على طول يوم بدا يشرح و ما فهمت احد النقاط و قلت له اني ما فهمت طلعني من المحاضرة
• الدكتور كتعامل سيئ جدا و يسب و يستنقص منك و واجباته تاخذ وقت كثيرررر و يقول انها بونص بعدين يجحد اخر الترم يقول بخليها مشاركه و اختباراته صعبه لكن كشرح الدكتور شرحه جميل و كدرجات الدكتور صارم جدا
• درست عنده مبادئ المحاسبه الله يجزاه خير الدكتور بطل يفهمك بالغصب واصلا الماده هذي يحتاج لها مذاكره مستمره فاللي بيغيب وماراح يذاكر باستمرار طبيعي جدا يجيب العيد عن تجربة مرتين منزل الماده اول مره حذفتها وثاني مره عند الرجال الذيبان احمد يوسف تعامله مع الطلاب شوي حاد يعني مايبي اعذار وسالفة الواجبات كانت الشعبه اغلبها تنسخ وتلصق من بعض والمشكله واضح النسخ بين الطلاب يعني يحلون مسئله غلط وبنفس الترتيب ونفس الاغلاط قال بنقص عليكم لكن يوم نقص الاغلبيه كان بيجيب العيد وينقص بسبب الدرجات الكثيره اللي حطها على الواجبات عشان كورونا ولخبطة الدرجات الفصليه لكن بشكل عام بطل وان شاء الله انزل عنده تكاليف
• انا درسني تكاليف الترم اللي راح ترم بداية (كورونا) حلو وميزته يسجل المحاضرات عن بعد يعني ترجع لها متى ما بغيت وشرحه جدًا ممتاز يطول بالمسألة لين تدخل راسك بس سوا حركة وصخه اخر الترم خسف فينا بدرجات الواجب يقول ناقلين من بعض بس كلمنا العميد وعدلها لنا المهم انه حقاني بالدرجة الوحده اذا لك يعطيك لو بعيد المادة بنزل عنده لأن الشرح حقه يوصل المعلومه ولا تنسى توريه انك مهتم وتجيب اوراقك وتجهزها على لابك قبل تبدأ واذا سأل افتح المايك وجاوب
• نصيحتي لك اذا تبي تخصص محاسبة وتبغى تأسس صحححح ادخل عنده وانت مغمض واختباراته سهله لكن واجباته طويله انا درست عنده ٢٠١ و ٢٠٢ كنق المحاسبة بأختصار والي يقلك ترااه سي ووالخ تلقاه هو اصلاً مايذاكر ولا يفتح الكتاب الا قبل الاختبار بيوم
• كشرح هو الأفضل لكن التعامل سيء جدا جدا جدا الدرجات يعطيك حقك ( ما يدف ولا يظلم ) .
• أفضل دكتور يشرح مر علي شرحه ممتاز ويفهمك غصب بس لازم تعتمد على نفسك وتذاكر لأن ما عنده دف وهالكلام بس شرحه وتعامله ممتازة ولو حصلته في مادة ثانية بأسجل عنده ما قصر الله يعطيه العافية وواجبته طويلة
• اخلاقه موب زينه ولا يقدّر الطالب المجتهد اللي معه واللي موب مجتهد عنده واحد، واجباته كثيييرة، اختباراته اشوفها سهلة، التحضير دايم يحضّر
• شرح ممتاز جداً واجباته كثير كل فصل عليه واجبات / يوم شاف الشعبة نسخ لصق واجبات نقصهم درجات !!! قال انتم تنقلون من حلول بالإنترنت - التحضير ورقة تدور حول الكل حضر نفسك واللي يعز عليك - نظرته ان الطالب ما يذاكر ولا يهتم - اختباراته ترك بسيط والباقي سهل - قال لنا ان الواجبات بونص بعدها بنص الترم قال لا بحسبها من الدرجات حقت المشاركة !
• تحضير ورقة تدور على الطلاب ، واجباته كثيرة وغثيثة ، درجات يعطيك على حقك مستحيل تاخذ اكثر ، شرح اسطوري ، منسق نادة ٢٠٢
• شرح اتعب وانا اقول جبار ، الدرجات بيعطيك حقك الا اذا كنت بتدخل الفاينل وانت راسب بيدفك لين تنجح ، مايحب احد يدخل عليه في نص الشرح لان افكاره تضيع اذا بتتخصص محاسبة ومحتاج تفهم التكاليف لاتنزل عند غيره
• عملاق المحاسبة باختصار ، تحس انه منبع محاسبة ماشاء الله عليه يفهمك المعلومة لين المخيخ لكن ترا ماعنده دف يعني بتاخذ حقك كامل، نصيحتي اذا انت تبي تفهم لاتاخذ الا عندددده بالذات محاسبة التكاليف لأنه هو المنسق حقها وبعض الاحيان يقرب لك ويقول ترا هذا يجي وهذا يجي خيارك الاول اذا تبي تفهم صحححححح.
• من افضل الدكاترة اللي درست عندهم شرحه بطل وتعامله كويس للي بيتعامل مع الدكتور كويس مشكلته الوحيدة ما يدف واختباراه لازم تكون مذاكر وفاهم
• انا اخذت ٢٠١ و ٢٠٢ كلها عنده الدكتور في الشرح تفهم غصباً عنك واختباراته سهله للي فاهم ومذاكر هو يفصل شوي لكن اسطوووري اذا تبي تفهم المحاسبة صححح ادخل عنده وطلعت من عنده بقريدات حلوه الحمدالله
• كشرح لايعلى عليه هو الافضللللللل ، كتعامل مرات يفصل ،، مستحيل يدفك بدرجة لو وش ، عيبه يعظّم الماده لدرجة مرات تخاف منها وهي سهله! كل مادخل احد للقاعه وقف شرح وقعد يسفل فيه وتتشتت من هالشيء خيار ممتاز جدًا لايفوتك اذا تبي شرح
• شرحة ممتاز جدًا ويفهم اللي فهمه بطيء اسلوبه مو ذاك الزود بس مو مهم ميزتة انه هو اللي يكتب اسئلة الاختبارات ويقرب لك بعض الاسئلة لو تركز ويحب الطالب متفاعل معه ومركز ويذاكر اول باول
• بيفهمك زين لكنه يزيد ويعيد في النقطه لين يطفشك وكل شوي اذا دخل احد الكلاس متأخر قطع الشرح ويقوله ليه متأخر وينقطع حبل تفكيرك للاسف، ودايماً يحب يبالغ بصعوبة المادة لكنه ممتاز بشكل عام
• كنت اكره المحاسبه جدًا، لكن معه حبيتها مستحيل تطلع من عنده وانت مب فاهم شيء ، كشرح لايعلى عليه ابدًا .. بس عيبه اذا نفس عليك عشانك ماتشارك او فاهي.. الزبده اذا حصلته انتبه يفووووووتك
• شرحه اسطوري، غصب تفهم و اذا ماتفاعلتوا معه يزعل يبي مصلحتكم ، الدرجات يعطيك حقك و مايظلمك و متساهل بالتحضير
• ممتااااز جدًا جدًا بالشرح يفهمك غصب ويعيد اكثر من مره لين تفهم رجال يعرف يوصل المعلومة صح، اختباراته سهلة وما يجيب فيها نظري، متساهل جدًا بالتحضير، يأخذ زيادة خمس الى عشر دقايق بعد المحاضرة. باختصار اشوفه الخيار الاول لك
• شرح ممتاز ما احس انه يدف ابدن ويقولون يساعد الي ما قد غاب وياخذ بعد المحاضرة ٥-١٠ دقايق وميزة اختباراته مافي نظري الي اضيع درجات ف اشوفه من افضل دكاترة محاسبة وخله من اوائل خياراتك
• ٢٠١ حسب ، دكتور جدا متعاون مع الطلاب وحبييييب مره، مشكلته لا تقاطعه وهو يشرح عشان ماينفس، بالاختبارات متعاون مره ويساعدك ويشرحلك السؤال اللي ماتعرفه، نظامه بالتحضير كشف الحضور يمر وكل واحد يحضر نفسه... اذا بتحضر عنده دايم اضمن لك (A) بالراحة... باختصار دكتور يستحق تنزل عنده.
• احمد يوسف عبدالرحمن، حسب202، توصيل المعلومة من افضل الدكاترة فهذي الناحية تفهم عنده غصب غصب غصب بالنسبة لميدات الدكتور-غير الميد الموحد اللي يكون من القسم- اسئلة سهلة ومباشرة وبدون تريكات كانت الاسئلة فاول ميد ثلاثة اكمل الفراغ وسؤالين منفصلين الميد الثاني ثلاثة اختر ثم ثلاث اسئلة منفصلة ، الشرح كان يبدا بعد 7-8 دقايق تقريبًا من بداية المحاضرة وياخذ بعد المحاضرة بين 5-10 دقايق زيادة ، كنت اذاكر من مذكرة الدكتور وكنت اطبق من الاسئلة اللي فالخطة حقت المادة والميد الموحد ما يطلع عنها ابدًا ، باختصار اذا كان احمد يوسف تقدر تنزل عنه فلا تفكر مرتين نزل عنده وانت مغمض